ފޭސްބުކްގައި ޕޯސްޓުކުރި ޓްރަމްޕްގެ އަޑު ހިމެނޭ ވީޑިއޯއެއް މަނާކޮށްފި

އެމެރިކާގެ ކުރީގެ ރައީސް ޑޮނަލްޑް ޓްރަމްޕް-- ފޮޓޯ: އެސޯސިއޭޓެޑް ޕްރެސް

އެމެރިކާގެ ކުރީގެ ރައީސް ޑޮނަލްޑް ޓްރަމްޕް-- ފޮޓޯ: އެސޯސިއޭޓެޑް ޕްރެސް

އެމެރިކާގެ ކުރީގެ ރައީސް ޑޮނަލްޑް ޓްރަމްޕްގެ ޅީދަރިފުޅު ލާރާ ޓްރަމްޕް ފޭސްބުކްގައި ހިއްސާކުރި ވީޑިއޯއެއްގައި ޓްރަމްޕްގެ އަޑު ހިމެނޭތީ ފޭސްބުކްއިން އެ ވީޑިއޯ ނަގައިފި އެވެ.

މިދިޔަ ޖެނުއަރީ މަހު ޓްރަމްޕްގެ ސަޕޯޓަރުން ވޮޝިންޓަނުގެ ކެޕިޓަލް އިމާރާތަށް ވަދެގަނެ ހިންގި ހަމަނުޖެހުމަށް ފަހު ފޭސްބުކްއިން ވަނީ ޓްރަމްޕްގެ އެކައުންޓް ސަސްޕެންޑުކޮށްފަ އެވެ.

ޓްރަމްޕްގެ ދަރިކަލުން އެރިކްއާ ކައިވެނިކޮށްގެން އުޅޭ ފޮކްސް ނިއުސްގެ ކޮންޓްރިބިއުޓަރު، ލާރާ ފޭސްބުކްގައި ޕޯސްޓުކުރީ އޭނާގެ ޝޯގައި ޓްރަމްޕްއާ ސުވާލުކުރާ މަންޒަރު ފެންނަ ވީޑިއޯ އެކެވެ.

އޭގެ ފަހުން ލާރާ ވަނީ ފޭސްބުކްއިން އޭނާއަށް ފޮނުވި އީމެއިލެއްގެ ސްކްރީންޝޮޓު އާއްމުކޮށްފަ އެވެ. އެ އީމެއިލްގައި ފޭސްބުކްއިން ވަނީ ސަސްޕެންޑު ކުރާނެ ކަމުގެ އިންޒާރު އޭނާއަށް ދީފަ އެވެ.

"ޑޮނަލްޑް ޓްރަމްޕްގެ ފޭސްބުކް އާއި އިންސްޓަގްރާމް އެކައުންޓު ބްލޮކް ކުރަން އެޅި ފިޔަވަޅުގެ ދަށުން، ޓްރަަމްޕްގެ އަޑު ހިމެނޭ ހުރިހާ ކޮންޓެންޓެއް ވެސް މަނާވަމުން ދާނެ،" ލާރާއަށް ފޮނުވި އީމެއިލްގައި ފޭސްބުކްގެ ފަރާތުން ވާހަކަ ދެއްކި ކެޓެލިން ނަމަކަށް ކިޔާ މީހަކު ބުނެފައިވާ ކަމަށް ބީބީސީން ރިޕޯޓުކުރެ އެވެ.

އެއާއެކު ލާރާ ވަނީ ވީޑިއޯ ޕްލެޓްފޯމް ރަމްބްލްގައި އެ ވީޑިއޯ ހިއްސާކުރުމަށް ފަހު އޭނާގެ ފޭސްބުކް ޕޭޖްއާ ލިންކުކޮށްފަ އެވެ. އެ ވީޑިއޯއަކީ ފޮކްސް ނިއުސްގައި ލާރާ ގެނެސްދޭ "ދަ ރައިޓް ވިއު" ޝޯގެ އިޝްތިހާރު ކޮޅެކެވެ.

ޖެނުއަރީ ހަތްވަނަ ދުވަހު ފޭސްބުކްއިން ޓްރަމްޕް ސަސްޕެންޑް ކުރަން ނިންމި ނިންމުން މިހާރު އޮތީ މުރާޖައާ މަރުހަލާގަ އެވެ. އެކަމަކު އެއީ ރަނގަޅު ނިންމުމެއް ކަމަށް ވިދާޅުވެ ފޭސްބުކްގެ ވެރިޔާ މާކް ޒަކަބާގް ވަނީ މީގެ ކުރިން ވާހަކަ ދައްކަވާފަ އެވެ.

