ބަންގްލަދޭޝް އަށް 23 އަހަރުގެ އިންތިޒާރު ނިމުމަކަށް ގެނެވިދާނެ

Nov 5, 2026, 8:15 AM
ބަންގްލަދޭޝްގެ ކޯޗު ތޯމަސް ޑޫލޭ، ފީފާ އާސިއާން ކަޕްގެ މެޗެއްގެ ތެރެއިން.

ބަންގްލަދޭޝްގެ ކޯޗު ތޯމަސް ޑޫލޭ، ފީފާ އާސިއާން ކަޕްގެ މެޗެއްގެ ތެރެއިން.

މިއަދު ބަންގްލަދޭޝްގައި ފަށާ، ޓެކްނޯ ސާފް ޗެމްޕިއަންޝިޕް 2026 ގެ ޗެމްޕިއަންކަން ހޯދައިގެން، ބަންގްލަދޭޝް އިން ސަރަހައްދުގެ ޗެމްޕިއަންކަން ހޯދަން ކުރަމުން އަންނަ އިންތިޒާރަށް ނިމުމެއް ގެނެވިދާނެ ކަމަށް އެ ޓީމުގެ ކޯޗު، އެމެރިކާގެ ތޯމަސް ޑޫލޭ ބުނެފި އެވެ. 

މިއަދު 15 ވަނަ ސާފް ޗެމްޕިއަންޝިޕް ބަންގްލަދޭޝްގައި ފަށާއިރު، މި ފަހަރުގެ މުބާރާތުގައި ނޭޕާލް ނޫނީ ސަރަހައްދުގެ ހަ ގައުމުން ވާދަކުރެ އެެވެ. ގްރޫޕް އޭގައި ހިމެނެނީ، ބަންގްލަދޭޝް އާއި ބޫޓާން އަދި ސްރީ ލަންކާ އެވެ. އަދި، ގްރޫޕް ބީގައި އިންޑިއާ، ރާއްޖެ އަދި ޕާކިސްތާން ވާދަކުރާނެ އެވެ. 

މިއީ، ބަންގްލަދޭޝް އިން ސާފް ޗެމްޕިއަންޝިޕް ހޯސްޓްކުރާ ހަތަރު ވަނަ ފަހަރެވެ. މީގެ ކުރިން، 2003، 2009 އަދި 2018 ގައި ހޯސްޓްކުރިިއިރު، 2003 ވަނަ އަހަރު ޕެނަލްޓީ ޖަހައިގެން، ބަންގްލަދޭޝް އިން ސާފް ޗެމްޕިއަންކަން ހޯދިއިރު، މިއީ، މިހާތަނަށް ބަންގްލަދޭޝް އަށް މި މުބާރާތް ކާމިޔާބުކުރެވުނު ހަމައެކަނި ފަހަރެވެ. 

މި އަހަރުގެ މެއި މަހު ބަންގްލަދޭޝްގެ ކޯޗުކަމާ ހަވާލުވި، ފިލިޕީންސް އަށް ކުރިން ކޯޗުކޮށްދިން ޑޫލޭ އަށް އަންނަނީ ބަންގްލަދޭޝްގެ ވަޒީފާގައި ހުންނަން ޕްރެޝަރު ބޮޑުވަމުންނެވެ. ބަންގްލަދޭޝާ ހަވާލުވެ، އޭނާ އެ ޓީމު ގޮވައިގެން ނުކުތް ހަތަރު މެޗުގެ ތެރެއިން މޮޅުވީ، ފުރަތަމަ މެޗުގައި ސެން މެރީނޯ އަތުންނެވެ. އޭގެ ފަހުން، ފީފާ އާސިއާން ކަޕްގައި ވަނީ 3-0 އިން މެލޭޝިއާ އަތުން، 1-0 އިން ސިންގަޕޫރު އަތުން އަދި 9-2 އިން އިންޑޮނޭޝިއާ އަތުން ބަލިވެފަ އެވެ. 

ސާފް ޗެމްޕިއަންޝިޕްގެ ފުރަތަމަ މެޗުތަކުގެ ކުރިން ބޭއްވި ނޫސްވެރިންގެ ބައްދަލުވުމުގައި، ޑޫލޭ ގާތުގައި ބަންގްލަދޭޝް އަށް މުބާރާތް ކާމިޔާބު ކުރެވިދާނެތޯ އެހުމުން އޭނާ ބުނީ، އަމާޒާ ހަމައަށް ވާސިލްވެވޭނެ ކަމުގެ ޔަގީންކަން އެބައޮތް ކަމަށެވެ. 

"އަހަރެމެންނަށް މި މުބާރާތް (ސާފް ޗެމްޕިއަންޝިޕް) ކާމިޔާބުކުރުމުގެ ރިއަލިސްޓިކް ޗާންސެއް އެބައޮތް. އެކަން ވުމުގެ ފުރުސަތު އެބައޮތް 23 އަހަރަށް ފަހު،" ޑޫލޭ ބުންޏެވެ. 

