ރޯމާ އަތުން މޮޅުވެ މެންޗެސްޓާ ޔުނައިޓެޑަށް ހަމަނޭވައެއް

Nov 4, 2026, 10:10 AM
ޔުއެފާ ޗެމްޕިއަންސް ލީގު

ޔުއެފާ ޗެމްޕިއަންސް ލީގު

މެންޗެސްޓާ (ނޮވެމްބަރު 4) - ޔުއެފާ ޗެމްޕިއަންސް ލީގުގައި ރޭ ރޯމާ އަތުން ފަހަތުން އަރައި 3-2 އިން މޮޅުވެ، މެންޗެސްޓާ ޔުނައިޓެޑުން މިހާރު ދިމާވެފައި އޮތް އުނދަގޫ ހާލަތުން އަރައިގަންނަން ހަމަނޭވައެއްލައިފި އެވެ. 

ރޭގެ މެޗަށް ނުކުތްއިރު، އިނގިރޭސި ޕްރިމިއާ ލީގުގައި މި ހަފްތާގައި، ޗެލްސީ އަތުން ޔުނައިޓެޑަށް ބަލިވުމާ އެކު، 1988-1989 އަހަރަށް ފަހު ފުރަތަމަ ފަހަރަށް ޔުނައިޓެޑު ވަނީ މޮޅެއް ނުލިބި ޖެހިޖެހިގެން ނުވަ މެޗު ނިންމާލައިފަ އެވެ. މިއީ، މިދިޔަ 40 އަހަރު ތެރޭގައި ޔުނައިޓެޑަށް ލީގުގައި އެންމެ ދަށް ފެށުމެވެ. އަދި، މިދިޔަ 38 އަހަރު ތެރޭ އައި އެންމެ ދަށް ފޯމެވެ. 

އޯލްޑް ޓްރެފޯޑްގައި ރޭ ފުރަތަމަ 18 މިނިޓް ތެރޭ ރޯމާ އިން ދެ ގޯލުގެ ލީޑެއް ނެގި އެވެ. އެ ގޮތުން، މެޗުގެ 11 ވަނަ މިނިޓްގައި މަޓިއަސް ސޫލާގެ ލަނޑުން ރޯމާ އިން ލީޑުނެގިއިރު، އޭގެ ހަތް މިނިޓް ފަހުން، ޑޮންޔެލް މާލެންގެ ޕެނަލްޓީން ލީޑުފުޅާކުރި އެވެ. މި ޕެނަލްޓީ ދިނީ ޔުނައިޓެޑްގެ ޑިފެންޑަރު، އެއިޑަން ހެވަން އަތުގައި ބޯޅަ ޖެހުމުންނެވެ. ތިން ވަނަ ގޯލެއް ޖަަހަން ރޯމާ އަށް ލިބުނު ފުރުސަތުތަކުގެ ބޭނުމެއް ނުހިފުނެވެ. 

ޔުނައިޓެޑްގެ ވެރިންނާ ދެކޮޅަށް ނުރުހުން ފާޅުކުރުމުގެ ގޮތުން، ސަޕޯޓަރުން ވަނީ ރޭގެ މެޗުގައި ދަނޑަށް ކާއެއްޗެއްސާއި ޓެނިސް ބޯޅަ އުކަައިފަ އެވެ. އެ ޓީމު މެޗުން މޮޅުވީ ދެ ވަނަ ހާފުގައި ޖެހި ތިން ގޯލުންނެވެ. ޔުނައިޓެޑްގެ ފުރަތަމަ ލަނޑަކީ، 58 ވަނަ މިނިޓްގައި ބްރޫނޯ ފެނާންޑޭސް ޕެނަލްޓީ އަކުން ޖެހި ގޯލެކެވެ. ފެނާންޑޭސް މި ޕެނަލްޓީ ކާމިޔާބުުކުރީ ދެ ވަނަ ފަހަރަށް ޖަހަން ދިން ފުރުސަތުގަ އެވެ. ފެނާންޑޭސް، ފުރަތަމަ ފޮނުވާލި ޕެނަލްޓީ ރޯމާގެ ކީޕަރު، ވަޒްކޭޒް މަތަކުރި ނަމަވެސް، އޭރު ރޯމާ ކުޅުންތެރިން އަވަހަށް ޕެނަލްޓީ އޭރިއާ އަށް ވަނުމުން ދެ ވަނަ ފަހަރަށް ފޮނުވާލަން ދިނީ އެވެ. 

