ރަށްތަކުގެ ކޭސްތައް ގިނަވެ ކައުންސިލް އިންތިހާބު ބާއްވަން އިތުރު ތަކުލީފެއް

އެޗްޕީއޭގެ ގައިޑްލައިންނާ އެއްގޮތަށް ކައުންސިލް އިންތިހާބު ބާއްވަން ހޭދަވާ ވަގުތު އަންދާޒާ ކުރަން ކުރިއަށް ގެންދިއަ ޑަމީ އިންތިހާބު. -- ފޮޓޯ: އިލެކްޝަންސް ކޮމިޝަން

އެޗްޕީއޭގެ ގައިޑްލައިންނާ އެއްގޮތަށް ކައުންސިލް އިންތިހާބު ބާއްވަން ހޭދަވާ ވަގުތު އަންދާޒާ ކުރަން ކުރިއަށް ގެންދިއަ ޑަމީ އިންތިހާބު. -- ފޮޓޯ: އިލެކްޝަންސް ކޮމިޝަން

މުޅި ދުނިޔެއާ އެކު ރާއްޖެ ވެސް ކޮވިޑް-19ގެ ބަލިމަޑުކަމާ ގުޅިގެން މުޅީން ހުއްޓުމަކަށް ގެނުވި އެވެ. ރައްޔިތުން ގޭބަންދު ކުރަން މަޖުބޫރުވުމާ އެކު ސަރުކާރަށް އުނދަގޫ ގިނަ ނިންމުއްތަކެއް ނިންމަން ޖެހުނެވެ. އޭގެ ތެރެއިން އެންމެ ފުރަތަމަ ނިންމުމަކީ މިދިޔަ އަހަރު ތާވަލުކުރި ލޯކަލް ކައުންސިލް އިންތިހާބު ފަސްކުރުމެވެ. ނުރައްކާތެރި ބަލިމަޑުކަމެއްގެ ތެރެއިން، އޭރު ހާލަތު އޮތް ގޮތުން އިންތިހާބެއް ބޭއްވޭނެ މާހައުލެއް ނެތުމުންނެވެ.

އޭގެ ފަހުން އިންތިހާބު ނުބޭއްވި ދިގުލައިގެން ދިއުމުން ގާނޫނީ ހުސްކަމެއްގެ ތެރެއަށް ވެއްޓިގެން ދިއުން ހުއްޓުވަން، ސަރުކާރުން އިސްވެ، ރައްޔިތުންގެ މަޖިލިސް މެދުވެރިކޮށް ހާއްސަ ގާނޫނެއް ފާސްކުރަންޖެހުނެވެ. އިންތިހާބު ބާއްވަން އިތުރު އެއް އަހަރު ދުވަހުގެ މުއްދަތެއް އިލެކްޝަންސް ކޮމިޝަން (އީސީ)އަށް ލިއްބައިދޭ ގޮތަށެވެ. އޭގެ ފަހުން އިންތިހާބު ބާއްވަން އެކި ތާރީހުތައް އީސީން ދެމުން އައި ނަމަވެސް، ކޮވިޑުޖެހޭ މީހުންގެ އަދަދު އިންތިހާބަށް މަގުފަހިވާ މިންވަރަށް ދަށެއް ނުވި އެވެ.

އާއްމު ސިއްހީ ކުއްލި ނުރައްކަލުގެ ހާލަތުގެ ދަށުން ބަލި ފެތުރުން ކޮންޓްރޯލް ކުރަން ޑައިރެކްޓާ ޖެނެރަލް އޮފް ޕަބްލިކް ހެލްތު އިސްވެ އިއުލާނުކުރި ހަރުކަށި ފިޔަވަޅުތަކާއެކު އިންތިހާބު ބޭއްވޭނެކަމާމެދު ތަކުރާރުކޮށް އީސީން ދިޔައީ ކަންބޮޑުވުންފާޅު ކުރަމުންނެވެ.

ނަމަވެސް، އިންތިހާބު އިތުރަށް ފަސްނުކުރެވޭނެކަމަށް ބުނެ، ސަރުކާރު ހިންގާ ކޯލިޝަންގެ މައި ޕާޓީ، އެމްޑީޕީ ކޮންޓްރޯލްކުރާ މަޖިލީހުގެ ޕްރެޝަރާއެކު، އެންމެ ފަހުން އީސީން ދޫދީ، މި މަހުގެ 10 ވަނަ ދުވަހު އިންތިހާބު ބާއްވަން އިއުލާނުކުރި އެވެ.

