ޑިއޮމަންޑޭގެ މޮޅު ލަނޑާ އެކު ރެއާލުން ރޭސިން ބަލިކޮށްފި

Nov 2, 2026, 8:35 AM
ރޭސިން ކޮޅަށް ލަނޑު ޖެހުމަށް ފަހު ޑިއޮމަންޑޭ އުފާފާޅުކުރަނީ.

ރޭސިން ކޮޅަށް ލަނޑު ޖެހުމަށް ފަހު ޑިއޮމަންޑޭ އުފާފާޅުކުރަނީ.

މެޑްރިޑް (ނޮވެމްބަރު 2) - ސްޕެނިޝް ލީގުގައި ރޭ ރެއާލް މެޑްރިޑުން ޔަން ޑިއޮމަންޑޭގެ ގޯލާ އެކު 3-0 އިން ރޭސިން ސަންޓަންޑޭ ބަލިކޮށްފި އެވެ. 

މި ނަތީޖާއާ އެކު، ރެއާލުން ވަނީ އެއް ވަނައިގައި އޮތް ބާސެލޯނާއާ ދެމެދުގެ ފަރަގު ތިން ޕޮއިންޓަށް ކުޑަކޮށްފަ އެވެ. އެއް ވަނައިގައި އޮތް ބާސެލޯނާ އަށް ނުވަ މެޗުން 30 ޕޮއިންޓް ލިބިފައިވާއިރު، ދެ ވަނައިގައި އޮތް އެތުލެޓިކޯ އަށް ވަނީ ނުވަ މެޗުން 28 ޕޮއިންޓް ލިބިފަ އެވެ. އަދި، ތިން ވަނައިގައި އޮތް ރެއާލް މެޑްރިޑްގެ އޮތީ ނުވަ މެޗުން 27 ޕޮއިންޓެވެ. 

ރޭސިން ދަނޑުަގައި ކުޅުނު މެޗުގެ 11 ވަނަ މިނިޓްގައި ޕެނަލްޓީ އަކުން ރެއާލަށް ލީޑުނަގައިދިނީ ކީލިއަން އެމްބާޕޭ އެވެ. ޗައިނާ ސިޔާސީ މަސްރަހާ މައްސަލަގަނޑެއްގެ ތެރޭގައި މި ވަގުތު ދުވަސް ގުނަން ޖެހިފައިވާ އެމްބާޕޭ މި ޕެނަލްޓީ ކާމިޔާބުކުރީ އޭނާ އަށް ކުރި ފައުލަކަށް ރެފްރީ ޕެނަލްޓީއެއް ދިނުމުންނެވެ. 

Advertisement

މެޗުގެ 22 ވަނަ މިނިޓްގައި ރެއާލްގެ ޖޫޑް ބެލިންހަމް ވަނީ އެ ޓީމުގެ ދެ ވަނަ ލަނޑު ޖަހައިފަ އެެވެ. މިއީ، އާޑާ ގުލާ ހުސްކޮށްލާފައި ދިން ބޯޅައެއް ރޭސިންގެ ޑިފެންސްލައިން ފަހަތުން ހޯދައި، އެ ޓީމުގެ ކީޕަރު، ޖުލެން އަގިރެއްޒަބަލާ ކައިރިން ނައްޓާފައި ބެލިންހަމް ޖެހި ގޯލެކެވެ. މިއީ، ރެއާލަށް ބެލިންހަމް ޖަހައިދިން 50 ވަނަ ގޯލެވެ. 

ފުރަތަމަ ހާފު ނިމުމުގެ ކުރިން ރެއާލުން ތިން ވަނަ ލަނޑު ޖެހީ މި ވަގުތު ތަފާތު ފޯމެއްގައި ކުޅެމުން އަންނަ ޑިއޮމަންޑޭ އެވެ. އާރްބީ ލައިޕްޒިގުން މި ފަހަރުގެ ޓްރާންސްފާގައި ބޮޑު ފީ އަަކަށް ރެއާލަށް ބަދަލުވި ޑިއޮމަންޑޭ މި ލަނޑު ޖެހީ މެޗުގެ 36 ވަނަ މިނިޓްގަ އެވެ. ކޯނަރެއްގައި ރޭސިން ޑިފެންޑަރުން ސަލާމަތްކުރަން ޖައްސާލި ބޯޅަ ލިބުމާ އެކު، އޭރިއާބޭރުން ޑިއޮމަންޑޭ އެއް ފަަހަރުން ޖެހި ޝޮޓް އަމާޒުވީ ގޯލުގެ މަތީ ކަނަށެވެ. 