މެޗުގެ 83 ވަނަ މިނިޓްގައި މަޓެއުސް ކޫންޏާ ވަނީ ޔުނައިޓެޑަށް އެއްވަރުކޮށްދިން ލަނޑު ޖަަހައިފަ އެވެ. މިއީ، ރޯމާގެ ޑިފެންޑަރު، ލިއޮނާޑޯ ބެލާޑީ ހެދި ގޯހެއްގެ ފައިދާނަގައި އޭރިއާތެރެއިން ކޫންޏާ ޖެހި ގޯލެކެވެ. ފުރަތަމަ ލަނޑު ޖެހިތާ ތިން މިނިޓް ފަހުން، ކޫންޏާ ވަނީ އިތުރު ލަނޑެއް ޖަހައި، ޔުނައިޓެޑަށް ލީޑުނަގައިދީފަ އެވެ. އަދި، އުފާފާޅުކުރިއިރު، ޖޯޒީ ބޭލުމާ ގުޅިގެން ރީނދޫ ކާޑެއް ދެއްކިއިރު، އިތުރު ވަަގުތުގެ ފުރަތަމަ މިނިޓްގައި ބެލާޑީ އަށް ކުރި ފައުލަކަށް ދެ ވަނަ ރީނދޫ ކާޑާ އެކު ކޫންޏާ އަށް ވަނީ ރަތެއް ދައްކައިފަ އެވެ. 

މި މޮޅާ އެކު، ޔުނައިޓެޑްގެ ކޯޗު މައިކަލް ކެރިކަށް އޮތް ޕްރެޝަރަށް ކޮންމެ ވެސް ވަރެއްގެ ލުޔެއް ލިބޭނެ އެވެ. މިއީ، މި ސީޒަނުގައި ކުޅުނު 13 މެޗުގެ ތެރެއިން ޔުނަައިޓެޑް މޮޅުވި ތިން ވަނަ މެޗެވެ.  

ޗެމްޕިއަންސް ލީގުގައި ރޭ ޕްރިމިއާ ލީގުގެ އެސްޓަން ވިލާ އިން ކުޅުނު މެޗުން ވަނީ ރަށުންބޭރުގައި ބާސެލޯނާ އަތުން 3-0 އިން ބަލިވެފަ އެވެ. މި މެޗުގެ ހަތް ވަނަ މިނިޓްގައި ބާސެލޯނާ އިން ލީޑުނެގީ ލަމީން ޔަމާލް ޖެހި ގޯލުންނެވެ. އަދި، މެޗުގެ ދެ ވަނަ ހާފުގައި ރަފީނިއާ ވަނީ ބާސެލޯނާ އަށް ދެ ގޯލު ޖަހައިދީފަ އެވެ. 

ވިލާ އިން ދެން އެންމެ އަވަަހަށް ކުޅޭ މެޗު އޮތީ ޔުނައިޓެޑާ ދެކޮޅަށެވެ. 

ކޮމެންޓް

ފަހުގެ ޚަބަރު

ކެރިކް ވަކިކޮށްފިނަމަ ޔުނައިޓެޑްގެ ކޯޗުކަން ޕޮޗެޓީނޯ އަށް: ރިޕޯޓް

މެންޗެސްޓާ ޔުނައިޓެޑްގެ ނަތީޖާތައް ދަށްވުމުގެ ސަބަބުން ކޯޗު މައިކަލް ކެރިކް މަގާމުން ވަކިކޮށްފިނަމަ، އެ މަގާމަށް އެމެރިކާ ގައުމީ ޓީމުގެ ކޯޗު މައުރީސިއޯ ޕޮޗެޓީނޯ ގެނައުމަށް އެ ކްލަބުން އަންނަނީ ވިސްނަމުންނެވެ. ލީގުގެ ރެލިގޭޝަން ޒޯނަށް ވެއްޓިފައިވާ ޔުނައިޓެޑުން ކެރިކާ މެދު ގޮތެއް ނިންމުމަށް ބޯޑު ބައްދަލުވުންތައް ބާއްވަމުންދާއިރު، ޕޮޗެޓީނޯގެ އިތުރުން ނާގަލްސްމަން އާއި އެޑީ ހޯވް ފަދަ ކޯޗުންނަށްވެސް އެ ކްލަބުން ފާރަލަމުންދެއެވެ.

ޕާކިސްތާނުން ތަށްޓާ މެދު އަދި ނުވިސްނާ

ސާފް ޗެމްޕިއަންޝިޕްގައި ރާއްޖެ ބަލިކޮށް ޕާކިސްތާނުން ސެމީ ފައިނަލުގެ ޖާގައެއް ކަށަވަރުކުރި ނަމަވެސް، އެ ޓީމުގެ މިހާރުގެ އަމާޒަކީ ހަމައެކަނި ފައިނަލަށް ދިއުން ކަމަށް ކޯޗު ސޮލާނޯ ބުނެފި. އަށް އަހަރަށްފަހު ސެމީއަށް ދަތުރުކުރި ޕާކިސްތާނުން ތަށްޓާ މެދު ވިސްނުމުގެ ބަދަލުގައި މިވަގުތު އިސްކަންދެނީ ކުރިއަށް އޮތް ސެމީ މެޗަށް ރަނގަޅަށް ތައްޔާރުވުމަށް