އެޗްޕީއޭގެ ރައްކާތެރިވުމުގެ ފިޔަވަޅުތަކުގެ އިތުރުން ކޮވިިޑުގެ ވެކްސިން ދިނުމުގެ ޕްރޮގްރާމާއެކު، އިންތިހާބުގެ ތާރީހާ ހަމައަށް ބަލި ކޮންޓްރޯލްގެ ދަށަށް ގެނެވޭނެކަމަށް، އެއީ މަޖިލީހުގެ ތަޅުމުގައި އިދިކޮޅުވެސް ހިމެނޭ ގޮތަށް އިވުނު ވާހަކަ އެކެވެ.

އިންތިހާބު ބާއްވަން ކަނޑައެޅި ބަޖެޓަށް އީސީން އެދުނު މިންވަރަށް 30 އަކަށް މިލިއަން ރުފިޔާ އިތުރުކޮށްދިނުމާއެކު އިންތިހާބުގެ އެންމެ ފަހުގެ ތައްޔާރީތައް ވަމުންދާއިރު، ބަލިމަޑުކަމުގެ ހާލަތަށް ބަދަލެއް ނާދެ އެވެ. އޭގެ ބަދަލުގައި އިންތިހާބަށް އެންމެ ހަފްތާއަކަށްވެފައިވާއިރު، ހާލަތު ވަނީ އިތުރަށް ގޯސްވެފަ އެވެ.

މިގޮތުން، އޭޕްރީލް މަހަށް ރާއްޖެ މަރުހަބާކީ ކޮވިޑުގެ ރެކޯޑް އަދަދަކުންނެވެ. އެ ދުވަހުގެ 300 ޕޮޒިޓިވް ކޭހަކީ، މިދިޔަ އަހަރުގެ އޭޕްރީލް މަހުގެ 15 ދުވަހު، މާލޭން ބަލި ފެނުނު ފަހުން، އެއް ދުވަހެއްގެ ތެރޭގައި އެންމެ ގިނައިން އަލަށް ބަލި ޖެހުނު އަދަދެވެ. އެ އަދަދަށް ބަލާއިރު، އެންމެ ބޮޑަށް ކަންބޮޑުވާންޖެހޭ ކަމަކީ އަތޮޅު ތެރޭގައި ބަލި ފެތުރޭ މިންވަރު އިންތިހާއަށް އިތުރުވުމެވެ.

ރެކޯޑު ދުވަހަކަށްފަހު، އިއްޔެގެ އިރުއޮއްސުމާ ހަމައަށް ޖުމްލަ ނަންބަރު 169 އަށް ވެއްޓުނު ނަމަވެސް، ވެރިރަށް މާލޭން ބޭރުގައި ބަލި ކޮންޓްރޯލެއް ނުވެ އެވެ.

ލޮކްޑައުންކޮށްފައިވާ ރަށްތައް

  • ދ. ކުޑަހުވަދޫ
  • ރ. އުނގޫފާރު
  • ދ. މީދޫ
  • ކ. ހުރާ
  • ކ. ދިއްފުށި
  • ޅ. ނައިފަރު
  • ރ. މަޑުއްވަރި
  • ރ. ހުޅުދުއްފާރު
  • ޅ. ފެލިވަރު
  • ޅ. ހިންނަވަރު
  • ރ. އަލިފުށި
  • ގދ. ތިނަދޫ
  • ޅ. އޮޅުވެލިފުށި
  • ނ. ހޮޅުދޫ
  • ރ. މާކުރަތު
  • ޅ. ކުރެންދޫ
  • ށ. މަރޮށި

އެޗްޕީއޭގެ އެންމެ ފަހުގެ ހިސާބުތަކަށް ބަލާއިރު، އަތޮޅު ތެރޭގައި މި ވަގުތު ޖުމްލަ 58 ރަށަކުން އެކްޓިވް ކޭސްތަކުގެ އަދަދު ވަނީ 887 އަށް އަރައިފަ އެވެ. ބޮޑެތި ކްލަސްޓާތަކަށް އަދިވެސް މީހުން އިތުރުވަމުންދާއިރު، ޖުމްލަ 17 ރަށެއް ވަނީ މޮނީޓަރިންގެ ހާލަތަށް ގެނެވި، އަރައިފޭބުން މަނާކޮށްފަ އެވެ.

އިންތިހާބުގެ އިންތިޒާމްތަކަށް އިތުރު ތަކުލީފެއް

ކައުންސިލް އިންތިހާބުގެ އެންމެ ފަހުގެ ތައްޔާރީތައް ވަމުންދާއިރު، ކަންބޮޑުވާންޖެހޭ ދަރަޖައަށް އަތޮޅު ތެރޭގައި ބަލި ފެތުރުމުން އަންނާތީ، އީސީއަށް ވަނީ އިތުރު އުނދަގޫތަކެއް ގިރާކުރަންޖެހިފައިކަމަށް އެ ކޮމިޝަނުން ބުނެ އެވެ.

އީސީގެ ރައީސް އަހުމަދު ޝަރީފް "އަދަދު" އަށް ވިދާޅުވި ގޮތުގައި، މިހާރު މޮނީޓަރިންގެ ހާލަތަށް ގެނެވިފައިވާ ބައެއް ރަށްތަކުގައި އޮފިޝަލުން ނުލިބޭނެކަމަށް އެ ރަށުގެ ކައުންސިލުތަކުން އަންގާފައިވާ ކަމަށެވެ.

ނައިފަރު، ހިންނަވަރު، ހުރާ އަދި ދިއްފުށީގެ ކައުންސިލުން މިހާރު އަޅުގަނޑުމެންނަށް އަންގާފައިވަނީ އޮފިޝަލުން ނުލިބޭނެ ކަމަށް. --ޝަރީފް

ކުރިން ލަފާކުރި މިންވަރަށް ވުރެ ވެސް، ބަލީގެ ހާލަތު އިތުރަށް ގޯސްވަމުންދާކަން ފާހަގަކުރައްވަމުން، ޝަރީފް ވިދާޅުވީ، މޮނީޓަރިންގެ ހާލަތަށް ލެވިފައިވާ ރަށްތަކުގައި ވޯޓުލާ މީހުންގެ ހައްގަށް އުނިކަން އަންނަ ގޮތަށް، ތަފާތު ކުރުން ނުގެންގުޅެވޭނެ ކަމަށެވެ.

ނަމަވެސް، ބައެއް ރަށްތަކުން އޮފިޝަލުން ނުލިބޭ ހާލަތްތަކުގައި، ވޯޓު ގުނުމާއި ނަތީޖާ އިއުލާނުކުރުން ފަދަ ކަންކަމަށް ލަސްތަކެއް އަންނާނެ ކަމަށެވެ.

އޮފިޝަލުން ނުލިބޭ ބައެއް ރަށްތަކަށް ޝަރީފް ވިދާޅުވި ގޮތުގައި، އިންތިހާބު ބޭއްވުމަށް އެޗްޕީއޭއިން އެދުނު އިންތިޒާމްގެ ދަށުން، ކޮމިޝަނުން އެކުލަވާލަންޖެހުނު ބެކްއަޕް ފޯސްއިން އޮފިޝަލުން ފޮނުވުމަށް ނިންމާފައިވާ ކަމަށެވެ.

އޭގެ އިތުރުން، އިންތިހާބުގައި ވޯޓުލާން 27،000 އެއްހާ މީހުން ރީރެޖިސްޓްރީވެފައިވާއިރު، އެހެން ރަށްތަކުން އަރައިފޭބުން މަނާކޮށްފައިވާ ރަށަކަށް ދަތުރުކޮށް ވޯޓުލެވޭނެ މަގު ބަންދުވުމަކީ މިކަމުގައި އޮތް އަނެއް ކަންބޮޑުވުމެއް ކަމުގައި ޝަރީފް ފާހަގަކުރެއްވި އެވެ.

"މިސާލަކަށް މިހާރު ލޮކްޑައުންގައި އޮތް ދުވާފަރުގައި ވޯޓުލާން ރެޖިސްޓްރީކޮށްފައި އޮވެދާނެ އެ އަތޮޅުގެ އެހެން ރަށެއްގެ މީހަކު. އެކަމަކު އެ މީހަކަށް އެ ފުރުސަތެއް ނުލިބޭ. އެކަހަލަ ޝަކުވާތައް މިހާރުވެސް އެބަ ލިބޭ،" އިތުރަށް ވިދާޅުވި އެވެ.

ލޮކްޑައުންގައިވާ ރަށްތަކަށް ދަތުރުނުކުރެވޭ ފިޔަވަޅު އުވާލަނީ؟

އެ މައްސަލައަށް ހައްލު ހޯދުމުގެ ގޮތުން، ލޮކްޑައުންކުރާ ރަށްތަކަށް ދަތުރުނުކުރެވޭ ގޮތަށް މިހާރު އަޅާފައިވާ ފިޔަވަޅު، ވޯޓުލާ ދުވަހު އުވާލަން، އެޗްޕީއޭއާއެކު މަޝްވަރާކުރަމުން އަންނަ ކަމަށް ޝަރީފް ވިދާޅުވި އެވެ.

