ޔުނައިޓެޑް ވިކްޓްރީ ބަލިކޮށް ޓީސީ ފަސް ވަނަ އަށް

ލީގުގެ މެޗެއްގެ ތެެރެއިން ޓީސީގެ ކެޕްޓަން އައްޒާމް: އޭނާ ވަނީ މިއަދުގެ މެޗުގައި ދެ ގޯލު ޖަހާފައި.-- ފޮޓޯ: އިބްރާހިމް ފާއިދު/ އެފްއޭއެމް

ލީގުގެ މެޗެއްގެ ތެެރެއިން ޓީސީގެ ކެޕްޓަން އައްޒާމް: އޭނާ ވަނީ މިއަދުގެ މެޗުގައި ދެ ގޯލު ޖަހާފައި.-- ފޮޓޯ: އިބްރާހިމް ފާއިދު/ އެފްއޭއެމް

ދިރާގު ދިވެހި ޕްރިމިއާ ލީގުގައި މިއަދު ހަވީރު ޔުނައިޓެޑް ވިކްޓްރީ (ޔޫވީ) އަތުން 2-0 އިން މޮޅުވެ, ޓީސީ ސްޕޯޓްސް ކްލަބް ލީގުގެ ފަސް ވަނަ އަށް ޖެހިލައިފި އެވެ.

ލީގުގައި ޓީސީ އާއި ޔުނައިޓެޑް ވިކްޓްރީ އޮތް މަގާމުގެ ގޮތުން މި މެޗުން ޕޮއިންޓް ހޯދުން ދެ ޓީމަށް ވެސް އޮތީ މުހިއްމުވެފަ އެވެ. މެޗަށް ނުކުތްއިރު ލީގުގެ ހަތް ވަނައިގައި އޮތް ޓީސީ ފަސް ވަނަ އަށް ޖެހިލީ 11 މެޗުން 12 ޕޮއިންޓް ހަމަކޮށްގެންނެވެ. ހަ ވަަނައިގައި އޮތް ކްލަބް އީގަލްސް އަށް ވެސް 10 މެޗުން 12 ޕޮއިންޓް ލިބިފައިވާއިރު, ޓީސީ އަށް ކުރި ލިބެނީ ލަނޑުގެ ތަފާތުންނެވެ. މިރޭ ލީގުގެ އެއް ވަނައިގައި އޮތް މާޒިޔާއާ ދެކޮޅަށް ކުޅޭ ސުޕަ ޔުނައިޓެޑް ސްޕޯޓްސް (ސަސް) ހަތް ވަނައިގައި އޮތީ 10 މެޗުން 11 ޕޮއިންޓް ހޯދައިގެންނެވެ. މާޒިޔާ އަތުން ބަލިނުވެ ފަރުޖައްސާލައިގެން ސަސް އަށް ހަ ވަނަ އަށް އެރޭނެ އެވެ.

މެޗު ފެށިގެން މާ ގިނައިރެއްނުވެ, ދެ ޓީމުން ވެސް ގޯލު ޖަހަން ފުރުސަތު ތަނަވަސްކުރަން ފެށި އެވެ. އެގޮތުން މެޗު ފެށިގެން 15 ސިކުންތު ތެރޭގައި ޔުނައިޓެޑް ވިކްޓްރީގެ ފަހަތުން ހެދި ގޯހެއްގެ ފައިދާނަގައި ޓީސީގެ ޓްރިންޑާޑް ފޯވާޑް ސެމިއުލް ކޯޑެލް ދިން ބޯޅައަކުން އެ ޓީމުގެ ކެޕްޓަން މުހައްމަދު އައްޒާމް ޖެހި ބޯޅަ އަމާޒުވީ ގޯލުގެ އަރިމަތީ ދަނޑިއަށެވެ. އޭގެ ދެ މިނިޓް ފަހުން އޭރިއާބޭރުން އައްޒާމް ފޮނުވާލި ޝޮޓެއް ޔުނައިޓެޑް ވިކްޓްރީގެ ކީޕަރު ނާޖިހު އަލީ ވަނީ މަތަކޮށްފަ އެވެ.

ޔުނައިޓެޑް ވިކްޓްރީން ލަނޑު ޖަހާނެ ފުރުސަތުތައް ތަނަވަސްކުރަން ފެށީ މެޗުގެ 12 ވަނަ މިނިޓުން ފެށިގެންނެވެ. އެ ގޮތުން މެޗުގެ ޔުނައިޓެޑް ވިކްޓްރީގެ އަހުމަދު ނިޒާމް (ނިޒާމްބެ) ޖެހި ޝޮޓް ޓީސީގެ އަޒަރުބައިޖާން ކީޕަރު އާޒާދު ވަނީ ހުއްޓުވައިފަ އެވެ.

އޭގެ ފަހުން ޔުނައިޓެޑް ވިކްޓްރީ އަށް ލީޑުނަގައިދޭން ނިޒާމްބެ އާއި ޒުވާން ކުޅުންތެރިޔާ އަހުމަދު ބައްސާމް މުހައްމަދު (ބައްކު) އަށް ލިބުނު ރަނުގެ ފުރުސަތުތައް ބޭނުމެއް ނުކުރެވުނެވެ. ޔުނައިޓެޑް ވިކްޓްރީގެ ކިރްގިސްތާން މިޑްފީލްޑަރު އަނަޓޯލީ ވްލަޝީޗޭފް ހިލޭ ޖެހުމަކުން ނަަގައިދިން ބޯޅަ އެ ޓީމުގެ މިޑްފީލްޑަރު މުހައްމަދު އާރިފް (ބަކާ) ބޮލުން ހުސްކޮށްލާފައި ނިޒާމްބެ އަށް ދިން ބޯޅަ އޭނާ ބޮލުން ފޮނުވާލިއިރު, އަމާޒުވީ ހުރަސްދަނޑިއަށެވެ. އަދި ފަހުން ޔުނައިޓެޑް ވިކްޓްރީގެ ކެޕްޓަން ބޭންޑް އަޅައިގެން މި މެޗުގައި ކުޅުނު އިސްމާއިލް އީސާ (މެސީ) ހުސްކޮށްލާފައި ބައްކު އަށް ދިން ބޯޅަ ހިފައިގެން އޭރިއާތެރެއަށް ވަދެ ފޮނުވާލުމުން ކީޕަރު އާޒާދު ވަނީ މަތަކޮށްފަ އެެވެ.

ޔުނައިޓެޑް ވިކްޓްރީ އަށް ލިބުނު ފުރުސަތުތަކުގެ ބޭނުންނުހިފުމުގެ ނަތީޖާއަކަށްވީ މެޗުގެ 31 ވަނަ މިނިޓްގައި ޕެނަލްޓީ އަކުން ޓީސީ ލީޑުނެގުމެވެ. އޭރިއާބޭރުން ޓީސީގެ އަބްދުލްވާހިދު (ވާޑު) ޖެހި ޝޮޓް ކީޕަރު ނާޖިހު އަތުގައި ޖެހިފައި ރީބައުންސްވި ވަގުތު ޓީސީގެ ސެމިއުލް އަށް އެ ބޯޅަ ލިބުމުގެ ކުރިން އޭނާ އަށް ޔުނައިޓެޑް ވިކްޓްރީގެ އަހުމަދު ވިސާމް (ޖެރާޑް) ކުރި ފައުލަކަށް ރެފްރީ ދިން ޕެނަލްޓީ އައްޒާމް ވަނީ ކާމިޔާބުކޮށްފަ އެވެ.