ރައުލް، ރެއާލް އޮވިއޭޑޯގެ ކޯޗަކަށް ހަމަޖައްސައިފި

ރެއާލް މެޑްރިޑްގެ ލެޖެންޑް ރައުލް ގޮންޒާލޭޒް، ސްޕެއިންގެ ދެވަނަ ޑިވިޝަނުގެ ކްލަބް ރެއާލް އޮވިއޭޑޯގެ ކޯޗަކަށް 2028 ވަނަ އަހަރުގެ ނިޔަލަށް ހަމަޖައްސައިފި. އޭނާ މި މަގާމާ ހަވާލުވީ ރެއާލް މެޑްރިޑްގެ ރިޒާވް ޓީމުގައި ހަ އަހަރު ދުވަހު ކޯޗުކަން ކުރުމަށްފަހު، ނަތީޖާ ދަށްވުމުގެ ސަބަބުން ވަކިކުރި ޖޫލިއަން ކަލޭރޯގެ ބަދަލުގައި

ތަޖުރިބާ ރަނގަޅު، ބޭނުމީ ވަރުގަދަ ޓީމުތަކާ ކުޅެން: އިންމި

ޗައިނާ އިންޓަނޭޝަނަލް ފުޓްސަލް މުބާރާތުގެ ތިންވަނަ ރާއްޖެއަށް ލިބުނުއިރު، މިއީ ގައުމީ ޓީމުގެ ކުރިއެރުމަށް ލިބުނު ވަރަށް ރަނގަޅު ތަޖުރިބާއެއް ކަމަށް ކެޕްޓަން އިމްރާން (އިންމި) ބުނެފި. އޭނާ ފާހަގަކުރި ގޮތުގައި ރާއްޖޭގެ ޓީމުން މިހާރު ބޭނުންވަނީ ވަރުގަދަ ޓީމުތަކާ ދެކޮޅަށް ކުޅެގެން ފެންވަރު ރަނގަޅުކުރަން ކަމަށް

ރާއްޖެ ކައިރިން މޮޅުވެ ޗައިނާ އަށް ޗެމްޕިއަންކަން

ޗައިނާ އިންޓަނޭޝަނަލް ފުޓްސަލް މުބާރާތުގެ ފަހު މެޗުގައި ރާއްޖެ 8-3 އިން ބަލިކޮށް، ކުޅުނު ތިން މެޗުން މޮޅުވެގެން ޗައިނާ އިން މުބާރާތުގެ ޗެމްޕިއަންކަން ހޯދައިފި. މި މުބާރާތުގައި ރާއްޖެއަށް ލިބުނީ ތިން ވަނަ މަގާމު ކަމަށްވާއިރު، ރާއްޖެއިން ވަނީ ހޮންގް ކޮންގް އަތުން ބޮޑު މޮޅެއް ހޯދައި ދެކުނު ކޮރެއާ އަތުން ބަލިވެފައި

ގަލޮޅު ދަނޑު ފުޓްބޯޅަ ކުޅުމާއި މުނިފޫހިފިލުވޭނެ ތަނަކަށް ހަދަނީ

ގަލޮޅު ދަނޑު ތަޅާލުމަށްފަހު، އެތަނަކީ ފުޓްބޯޅައިގެ އިތުރުން މުނިފޫހިފިލުވުމުގެ ތަފާތު ހަރަކާތްތައް ބޭއްވޭނެ ފަދަ ހިތްގައިމު މަރުކަޒަކަށް ބަދަލުކުރަން ސަރުކާރުން ވަނީ ނިންމާފައި. މި މަޝްރޫޢުގެ ދަށުން ދަނޑުގެ ޕިޗާއި ސިޑިބަރިތައް އައުކޮށް، އާންމުންނަށް ފަސޭހައިން ވަދެނިކުމެ އުޅެވޭނެހެން އެ ސަރަހައްދު ތަރައްގީކުރާނެ

ޔުނައިޓެޑްގެ ކޯޗުކަމުން އިސްތިއުފާ ނުދޭނެ ކަމަށް ކެރިކް ބުނެފި

މެންޗެސްޓާ ޔުނައިޓެޑްގެ ނަތީޖާތައް ދަށްވެ ޓީމު ރެލިގޭޝަން ޒޯނަށް ވެއްޓިފައިވީ ނަމަވެސް، މަގާމުން އިސްތިއުފާ ދިނުމުގެ ވިސްނުމެއް ނެތް ކަމަށް ކޯޗު މައިކަލް ކެރިކް ބުނެފި. ކެރިކް ގަބޫލުކުރާ ގޮތުގައި ހެދޭ ގޯސްތައް ރަނގަޅުކޮށްގެން ޓީމުގެ ހާލަތު ބަދަލުކުރެވޭނެ ކަމުގެ އުންމީދު އެބައޮތް.

Newsletter

Get the latest news delivered straight to your inbox