ކުރިއަށް އޮތް ހަފްތާގެ ތެރޭގައި، ހާއްސަކޮށް އަތޮޅު ތެރޭގެ ހާލަތު ރަނގަޅުވުމުގެ ބަދަލުވުމުގައި، އިތުރަށް ގޯސްވުމުގެ ފުރުސަތު ބޮޑު ނަމަވެސް، އަންނަ ހޮނިހިރު ދުވަހު އިންތިހާބު ބޭއްވުން ނޫން ގޮތެއް މިހާރު ނެތެވެ.

އިންތިހާބަށް ކަނޑައެޅި ބަޖެޓުގެ ދެ ބައި ކުޅަ އެއް ބަޔަށް ވުރެ ގިނައިން މިހާރުވެސް ހަރަދު ކުރެވިފައިވާއިރު، މިހާރު އޮތް ތާރީހުގައި އިންތިހާބު ނުބާއްވައިފިނަމަ، މާލީ ގޮތުން ބޮޑު ގެއްލުމެއްވާނެ ކަން ޝަރީފް ފާހަގަކުރެއްވި އެވެ.

"އޭޕްރީލް 10 ގައި އިންތިހާބު އޮންނާނެ. އެ ނޫން ވިސްނުމެއްގައި އިލެކްޝަން ކޮމިޝަނުން އެއްވެސް ކަމެއް ނުރާވަން."

ކޮމެންޓް

ފަހުގެ ޚަބަރު

ލޯ ޑިގްރީ އިމްތިހާނަށް މާލެ އަންނާކަށް ނުޖެހޭނެ: ބާ ކައުންސިލް

ލޯ ޑިގްރީގެ އިމްތިހާނުތައް ހެދުމަށް މާލެއަށް ނުވަތަ ވަކި ހާއްސަ ރަށަކަށް ހާޒިރުވުން ލާޒިމު ނޫން ކަމަށާއި، ދަރިވަރުން ދިރިއުޅޭ ރަށެއްގެ ސްކޫލް ނުވަތަ ކައުންސިލް މެދުވެރިކޮށް އިމްތިހާނު ހެދޭނެ މަގު ބާ ކައުންސިލުން ފަހިކޮށްދީފިއެވެ. އަންނަ އަހަރުން ފެށިގެން އަމަލުކުރާ މި އުސޫލުގެ ދަށުން އިމްތިހާނު ހަދާ ގޮތަށް ބަދަލު އައި ނަމަވެސް، ކޯހުގެ މަންހަޖާއި ކިޔަވައިދޭ މުއްދަތަށް އެއްވެސް ބަދަލެއް ނާންނާނެއެވެ.

ތަރައްގީގެ އެއްވެސް ކަމެއް ކުރުމަށް ލާރިއެއް ނެތް: ޝާކިރު

އަންނަ އަހަރުގެ ބަޖެޓުގައި ރިކަރަންޓް ހަރަދަށް ކެނޑުމަށްފަހު ތަރައްގީގެ މަޝްރޫއުތަކަށް ފައިސާ ނެތް ކަމަށް ވިދާޅުވެ މެންބަރު އަހުމަދު ޝާކިރު ކަންބޮޑުވުން ފާޅުކުރައްވައިފިއެވެ. އޭނާ ވިދާޅުވީ ދައުލަތުގެ އާމްދަނީގެ ބޮޑުބައެއް ހަރަދުވަނީ ރިކަރަންޓް ކަންކަމަށް ކަމަށާއި، މަޝްރޫއުތައް ހިންގަން ޖެހެނީ އިތުރަށް ދަރަނި ނަގައިގެން ކަމަށެވެ. މީގެ އިތުރުން ސަރުކާރު ކުންފުނިތަކުން ބޮޑެތި ގެއްލުންވަމުންދާ ދިއުމަށްވެސް އޭނާ ވަނީ ފާޑުވިދާޅުވެފައެވެ.

"ސިޓިޒަންސް ކޮމްޕްލެއިންޓްސް" ލައުންޖުތަކެއް ގާއިމުކޮށްފި

ރައްޔިތުންގެ ޝަކުވާތަކާއި ކަންބޮޑުވުންތައް ސަރުކާރަށް ހުށަހެޅުމަށްޓަކައި މާލެ އާއި ހުޅުމާލޭގައި "ސިޓިޒަންސް ކޮމްޕްލެއިންޓްސް" ބިއުރޯގެ ދެ ލައުންޖެއް މިއަދު ވަނީ ހުޅުވައިފައެވެ. ސަރުކާރު ބަންދު ނޫން ކޮންމެ ދުވަހަކު ޚިދުމަތް ދޭ މި އޮފީސްތަކަކީ ރައީސުލްޖުމްހޫރިއްޔާގެ އޮފީހުގެ ދަށުން ހިންގާ، ރައްޔިތުންގެ މައްސަލަތަކަށް ހައްލު ހޯދައިދިނުމަށް ގާއިމުކުރި ތަންތަނެވެ.