"އެކަމަކު، އަހަރެމެން ޖެހޭނެ އެ ވަރަށް މަސައްކަތް ކުރަން. އެންމެ ފަހު މިނިޓާ ހަމަައަށް ހިތްވަރު ދައްކަން،" 

ފުރަތަމަ މެޗުގައި ބޫޓާނާ ދެކޮޅަށް ޖެހޭއިރު، ޑޫލޭ ބުނީ މުބާރާތަށް ތައްޔާރުވެ، ޗެމްޕިއަންކަން ހޯދަން ވިސްނާއިރު، އިދިކޮޅަށް ނުކުންނަ ޓީމަކަށް ނުބަލައި ކޮންމެ މެޗަކުން މޮޅުވުމުގެ އަމާޒެއް ކަނޑައަޅަން ޖެހޭނެ ކަމަށެެވެ. 

ބޫޓާންގެ ކޯޗު ގެރީ ފިލިޕްސް ބުނީ، އޭނާގެ ޓީމުގެ ތައްޔާރީތައް މި ފަހަރުގެ ސާފް ޗެމްޕިއަންޝިޕަށް އެންމެ ރަނގަޅެއް ނޫން ކަމަށެވެ. ސަބަބަކީ ފީފާ ވިންޑޯ ފެށުމުގެކުރިން މުބާރާތް ފަށާތީވެ، ކުޅުންތެރިން އަވަަހަށް ގެނެސްގެން މެޗުތަކަށް ތައްޔާރުކުރަން ޖެހޭތީކަން ފިލިޕްސް ފާހަގަކުރި އެވެ. 

އެހެން ނަމަވެސް ބޫޓާނުން ކުޅުންތެރިން ޑިވެލޮޕްކުރުމަށްޓަކައި ކުރަމުން އަންނަ މަސައްކަތާއި މިދިޔަ އަހަރުތަކުގައި އެ ޓީމުން ސަރަހައްދުގެ ފުޓްބޯޅައިގައި ހޯދަމުން އަންނަ ކުރިއެރުމަށް ބަލާއިރު، މި ފަހަރުގެ ސާފް ޗެމްޕިއަންޝިޕްގައި ވެސް ރަނގަޅު ނަތީޖާތަކެއް ނެރެވިދާނެ ކަމަށް ފިލިޕްސް ގަބޫލުކުރެ އެވެ. 

ބަންގްލަދޭޝް އާއި ބޫޓާން ބައްދަލުކުރާ މެޗު ފަށާނީ މިރޭ ރާއްޖެ ގަނޑިން 7 ޖަހާއިރު އެވެ. 

ކޮމެންޓް

ފަހުގެ ޚަބަރު

ބަންގްލަދޭޝްގެ ތަރިން އައިސް ލަންކާ ކަޓުވާލިއިރު، ބޫޓާން ސެމީއަށް

ސާފް ޗެމްޕިއަންޝިޕްގައި ސްރީ ލަންކާ 4-0 އިން ބަލިކޮށް ބަންގްލަދޭޝް ގްރޫޕްގެ އެއްވަނަ ހޯދިއިރު، 18 އަހަރަށްފަހު ބޫޓާން ވަނީ މުބާރާތުގެ ސެމީ ފައިނަލަށް ދަތުރުކޮށްފައި. ސެމީގައި ބަންގްލަދޭޝް ޕާކިސްތާނާ ބައްދަލުކުރާއިރު، ބޫޓާން ނުކުންނާނީ އިންޑިއާއާ ދެކޮޅަށް.

މުހިންމު ސުވާލަކަށް އުރްބާނީ: "ޖަވާބު ދޭނީ ރާއްޖެ ގޮސްފައި"

މިފަހަރުގެ ސާފް ޗެމްޕިއަންޝިޕްގައި އެއްވެސް ލަނޑެއް ނުޖެހި، ކުޅުނު ދެ މެޗުން ބަލިވެ ރާއްޖެ ކެޓުމާ އުރްބާނީ މަގާމުން ވަކިވުމާ ގުޅޭގޮތުން ކުރި ސުވާލަށް ސީދާ ޖަވާބެއް ނުދީ އުރްބާނީ ބުނީ އެކަމަށް ޖަވާބެއް ދޭނީ މާލެ ގޮސްފައި ކަމަށް.. މިއީ ސާފް ޗެމްޕިއަންޝިޕްގެ ތާރީޚުގައި ރާއްޖެއިން އެންމެ ދަށް ނަތީޖާއެއް ހޯދި ފަހަރު.