އެމެރިކާގެ ރިޔާސީ އިންތިހާބުން ޓްރަމްޕަށް ލިބިވަޑައިގެންނެވި ނާކާމިޔާބީއަށް ފަހު ވެރިރަށް ވޮޝިންޓަނުގައި ހިންގި ހަމަނުޖެހުންތަކާ ގުޅިގެން ފޭސްބުކް އާއި އިންސްޓަގްރާމުގެ އިތުރުން ޓްވިޓާ އާއި ޔޫޓިއުބުން ވެސް ޓްރަމްޕް ސަސްޕެންޑް ކުރި އެވެ.

އެ ހުރިހާ ސޯޝަލް މީޑިއާ ޕްލެޓްފޯމްތަކުން ވެސް ބުނެފައި ވަނީ ފިޔަވަޅު އަޅަން ޖެހުނީ ހަމަނުޖެހުމަށް ހިތްވަރު ލިބޭ ފަދަ މޭރުމަކުން އަދި ދޮގު ހަބަރު ފެތުރުމުގެ ބޭނުމުގައި ޓްރަމްޕްގެ އެކައުންޓުތައް ބޭނުން ކުރައްވާތީ ކަމަށެވެ.

ކޮމެންޓް

ފަހުގެ ޚަބަރު

ކްރައިމިއާ ބްރިޖަށް ހަމަލާދީ ބޮޑު ބައެއް ވައްޓާލައިފި

ރަޝިއާއިން ހިފާފައިވާ ކްރައިމިއާއާ ގުޅުވައިދޭ މުހިންމު ބްރިޖަށް ޔޫކްރޭނުން ވަރުގަދަ ހަމަލާއެއްދީ، ބްރިޖުގެ ބޮޑު ބައެއް ކަނޑަށް ވައްޓާލައި ރަޝިއާގެ ސިފައިންނަށް ބޭނުންވާ މައިގަނޑު ސަޕްލައި މަގަށް ބޮޑު ހުރަހެއް ކުރިމަތިކުރުވައިފިއެވެ. މި ހަމަލާއާ ގުޅިގެން ރަޝިއާއިން ބަދަލުހިފުމުގެ ގޮތުން ޔޫކްރޭނުގެ ވެރިރަށް ކީވްގެ އިންފްރާސްޓްރަކްޗަރަށް އަމާޒުކޮށް ވަރުގަދަ ހަމަލާތަކެއް ދީފައިވާއިރު، މިއީ ދެ ގައުމުގެ ދެމެދުގައި އޮތް ހަނގުރާމަ އިތުރަށް ވަރުގަދަވެގެންދިޔަ ކަމެކެވެ.

ޓްރަމްޕް ފިލިޕީންސަށް ވަޑައިގެންފި

އެމެރިކާގެ ރައީސް ޑޮނަލްޑް ޓްރަމްޕް އޭޝިއާއަށް ކުރައްވާ ދަތުރުފުޅުގައި ފިލިޕީންސަށް ވަޑައިގެން، އިންޑިއާ، ޖަޕާން އަދި އޮސްޓްރޭލިއާ ހިމެނޭ ކުއަޑް ގްރޫޕުގެ ލީޑަރުންނާ ބައްދަލުކުރައްވައިފިއެވެ. މި ބައްދަލުވުމުގައި އިންޑޯ-ޕެސިފިކް ސަރަހައްދުގެ އަމާންކަމާއި ގުޅުން ބަދަހިކުރުމާ ގޮތުން މަޝްވަރާކުރެއްވިއިރު، އެމެރިކާގެ އަމާޒަކީ ޗައިނާގެ ނުފޫޒު ކުޑަކޮށް މި ގައުމުތަކާއެކު އޮންނަ އިގްތިސާދީ އަދި ޓެކްނޮލޮޖީގެ ގުޅުން ވަރުގަދަކުރުމެވެ.

ހަގިން ފޭސްއަށް ދިން ހަމަލާއާ ގުޅިގެން ދައުވާކޮށްފި

އެކަށީގެންވާ ރައްކާތެރިކަމުގެ ފިޔަވަޅުތަކެއް ނެތި އޭއައި މޮޑެލްތައް ތަރައްގީކޮށް އާންމުން ނުރައްކަލަށް ހުށަހެޅި ކަމަށް ބުނެ، ކެލިފޯނިއާގެ އެޓާނީ ޖެނެރަލް އޯޕަންއޭއައިއާ ދެކޮޅަށް ދައުވާ އުފުލައިފިއެވެ. މި ދައުވާގެ މައިގަނޑު އަސާސަކީ އޯޕަންއޭއައިގެ އެޖެންޓުންތަކެއް "ހަގިން ފޭސް" ގެ ނިޒާމަށް ވަދެ ދިން ހަމަލާއަކަށްވާއިރު، މިއީ އެމެރިކާގެ ސްޓޭޓަކުން އޭއައި ކުންފުންޏަކާ ދެކޮޅަށް ކުރި ފުރަތަމަ ދައުވާއެވެ.