ފުރަތަމަ ހާފު ނިމުމުގެ ކުރިން ޔުނައިޓެޑް ވިކްޓްރީ އަށް ނަތީޖާ ހަަމަހަމަ ކުރަން ވެސް ރަނގަޅު ފުރުސަތުތަކެއް ލިބުނެވެ. ބައްކު ޓީސީގެ ދެ ކުޅުންތެރިން ކައިރިން ނައްޓާލުމަށް ފަހު އޭރިއާތެރޭގައި ހުރި އީސަ އަށް ޖައްސާލުމުން އޭނާ ފޮނުވާލަން މަސައްކަތްކުރި ބޯޅަ ރަނގަޅަށް ފައިގައި ލައްވާލާގޮތެއްނުވި އެވެ. އޭގެ ފަހުން އެ ޓީމުގެ އަނަޓޯލީ އޭރިއާތެރެއިން ފޮނުވާލި ބޯޅަ ދިޔައީ އަރިމަތިން ބޭރުންނެވެ.

ދެ ވަނަ ހާފްގެ ކުޅުން ފަށައިގެން ހަތަރު ވަނަ މިނިޓްގައި ޓީސީން ވަނީ އައްޒާމްގެ ގޯލުން ލީޑުފުޅާކޮށްފަ އެވެ. ޔުނައިޓެޑް ވިކްޓްރީގެ ފަހަތުން ވިސާމް އަތުން ގެއްލުނު ބޯޅައެއް ހިފައިގެން އޭރިއާތެރެއަށް ވަދެ އައްޒާމް ވަނީ ތިރިތިރިން ގޯލުގެ ތެރެއަށް ބޯޅަ ފޮނުވާލައިފަ އެވެ. އޭގެ ދެ މިނިޓް ފަހުން ހެޓްރިކެއް ހަދަން އައްޒާމަށް ލިބުނު ފުރުސަތުގައި އޭނާ ޖެހި ބޯޅަ ދިޔައީ އަރިމަތިން ބޭރުންނެވެ. އަދި ފަހުން ޓީސީގެ ޒުވާން ކުޅުންތެރިޔާ އަހުނަފް މުހައްމަދު ޖެހި ދެ ބޯޅަ ދިޔައީ ގޯލާ ސީދާނުވެ ބޭރުންނެވެ.

ޔުނައިޓެޑް ވިކްޓްރީ އަށް އިތުރު މައްސަލަތައް ކުރިމަތިވީ މެޗުގެ 76 ވަނަ މިނިޓްގައި ދެ ވަނަ ރީނދޫ ކާޑާ އެކު ވިސާމަށް ރަތް ކާޑެއް ދެއްކުމުންނެވެ. އެއް ކުޅުންތެރިއަކު މަދުކޮށް ޔުނައިޓެޑް ވިކްޓްރީން ވަނީ ލަނޑުޖަހާނެ ފުރުސަތުތަކެއް ތަނަވަސްކޮށްފަ އެވެ. އަނަޓޯލީ ޖެހި ޝޮޓެއް އަރިމަތިން ބޭރަށްދިޔައިރު, ބަކާ ބޮލުން ޖެހި ގޯލެއް ވަނީ އޮފްސައިޑް ކަަމަށް ނިންމައިފަ އެވެ.

މިއީ ޓީސީގެ ކޯޗުކަމާ މުހައްމަދު ނިޒާމް (ނިޒާމްބެ) ދެ ވަނަ ފަަހަރަށް ހަވާލުވި ފަހުން އެ ޓީމު ހޯދި ފުރަތަމަ މޮޅެވެ. ނިޒާމްބެ ހަވާލުވި ފަހުން ޓީސީ ކުޅުނު ފުރަތަމަ ދެ މެޗުން އެ ޓީމު ވަނީ ވެލެންސިއާ އާއި ސަސް އަތުން ބަލިވެފަ އެވެ. ޓީސީން މި މެޗުގައި ކުޅުނީ އަނިޔާގެ ސަބަބުން ލަންކާގެ ޑިފެންޑަރު ޑަކްސަން އާއި ސެއިން ވިންސެންޓްގެ ފޯވާޑް މެލްކަމް ކެސިއަސް ސްޓެވާޓް (ބޮބީ) ނުލަ އެވެ. އަދި އެންމެ ފަހުން ކުޅުނު މެޗުގައި ދެއްކި ރަތް ކާޑުގެ ސަބަބުން ޓީސީގެ އަލީ ޝާމިސް (ތޮއްޕޭ) ހުރީ ސަސްޕެންޝަނުގަ އެވެ.

މެޗާ ބެހޭގޮތުން ނިޒާމްބެ ބުނީ އެންމެ ފަހުން މެޗާ އަޅާކިޔާއިރު މި މެޗުގައި ޓީސީން ވަރަށް ރަނގަޅަށް ކުޅުނު ކަމަށާާއި ހަގީގަތުގައި މީގެ ކްރެޑިޓް ކުޅުންތެރިންގެ އިތުރުން ޓީސީގެ ޓެކްނިކަލް ޓީމަށް ހައްގުވާ ކަމަށެވެ.

"ކުރިން ދުވަހަށް ވުރެން ވަރަށް ބޮޑުތަނުން ގޭމް ރަނގަޅުވެގެންދިޔަތަން ފާހަގަކުރެވުނު. ކުރިން ސްޓާޓިން އިލެވަންގައި އާންމުކޮށް ކުޅޭ ތިން ކުޅުންތެރިން ނުލައި މެޗު ސްޓާޓްކުރިއިރު ބަދަލުގައި އެ ކުޅުނު ޒުވާން ކުޅުންތެރިންގެ ޕާފޯމަންސާ މެދު ވަރަށް ބޮޑަށް ހިތްހަމަޖެހޭ. ދެ ޓީމުން ވެސް މޮޅުވާން ވަރަށް މަސައްކަތްކުރި ދުވަހެއް މިއީ. އެކަމަކު މިއަދަކީ ޓީސީގެ ދުވަސް," ނިޒާމްބެ ބުންޏެވެ.

ޔުނައިޓެޑް ވިކްޓްރީ ލީގުގެ އެންމެ ފުލުގައި އޮތީ 11 މެޗުން ލިބުނު ތިން ޕޮއިންޓާ އެކު އެވެ. އެ ޓީމަށް މިހާތަނަށް އަދި ލީގުގައި މޮޅެއް ނުލިބެ އެވެ. ޔުނައިޓެޑް ވިކްޓްރީގެ ކޯޗު އިހުސާން އަބްދުލް ގަނީ (ސާންތީ) ބުނީ ހަގީގަތުގައި މި މެޗަކީ އެ ޓީމަށް މޮޅުވެވޭނެ ވަރަށް ގޯލު ޖެހި އަމިއްލަ އަތުން އިދިކޮޅު ޓީމަށް ދިން ގޯލުތަކެއްގެ ސަބަބުން ގެއްލުނު މެޗެއް ކަމަށެވެ. އަދި މި ނަތީޖާއާ އެކު ދެން އެ ޓީމުން ފޯކަސް ބަހައްޓަންވީ ރެލިގޭޝަން ކުޅެންވާއިރަށް ޓީމުގެ ހާލަތު ރަނގަޅުކުރުމަށް ކަމަށް ސާންތީ ބުންޏެވެ.

"ކުރިއަށް ހުރި މެޗުތަކުގައި ދެން ކޮންމެވެސް ގޮތެއް ހޯދާފައި މީގެ ތެރޭގައި ތިބި ޔޫތު ޕްލޭޔަރުންނަށް ފުރުސަތު ދީފައި. މި އޮތް ދުވަސްތަކުގެ ތެރޭގައި ތަންކޮޅެއް ބޮޑަށް ފޯކަސް ގެންގުޅޭނީ ރެލިގޭޝަނަށް މި ޓީމުގައި ތިބި ކުޅުންތެރިން ޓެސްޓްކުރަން," ސާންތީ ބުންޏެވެ.

