ލާޒިއޯ އަށް އެއް ވަނައިގައި ލީޑެއް، ޔުވެންޓަސް އިން ނަޕޯލީ ބަލިކޮށްފި

Nov 2, 2026, 10:04 AM
ލާޒިއޯގެ ޕިނަމޮންޓީ ލަނޑު ޖެހުމަށް ފަހު އުފާފާޅުކުރަނީ.

ލާޒިއޯގެ ޕިނަމޮންޓީ ލަނޑު ޖެހުމަށް ފަހު އުފާފާޅުކުރަނީ.

ޓިއުރިން، އިޓަލީ (ނޮވެމްބަރު 2) - އިޓާލިއަން ލީގުގައި ރޭ ކަލިއަރީ އަތުން 2-1 އިން މޮޅުވެ، ލާޒިއޯ އިން ލީގުގެ އެއް ވަނައިގައި ލީޑުނެގިއިރު، ނަޕޯލީ އަތުން 2-0 އިން ޔުވެންޓަސް އިން މުހިންމު މޮޅެއް ހޯދައިފި އެވެ. 

ލީގުގައި މި ހަފްތާގައި އެންމެ ފަހުގެ ޗެމްޕިއަން، އިންޓަ މިލާން ކުޅުނު މެޗުން އޭސީ މިލާން އަތުން ބަލިވުމުގެ ފައިދާ ލާޒިއޯ އިން މި ވަނީ ރަނގަޅަށް ނަގައިފަ އެވެ. ޖެނާރޯ ގަަޓޫސޯގެ ކޯޗުކަމުގައި ތަފާތު ދައްކަމުން އަންނަ ލާޒިއޯ އިން 10 މެޗު ކުޅުނުއިރު، 28 ޕޮއިންޓް ހޯދާފައިވާއިރު، ލީގުގެ މެޗަކުން ބަލިނުވެ އެވެ. ދެ ވަނައިގައި އިންޓަ އަށް 10 މެޗުން 25 ޕޮއިންޓް، ތިން ވަނައިގައި އޮތް ރޯމާ ވެސް މެޗަކުން ބަލިނުވެ އޮތްއިރު، އެ ޓީމަށް 10 މެޗުން ވަނީ 24 ޕޮއިންޓް ލިބިފަ އެވެ. ސެސްކް ފަބްރެގަސް، ތަފާތު ދައްކަމުން އަންނަ ކޯމޯ ހަތަރެއްގައި އޮތީ 10 މެޗުން 23 ޕޮއިންޓް ހޯދައިގެންނެވެ. 

އަމިއްލަ ދަނޑުގައި ކުޅުނު ލާޒިއޯ އިން ކަލިއަރީ ބަލިކުރީ ފަހަތުން އަރަ އެވެ. އެ ގޮތުން، މެޗުގެ 21 ވަނަ މިނިޓްގައި ކަލިއަރީގެ އެމްބާލާ އެންޒޯލާގެ ގޯލުން ލީޑުނެގި އެވެ. ފުރަތަމަ ހާފު ނިމުމުގެ ކުރިން، ގުސްޓާވް އައިސަކްސަން ލަނޑު ޖަހައި، ލާޒިއޯ އަށް އެއްވަރުކޮށްދިނެވެ. 

Advertisement

ލާޒިއޯ އިން މެޗުގެ ތިން ޕޮއިންޓް ކަށަވަރުކުރީ، މެޗުގެ ފުރިހަމަ ވަގުތު ހަމަވާން ހަތް މިނިޓަށް ވެފައި ހުއްޓަ އެވެ. މި ލަނޑު ޖެހީ އަލްފަންސޯ ޕެޑްރާޒާ ދިން ބޯޅައަކުން އަންޑްރެއާ ޕިނަމޮންޓީ އެވެ. 

ޔުވެންޓަސްގެ އަލަޖްބެގޯވިޗް ލަނޑު ޖެހުަމަށް ފަހު އުފާފާޅުކުރަނީ.
ޔުވެންޓަސްގެ އަލަޖްބެގޯވިޗް ލަނޑު ޖެހުަމަށް ފަހު އުފާފާޅުކުރަނީ.

ޔުވެންޓަސް އިން ރޭގެ މެޗުގައި ދެ ގޯލު ޖެހީ ވެސް ދެ ވަނަ ހާފުގަ އެވެ. އެ ގޮތުން، ލީޑުނެގި ގޯލު މެޗުގެ 70 ވަނަ މިނިޓްގައި ކާމިޔާބުކުރީ ކަރީމް އަލަޖްބެގޯވިޗް އެވެ. މިއީ، އެޑޮން ޒެންގްރޯވާ ދިން ބޯޅައަކުން އަލަޖްބެގޯވިޗް ޖެހި ގޯލެކެވެ. 

ނަޕޯލީން މެޗުގެ ފަހު 15 މިނިޓް ކުޅުނީ، ދެ ވަނަ ރީނދޫ ކާނޑާ އެކު، ލޫކާ މަރިއަނޫޗީ އަށް ރަތެއް ދެއްކުމުން ކުޅުންތެރިއަކު މަދުކޮށެވެ. 

މެޗުގެ ފުރިހަމަ ވަގުތު ހަމަވާން ތިން މިނިޓަށް ވެފައި ވަނިކޮށް، އަންޑްރެއާ ކަމްބިއާސޯ ދިން ބޯޅައަކުން ޔުވެންޓަސްގެ ޖެރެމީ ބޯގާ ވަނީ އެ ޓީމަށް ދެ ވަނަ ލަނޑު ޖަހައިދީފަ އެވެ. 

މި ނަތީޖާއާ އެކު ޔުވެންޓަސް އޮތީ ލީގު ތާވަލުގައި ނަޕޯލީ އަށް ވުރެން އެއް ދަރަޖަ ކުރީގަ އެވެ. ހަތް ވަނައިގައި އޮތް ޔުވެންޓަސް އަށް 10 މެޗުން 17 ޕޮއިންޓް ލިބިފައިވާއިރު، އަށް ވަނައިގައި އޮތް ނަޕޯލީ އަށް ވަނީ 10 މެޗުން 14 ޕޮއިންޓް ލިބިފަ އެވެ. 

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox