މިއުނިކް (ޖޫން 15) - މި ފަހަރުގެ ޔޫރޯގައިވެސް ސްޕެއިން ގުަނަންޖެހޭނީ ވަރުގަދަ ޓީމެއްގެ ގޮތުގައި ކަމަށާއި ސްޕެއިންއަކީ ތައްޓަށް ވާދަކުރަ ވަރުގެ ޓީމެއް ކަމަށް އެ ޓީމުގެ ކޯޗު ލުއިސް ޑެލަ ފުއެންޓޭ ބުނެފިއެވެ.
މި އަހަރުގެ ޔޫރޯގެ ގުރޫޕް ބީގައި ކުޅޭ ފުރަތަމަ މެޗުގައި މިރޭ ކްރޮއޭޝިއާއާ ދެކޮޅަށް ސްޕެއިން ނުކުންނާނެއެވެ.
ސްޕެއިން އަކީ ޔޫރޯގެ އެންމެ ކާމިޔާބު އެއް ޓީމެވެ، މީގެ ކުރިން ތިން ފަހަރު ސްޕެއިން އިން ވަނީ ޔޫރޯ ކާމިޔާބުކޮށްފައެވެ. އެއީ 1964، 2008 އަދި 2012 އެވެ.
މި އަހަރުގެ މުބާރާތް ސްޕެއިންއަކީ މުބާރާތުގެ ތަށި ހޯދާނެ ކަމަށް ބެލެވެ ފޭވަރިޓުންގެ ލިސްޓުގެ ކުރީގައި އޮތް ޓީމެއް ނޫނެވެ.
އެކަމަކު މެޗުގެ ކުރިން މީޑިއާއާ ވާހަކަދައްކަމުން ޑެލަ ފުއެންޓޭ ބުނީ ސްޕެއިން މި ފަހަރުގައި ތައްޓަށް ވާދަކުރާ އެއް ޓީމަށް ވާނެ ކަމަށެވެ.
"އަހަރަމެންނަށް ތައްޓަށް ވާދަކުރެވޭނެ. އެކަމަކު އެންމެ ޓީމަކަށް ތަށި ލިބޭނީ. ވަރަށް ރަނގަޅު ޓީމުތަކެއް މުބާރާތުގައި އެބައޮތް،" ޑެލަ ފުއެންޓޭ ބުންޏެވެ.
ގުރޫޕް ބީގައި ސްޕެއިން އާއި ކްރޮއޭޝިއާއާއެކު ދެން އޮތީ އެންމެ ފަހުގެ ޗެމްޕިއަން ޢިޓަލީ އަދި އަލްބޭނިއާއެވެ.
ކްރޮއޭޝިއާއާ ދެކޮޅަށް ނިކުތުމުގެ ކުރިން ޑެލަ ފުއެންޓޭ ވަނީ ކްރޮއޭޝިއާގެ ޓީމަށް ތައުރީފްކޮށްފަ އެވެ.
"ކްރޮއޭޝިއާގެ ގައުމީ ޓީމަކީ އެއްބައިވަންތަ، ޤައުމީ ލޯބީގައި ކުޅޭ ޓީމެއް،" ޑެލަ ފުއެންޓޭ ބުންޏެވެ.
ސްޕެއިންގެ ޑިފެންޑަރު އެއުމެރިކް ލަޕޯޓް މި މެޗަށް ފިޓުވިޔަސް، މިރޭގެ މެޗުގައި އޭނާ ބޭނުންނުކުރާނެ ކަމަށް ޑެލަ ފުއެންޓޭ ބުންޏެވެ. ވަކި ސަބަބެއް ޑެ ލަ ފުއެންޓޭ ނުބުނެ އެވެ.
ސްޕެއިނާއި ކްރޮއޭޝިއާ މެޗު ފަށާނީ މިރޭ 9 ޖަހާއިރު އެވެ.