ދެ ވަނަ ހާފުގައި ރެއާލަށް ލަނޑު ޖަހައިދޭން އެމްބާޕޭގެ ޝޮޓެއް ގޯލުގެ ދަނޑިއަށް އަމާޒުވިއިރު، އައުރެލިއަން ޗުއަމެނީގެ ޝޮޓެއް ދިޔައީ ގޯލާ ސީދާނުވެ އެވެ. 

މެޗުގެ 76 ވަނަ މިނިޓްގައި ރޭސިން އަށް ޕެނަލްޓީއެއް ދޭން ނިންމުމަށް ފަހު، ރެފްރީ ވަނީ ވީޑިއޯ އެސިސްޓަންޓް ރެފްރީ (ވީއޭއާރް) އިން ބަލައި އެ ނިންމުން ބަދަލުކޮށްފަ އެވެ. އަދި، އިތުރު ވަގުތުގައި ބެލިންހަމް ޖެހި ގޯލެއް ވެސް ވީއޭއާރް އިން ވަނީ އޮފްސައިޑް ކަމަށް ނިންމައިފަ އެވެ. 

ކޮމެންޓް

ފަހުގެ ޚަބަރު

ބަންގްލަދޭޝްގެ ތަރިން އައިސް ލަންކާ ކަޓުވާލިއިރު، ބޫޓާން ސެމީއަށް

ސާފް ޗެމްޕިއަންޝިޕްގައި ސްރީ ލަންކާ 4-0 އިން ބަލިކޮށް ބަންގްލަދޭޝް ގްރޫޕްގެ އެއްވަނަ ހޯދިއިރު، 18 އަހަރަށްފަހު ބޫޓާން ވަނީ މުބާރާތުގެ ސެމީ ފައިނަލަށް ދަތުރުކޮށްފައި. ސެމީގައި ބަންގްލަދޭޝް ޕާކިސްތާނާ ބައްދަލުކުރާއިރު، ބޫޓާން ނުކުންނާނީ އިންޑިއާއާ ދެކޮޅަށް.

މުހިންމު ސުވާލަކަށް އުރްބާނީ: "ޖަވާބު ދޭނީ ރާއްޖެ ގޮސްފައި"

މިފަހަރުގެ ސާފް ޗެމްޕިއަންޝިޕްގައި އެއްވެސް ލަނޑެއް ނުޖެހި، ކުޅުނު ދެ މެޗުން ބަލިވެ ރާއްޖެ ކެޓުމާ އުރްބާނީ މަގާމުން ވަކިވުމާ ގުޅޭގޮތުން ކުރި ސުވާލަށް ސީދާ ޖަވާބެއް ނުދީ އުރްބާނީ ބުނީ އެކަމަށް ޖަވާބެއް ދޭނީ މާލެ ގޮސްފައި ކަމަށް.. މިއީ ސާފް ޗެމްޕިއަންޝިޕްގެ ތާރީޚުގައި ރާއްޖެއިން އެންމެ ދަށް ނަތީޖާއެއް ހޯދި ފަހަރު.

އުރްބާނީގެ ދަށް ރެކޯޑާ އެކު ރާއްޖެ ސާފް ޗެމްޕިއަންޝިޕުން ކަޓައިފި

ކޯޗު އިސްތަވާން އުރްބާނީގެ އިރުޝާދުގެ ދަށުން ކުޅުނު ރާއްޖޭގެ ގައުމީ ޓީމު، އެއްވެސް ލަނޑެއް ނުޖެހި އަދި މޮޅެއް ނުލިބި ސާފް ޗެމްޕިއަންޝިޕްގެ ގްރޫޕް ސްޓޭޖުން ކަޓައިފި. މިއީ ރާއްޖެއިން މި މުބާރާތުގައި ވާދަކުރި 13 ފަހަރުގެ ތެރެއިން އެންމެ ދަށް ނަތީޖާ ނެރުނު ފަހަރު.