އަނިޔާގެ މައްސަލަތަކުގެ ސަބަބުން ޔުނައިޓެޑް ވިކްޓްރީގެ ހާލަތު ގޯސްވާތީ ބައެއް ކުޅުންތެރިން އަސްލު ކުޅުވަން ޖެހޭ މަގާމު ނޫން އެހެން ތަންތަނަށް ބޭނުންކުރަން ޖެހުމަކީ ވެސް ޓީމަށް ދިމާވެފައިވާ އުނދަގޫކަމެއް ކަމަށް ސާންތީ ބުންޏެވެ.

ކޮމެންޓް

ފަހުގެ ޚަބަރު

އިންޑިއާ އިން 10 ވަނަ ފަހަރަށް ސާފްގެ ތަށި އުފުލާލައިފި

ޕާކިސްތާން 2-1 އިން ބަލިކޮށް، އިންޑިއާ އިން 10 ވަނަ ފަހަރަށް ސާފް ޗެމްޕިއަންޝިޕްގެ ތަށި ކާމިޔާބުކޮށްފިއެވެ. މިއީ އިންޑިއާ އިން ޖެހިޖެހިގެން މި މުބާރާތުގެ ތަށި އުފުލާލި ތިންވަނަ ފަހަރެވެ. ފުރަތަމަ ހާފުގައި ޕާކިސްތާނުން ލީޑު ނެގި ނަމަވެސް، ދެވަނަ ހާފުގައި އިންޑިއާ އިން ވަނީ ފަހަތުން އަރައި ދެ ގޯލު ޖަހައި މެޗު ކާމިޔާބުކޮށްފައެވެ.

ސުޖަން، 17 އަހަރަށް ފަހު ސްރީ ލަންކާ އަށް ކުޅުން ހުއްޓާލައިފި

ސްރީ ލަންކާގެ ގައުމީ ފުޓްބޯޅަ ޓީމަށް 17 އަހަރު ވަންދެން ކުޅެދިނުމަށްފަހު، އެ ޓީމުގެ ކެޕްޓަން އަދި ގޯލްކީޕަރު ސުޖަން ޕެރޭރާ ބައިނަލްއަގުވާމީ ފުޓްބޯޅައިން ރިޓަޔާކޮށްފި. ގައުމީ ޓީމަށް 69 މެޗު ކުޅެދީފައިވާ ސުޖަންގެ ރިޓަޔަމަންޓް ފާހަގަކުރުމަށް އަންނަ އަހަރުގެ މާޗް މަހު ހާއްސަ ހަފްލާއެއް ބޭއްވުމަށް ލަންކާ ފުޓްބޯޅަ ފެޑެރޭޝަނުން ވަނީ ނިންމާފައި

އިޔަން އާއި އާމިން ގައުމީ ބޮޑީބޯޑިން ލީގު ޓައިޓަލް ދިފާއުކޮށްފި

މި އަހަރުގެ ގައުމީ ބޮޑީބޯޑިން ލީގުގެ ޗެމްޕިއަންކަން އާމިން އުމަރު މޫސާ ދިފާއުކުރިއިރު، ޖޫނިއާ ލީގުގެ ޓައިޓަލް އިޔަން އަހުމަދު ވަނީ ދިފާއުކޮށްފައެވެ. އާމިން ލީގު ކާމިޔާބުކުރީ ސީޒަން ނިންމާލުމަށް ބޭއްވި ބަނޑުފިލާ ޗެލެންޖުގެ މެންސް އޯޕަން ބައިގެ އެއްވަނަ ހޯދައިގެންނެވެ. އަދި އިޔަން ޖޫނިއާ ލީގުގެ އެއްވަނަ ހޯދީ ބަނޑުފިލާ ޗެލެންޖުގެ ޖޫނިއާ ބައިގެ ފައިނަލުގައި ވާދަވެރި ކުޅުމަކަށްފަހު ކުރިހޯދައިގެންނެވެ.