ރިއަލް އެސްޓޭޓު ބިލު މަޖިލީހަށް ބަލައިގަނެފި

މި ބިލު ބަލައިގަންނަން ވޯޓު ދިނީ 42 މެންބަރުން. ބިލާ ދެކޮޅަށް ވޯޓު ދެއްވީ އެމްޑީޕީގެ 13 މެންބަރުން. މި ބިލު ދިރާސާކުރާނީ ގައުމީ ތަރައްގީ އާއި ތަރިކައިގެ ކޮމިޓީން. މިއީ ގާނޫނުއަސާސީގެ ހިމާޔަތްތައް ނައްތާލައި، ތާއަބަދަށް ނުވަތަ ހުސްނުވާ ގޮތަށް ބޭރު މީހުންނަށް ބިން މިލްކުކުރެވޭނެ ގޮތް ހެދުމަށް އިންތިޒާމުތަކެއް ހިމަނާފައިވާ ބިލެއް

ބޮޑެތި ޖޫރިމަނާތަކެއް ހިމަނާފައިވާ އަބުރުގެ ބިލު ކޮމިޓީއަށް

ސޯޝަލް މީޑިއާގައި މީހެއްގެ އަބުރާ ބެހޭ ފަދަ ޕޯސްޓެއް ހިއްސާކޮށްފިނަމަ 5 ލައްކަ ރުފިޔާއާ ހަމައަށް ޖޫރިމަނާ ކުރެވޭ ގޮތަށް ހުށަހެޅި އަބުރުގެ ބިލު މަޖިލީހަށް ބަލައިގަނެ ކޮމިޓީއަށް ފޮނުވައިފިއެވެ. މި ބިލުގައި ބަހާއި، ފޮޓޯއާއި، އިޝާރާތް އަދި ފިލްމު ފަދަ ވަސީލަތްތައް މެދުވެރިކޮށް އަބުރާ ބެހުމުގެ ދައުވާ ކުރެވޭނެ ގޮތްތައް ބަޔާންކޮށްފައިވެއެވެ.

މަރުގެ އަދަބު ތަންފީޒު ކުރާ ބިލު ބަލައިގެންފި

ދަންޖައްސައިގެން މަރުގެ އަދަބު ތަންފީޒުކުރާ ގޮތަށް ސަރުކާރުން ހުށަހެޅި ބިލު ރައްޔިތުންގެ މަޖިލީހަށް މިއަދު ބަލައިގެންފިއެވެ. މި ބިލުގައި މަރުގެ އަދަބު ތަންފީޒުކުރާނެ ގޮތާއި، އެކަން ހިންގާނެ ޕެނަލެއް އެކުލަވާލުމުގެ އިތުރުން، ބަލިވެއިނުމާއި ދަރިފުޅަށް ދެ އަހަރު ފުރުން ފަދަ އަދަބު ތަންފީޒުނުކުރެވޭނެ ހާލަތްތައް ބަޔާންކޮށްފައިވެއެވެ.

ތިން ކުންފުންޏެއްގެ މަނީ އެކްސްޗޭންޖު ލައިސަންސް ބާތިލްކޮށްފި

މަނީ ޗޭންޖިން ގަވާއިދާ ތަކުރާރުކޮށް ހިލާފުވި ތިން ކުންފުންޏެއްގެ ލައިސަންސް އެމްއެމްއޭ އިން ބާތިލުކޮށް، އެ ކުންފުނިތައް ބޮޑެތި އަދަދުތަކުން ޖޫރިމަނާކޮށްފިއެވެ. މި ފިޔަވަޅަކީ ބޭރު ފައިސާގެ ބާޒާރު ކޮންޓްރޯލްކޮށް، ގަވާއިދާ ހިލާފު މުއާމަލާތްތައް ހުއްޓުވުމަށް އެމްއެމްއޭ އިން ކުރަމުންދާ މަސައްކަތުގެ ތެރެއިން އެޅި ފިޔަވަޅެކެވެ.

Newsletter

Get the latest news delivered straight to your inbox