ބަލިވެ އުޅުމަށް ފަހު 18 ދުވަސް ފަހުން ކޮމްޕެނީ މަސައްކަތަށް

ބަލިހާލަތު ގޯސްވެގެން 18 ދުވަހު ފަރުވާ ހޯދުމަށްފަހު، ބަޔާން މިއުނިކްގެ ކޯޗު ވިންސެންޓް ކޮމްޕެނީ އަލުން މަސައްކަތަށް ނުކުމެއްޖެއެވެ. މެނިންޖިއަލް އިރިޓޭޝަނަކަށް ފަރުވާ ހޯދުމަށްފަހު އޭނާ އެނބުރި އައި ނަމަވެސް، ފުރަތަމަ މަސައްކަތް ކުރާނީ އޮފީހުގައި ހުރެގެން ކަމަށް ރިޕޯޓްތައް ބުނެއެވެ.

ޗެލްސީ ސްޓާފުން ފެންޓަސީ ޕްރިމިއާ ލީގު ކުޅޭތީ އިންޒާރެއް

ޗެލްސީގެ ފޯވާޑް ޖޮއާއޯ ޕެޑްރޯއަށް އަނިޔާވި ޚަބަރު، އެ ޓީމުގެ ކުޅުންތެރިންނާއި ސްޓާފުންގެ ފެންޓަސީ ޕްރިމިއާ ލީގު ޓީމުތަކުން ހާމަވުމާ ގުޅިގެން ކްލަބުން އެކަމުގެ އިންޒާރު ދީފި. މި މައުލޫމާތު ލީކުވީ މެޗުގެ ކުރިން ޕެޑްރޯ ފެންޓަސީ ޓީމުން ބާކީކުރުމުން ކަމަށްވާތީ، ކްލަބުގެ މުހިންމު މައުލޫމާތު ރައްކާތެރިކުރުމަށް ސްޓާފުންނަށް މިހާރު ވަނީ އަންގާފައި

ސްރީ ލަންކާ-ބަންގްލަދޭޝް: ސާފްގެ އާ ސަގާފަތެއް ފެންނާނެ މެޗެއް

މިރޭ ކުޅޭ ސާފް ޗެމްޕިއަންޝިޕްގެ ގްރޫޕް ސްޓޭޖުގެ ފަހު މެޗުގައި ބަންގްލަދޭޝް އާއި ސްރީލަންކާ ބައްދަލުކުރާއިރު، ދެ ގައުމުން ވެސް އަމާޒު ހިފާފައިވަނީ ގިނަ އަހަރުތަކަކަށް ފަހު އަލުން ތަށި ހޯދުމަށް. މި ދެ ޓީމުން ވެސް ފުޓްބޯޅަ ކުރިއެރުވުމަށްޓަކައި ބޭރު ގައުމުތަކުގައި ދިރިއުޅޭ އެ ގައުމުތަކަށް ނިސްބަތްވާ ކުޅުންތެރިންނަށް ފުރުސަތު ދޭ އަދަދު ދަނީ އިތުރުވަމުން

ސާފްގައި އަބަދުވެސް ދަގަނޑޭ އާއި ޗެތުރީގެ ލެގަސީ ދެމިއޮންނާނެ

ސާފް ޗެމްޕިއަންޝިޕްގައި ރާއްޖެ އާއި އިންޑިއާ ބައްދަލުކުރާ މެޗުތައް ކުރިން ހާއްސަވި އެއް ކަމަކީ ދަގަނޑޭ އާއި ޗެތުރީގެ ވާދަވެރިކަމާ ގުޅިފައިވާ، ތާރީޚީ ގޮތުން މުހިންމު މެޗަކަށް ވާތީ. މި ދެ ކުޅުންތެރިންނަކީ ސާފް ޗެމްޕިއަންޝިޕްގައި ކޮންމެ ކުޅުންތެރިއަކު 23 ގޯލު ޖަހައިގެން، މުބާރާތުގެ އެންމެ ގިނަ ލަނޑުޖެހި ކުޅުންތެރިންގެ ރެކޯޑް ހިއްސާކުރާ ދެ ލެޖެންޑުން.

Newsletter

Get the latest news delivered straight to your inbox