އިންޑިއާ: އޭއައި ބޭނުންކޮށް ބިމާއި މަގުގެ މައްސަލަތަކަށް ހައްލު

އިންޑިއާގެ ސްޓާޓްއަޕްތަކުން އޭއައި ބޭނުންކޮށްގެން ބިމުގެ ރެކޯޑުތައް ބެލެހެއްޓުމާއި، މަގުތަކުގައި ހުންނަ ވަޅުގަނޑުތައް ދެނެގަތުން ފަދަ އިޖުތިމާއީ ބޮޑެތި މައްސަލަތަކަށް އަންނަނީ ހައްލު ހޯދައިދެމުންނެވެ. މީގެ އިތުރުން ސިއްހީ ދާއިރާގައި ލެބް ރިޕޯޓުތައް ތަރުޖަމާކުރުމާއި ބަލިމަޑުކަން ދެނެގަތުމަށް ވެސް މި ޓެކްނޮލޮޖީގެ އެހީގައި ލުއިފަސޭހަ ނިޒާމުތަކެއް ވަނީ ގާއިމުކޮށްފައެވެ.

އެޕްސްޓީން އަމިއްލަ އަށް މަރުވީއެއް ނޫން: ފޮރެންސިކް މާހިރު

ޖެފްރީ އެޕްސްޓީންގެ ހަށިގަނޑުން ފެންނަން ހުރި ނިޝާންތަކަށް ބަލާއިރު، އޭނާ މަރުވީ އަމިއްލައަށް ނޫން ކަމަށާއި މީހަކު އޭނާ މަރާލީ ކަމަށް ފޮރެންސިކް މާހިރު ޕްރޮފެސަރު މައިކަލް ފްރީމަން ބުނެފިއެވެ. ނަމަވެސް، އެޕްސްޓީންގެ އޮޓޯޕްސީ ހެދި މެޑިކަލް އެގްޒެމިނަރު އަދިވެސް ވިދާޅުވަނީ އެއީ ދަންޖެހިގެން އަމިއްލައަށް މަރުވުމެއް ކަމަށެވެ. މި އާ ދިރާސާ ކުރިއަށް ގެންގޮސްފައިވަނީ އެޕްސްޓީންގެ ބޭބެ ފޯރުކޮށްދިން މެޑިކަލް ފައިލްތަކާއި ފޮޓޯތަކުގެ އެހީގައެވެ.

މެކްސިކޯގެ އެންމެ ބޮޑު އެއް ޑްރަގު ލޯޑު ފީލިކްސް ގަޔާޑޯ މަރުވެއްޖ

މެކްސިކޯގެ މަސްތުވާތަކެތީގެ ވިޔަފާރި ކޮންޓްރޯލްކުރި "ގުއަޑަލަހާރާ ކާޓެލް" ގެ ބާނީ، މިގޭލް އަންހެލް ފީލިކްސް ގަލާޑޯ އުމުރުން 80 އަހަރުގައި މަރުވެއްޖެއެވެ. "ދަ ގޯޑްފާދާ" ގެ ނަމުން މަޝްހޫރުވި ގަލާޑޯ މަރުވީ، އެމެރިކާގެ ޑީއީއޭ އެޖެންޓަކު މަރާލި މައްސަލައިގައި 40 އަހަރުގެ ޖަލު ހުކުމެއް ތަންފީޒުކުރަމުން ދަނިކޮށް ސިއްހީ ހާލަތު ގޯސްވެގެންނެވެ. އޭނާއަކީ މެކްސިކޯ އާއި ކޮލަމްބިއާގެ ކާޓެލްތައް ގުޅުވައިދީ، އެމެރިކާއަށް މަސްތުވާތަކެތި އެތެރެކުރުމުގެ ނިޒާމު އެންމެ ފުޅާދާއިރާއެއްގައި ހިންގި ނުފޫޒުގަދަ ލީޑަރެވެ.

ޖެންސެން ހުއާން އަނބުރާ މަގާމަށް ގެނައުމަށް ކެމްޕޭނެއް

އެންވީޑިއާގެ ސީއީއޯ ޖެންސަން ހުއާން، އޭނާގެ އަމިއްލަ ދިރިއުޅުމާ ގުޅޭ މައްސަލަތަކެއް ފަޅާއަރައި މަގާމުން އިސްތިއުފާ ދެއްވުމާ ގުޅިގެން، އޭނާ އަނބުރާ މަގާމަށް ގެނައުމަށް ބޮޑު ކެމްޕޭނެއް ވަނީ ފަށާފަ އެވެ. އީލޮން މަސްކް ފަދަ މަޝްހޫރު ޝަޚުސިއްޔަތުންނާއި ގިނަ އަދަދެއްގެ މުވައްޒަފުން ބައިވެރިވާ މި ކެމްޕޭނުގައި ގޮވާލަނީ، މިނިވަން ތަހުގީގެއް ނިމެންދެން އޭނާ މަގާމުގައި ބެހެއްޓުމަށެވެ.

Newsletter

Get the latest news delivered straight to your inbox