އުރްބާނީގެ ދަށް ރެކޯޑާ އެކު ރާއްޖެ ސާފް ޗެމްޕިއަންޝިޕުން ކަޓައިފި

ކޯޗު އިސްތަވާން އުރްބާނީގެ އިރުޝާދުގެ ދަށުން ކުޅުނު ރާއްޖޭގެ ގައުމީ ޓީމު، އެއްވެސް ލަނޑެއް ނުޖެހި އަދި މޮޅެއް ނުލިބި ސާފް ޗެމްޕިއަންޝިޕްގެ ގްރޫޕް ސްޓޭޖުން ކަޓައިފި. މިއީ ރާއްޖެއިން މި މުބާރާތުގައި ވާދަކުރި 13 ފަހަރުގެ ތެރެއިން އެންމެ ދަށް ނަތީޖާ ނެރުނު ފަހަރު.

ބަލިވެ އުޅުމަށް ފަހު 18 ދުވަސް ފަހުން ކޮމްޕެނީ މަސައްކަތަށް

ބަލިހާލަތު ގޯސްވެގެން 18 ދުވަހު ފަރުވާ ހޯދުމަށްފަހު، ބަޔާން މިއުނިކްގެ ކޯޗު ވިންސެންޓް ކޮމްޕެނީ އަލުން މަސައްކަތަށް ނުކުމެއްޖެއެވެ. މެނިންޖިއަލް އިރިޓޭޝަނަކަށް ފަރުވާ ހޯދުމަށްފަހު އޭނާ އެނބުރި އައި ނަމަވެސް، ފުރަތަމަ މަސައްކަތް ކުރާނީ އޮފީހުގައި ހުރެގެން ކަމަށް ރިޕޯޓްތައް ބުނެއެވެ.

ޗެލްސީ ސްޓާފުން ފެންޓަސީ ޕްރިމިއާ ލީގު ކުޅޭތީ އިންޒާރެއް

ޗެލްސީގެ ފޯވާޑް ޖޮއާއޯ ޕެޑްރޯއަށް އަނިޔާވި ޚަބަރު، އެ ޓީމުގެ ކުޅުންތެރިންނާއި ސްޓާފުންގެ ފެންޓަސީ ޕްރިމިއާ ލީގު ޓީމުތަކުން ހާމަވުމާ ގުޅިގެން ކްލަބުން އެކަމުގެ އިންޒާރު ދީފި. މި މައުލޫމާތު ލީކުވީ މެޗުގެ ކުރިން ޕެޑްރޯ ފެންޓަސީ ޓީމުން ބާކީކުރުމުން ކަމަށްވާތީ، ކްލަބުގެ މުހިންމު މައުލޫމާތު ރައްކާތެރިކުރުމަށް ސްޓާފުންނަށް މިހާރު ވަނީ އަންގާފައި

ސްރީ ލަންކާ-ބަންގްލަދޭޝް: ސާފްގެ އާ ސަގާފަތެއް ފެންނާނެ މެޗެއް

މިރޭ ކުޅޭ ސާފް ޗެމްޕިއަންޝިޕްގެ ގްރޫޕް ސްޓޭޖުގެ ފަހު މެޗުގައި ބަންގްލަދޭޝް އާއި ސްރީލަންކާ ބައްދަލުކުރާއިރު، ދެ ގައުމުން ވެސް އަމާޒު ހިފާފައިވަނީ ގިނަ އަހަރުތަކަކަށް ފަހު އަލުން ތަށި ހޯދުމަށް. މި ދެ ޓީމުން ވެސް ފުޓްބޯޅަ ކުރިއެރުވުމަށްޓަކައި ބޭރު ގައުމުތަކުގައި ދިރިއުޅޭ އެ ގައުމުތަކަށް ނިސްބަތްވާ ކުޅުންތެރިންނަށް ފުރުސަތު ދޭ އަދަދު ދަނީ އިތުރުވަމުން

ސާފްގައި އަބަދުވެސް ދަގަނޑޭ އާއި ޗެތުރީގެ ލެގަސީ ދެމިއޮންނާނެ

ސާފް ޗެމްޕިއަންޝިޕްގައި ރާއްޖެ އާއި އިންޑިއާ ބައްދަލުކުރާ މެޗުތައް ކުރިން ހާއްސަވި އެއް ކަމަކީ ދަގަނޑޭ އާއި ޗެތުރީގެ ވާދަވެރިކަމާ ގުޅިފައިވާ، ތާރީޚީ ގޮތުން މުހިންމު މެޗަކަށް ވާތީ. މި ދެ ކުޅުންތެރިންނަކީ ސާފް ޗެމްޕިއަންޝިޕްގައި ކޮންމެ ކުޅުންތެރިއަކު 23 ގޯލު ޖަހައިގެން، މުބާރާތުގެ އެންމެ ގިނަ ލަނޑުޖެހި ކުޅުންތެރިންގެ ރެކޯޑް ހިއްސާކުރާ ދެ ލެޖެންޑުން.

Newsletter

Get the latest news delivered straight to your inbox