އިންޑިއާގެ އަމާޒު ހުރީ ޖެހިޖެހިގެން ތިން ވަނަ ސާފް ތަށްޓައް

މި ފަހަރުގެ ސާފް ޗެމްޕިއަންޝިޕް ކާމިޔާބުކޮށް، ޖެހިޖެހިގެން ތިންވަނަ ފަހަރަށް ތަށި ހޯދުމުގެ އަމާޒުގައި އިންޑިއާ މިރޭ ފައިނަލުގައި ޕާކިސްތާނާ ދެކޮޅަށް ނުކުންނާނެ. އިންޑިއާގެ ކޯޗު ނައުޝާދު މޫސާ ބުނިގޮތުގައި، ގިނަ ގޮންޖެހުންތަކަކާއެކު ވެސް މި މުބާރާތް ކާމިޔާބުކުރުމަކީ އެ ގައުމުގެ ފުޓްބޯޅައަށް ލިބޭނެ ވަރަށް ބޮޑު ކުރިއެރުމެއް

ޕާކިސްތާނަށް އިންޑިއާ ބަލިކުރަން އެނގޭނެ: ސޮލާނޯ

ސާފް ޗެމްޕިއަންޝިޕްގެ ފައިނަލުގައި އިންޑިއާ ބަލިކުރަން އެނގޭނެ ކަމަށް ޕާކިސްތާނުގެ ކޯޗު ސޮލާނޯ ބުނެފައިވާއިރު، މިއީ އެ ގައުމުން މި މުބާރާތުގެ ފައިނަލުގައި ކުޅޭ ފުރަތަމަ ފަހަރެވެ. ގްރޫޕް ސްޓޭޖުގައި އިންޑިއާ އަތުން ބަލިވި ނަމަވެސް، ޔޫރަޕްގައި ކުޅޭ މުހިންމު ކުޅުންތެރިންތަކެއް ޓީމާ ގުޅުމަކީ ޕާކިސްތާނަށް ލިބޭ ބޮޑު ހިތްހަމަޖެހުމެކެވެ. އިންޑިއާ އަކީ މި މުބާރާތުގެ ތަށި ނުވަ ފަހަރު ހޯދާފައިވާ އެންމެ ކާމިޔާބު ޓީމެވެ.

ވާޓްޒްގެ ލަނޑުތަަކާ އެކު ޖަރުމަނުން ނެދަލެންޑްސް ބަލިކޮށްފި

ޔުއެފާ ނޭޝަންސް ލީގުގައި ރޭ ކުޅުނު މެޗުން 5-0 ގެ ބޮޑު ތަފާތަކުން ނެދަލެންޑްސް ބަލިކޮށް، ޖަރުމަނުން މުބާރާތުގެ ކުއާޓާ ފައިނަލުގެ ޖާގައެއް ކަށަވަރުކޮށްފި. ފްލޯރިއަން ވާޓްޒް ދެ ލަނޑު ކާމިޔާބުކުރި މި މެޗުގެ ނަތީޖާއާއެކު، ޖަރުމަނުން ވަނީ ގްރޫޕްގެ އެއްވަނަ މަގާމު ވެސް ހޯދާފައި.

ޔުއެފާ އިން ފީފާ އިންތިހާބަށް ނެރުނީ ފްރާްންސްގެ ފުޓްބޯޅަ ރައީސް

އަންނަ އަހަރު ބާއްވާ ފީފާގެ އިންތިހާބުގައި ވާދަކުރަން އާސެން ވެންގާ ދެކޮޅު ހެދުމުން، ޔުއެފާގެ ތާއީދާއެކު ފްރާންސް ފުޓްބޯޅަ ފެޑެރޭޝަންގެ ރައީސް ފިލީޕޭ ޑިއާލޯ އިންތިހާބަށް ކުރިމަތިލައްވައިފި. މި އިންތިހާބުގައި ޑިއާލޯގެ އިތުރުން މިހާރުގެ ރައީސް އިންފަންޓީނޯ އާއި އިތުރު ދެ ކެންޑިޑޭޓުން ވާދަކުރާއިރު، އިންތިހާބު އޮންނާނީ އަންނަ އަހަރުގެ މާޗް މަހުގައި

Newsletter

Get the latest news delivered straight to your inbox