ޖަރުމަނުގައި މިއަދުން ފެށިގެން އެއް މަސް ދުވަހަށް ދިގުދެމިގެންދާ ޔޫރޯ ފުޓްބޯޅަ މުބާރާތް ހޯސްޓްކުރާއިރު، އެ ގައުމުގެ ފުޓްބޯޅަ ފެޑެރޭޝަނާއި ސަރުކާރުން އެންމެ ބޮޑު ޗެލެންޖެއްގެ ގޮތުގައި ފާހަގަކޮށްފައިވަނީ، މި ފަހަރުގެ މުބާރާތަކީ ސެކިއުރިޓީގެ ގޮތުން ބަލާއިރު، ރައްކާތެރި މުބާރާތަކަށް ހެދުމަށް ކަމަށެވެ
އެ ގޮތުން، ޔޫކްރެއިނާއި ރަޝިއާގެ ހަނގުރާމަ އާއި ފަލަސްތީނަށް އަރައި، އިޒްރޭލުން ކުރަމުން އަންނަ ހަނގުރާމައިގެ، ސަބަބުން، މި ފަހަރުގެ ޔޫރޯގައި ގިނަ ބަޔެއް ފުޓްބޯޅައިން ބޭރުގެ ޝުއޫރުފާޅުކުރުމުގައި، ކަންތައްތަކެއް ކުރިއަށްގެންދާނެ ކަމަށް ޖަރުމަނު ފުޓްބޯޅަ އިދާރާއިން އެއްކުރި މައުލޫމާތަކުން އެނގެ އެވެ. މި ހުރިހާ ކަމަކަށް ބަލައި، ޖަރުމަނުން ތައްޔާރުވަނީ، ވަރަށް އަމާންއޮމާންކޮށް މުބާރާތް ކުރިއަށްގެންދެެވޭނެ ގޮތަށް ކަންކަން ރޭވުމަށެވެ.
މި ފަަހަރުގެ ޔޫރޯ ފުޓްބޯޅަ މުބާރާތުގެ ކަންކަން ބެލެހެއްޓުމަށް، ޔުއެފާ އާއި ޖަރުމަނު ފުޓްބޯޅަ ފެޑެރޭޝަނުން އެމްބަސަޑަރަކަށް ހަމަޖައްސާފައިވަނީ، ޖަރުމަނުގެ ކުރީގެ ތަރި، ފިލިޕް ލާމް އެވެ. ޖަރުމަނު ގައުމީ ޓީމުގެ ކުރީގެ ކެޕްޓަން، ފިލިޕް ލާމް ބުނީ، 2006 ވަނަ އަހަރު އެ ގައުމުން ފީފާ ވޯލްޑް ކަޕް ހޯސްޓްކުރިއިރާއި މިހާރުގެ ހާލަތު ހުރިހާ ގޮތަކުން ވެސް ތަފާތު ކަމަށެވެ. އެ ހުރިހާ ކަމަކަށް އަލި އަޅުވާލައި، ޖަރުމަނުން ތައްޔާރުވަނީ ވަރަށް ވަރުގަދަ މުބާރަތެއް ހޯސްޓްކުރުމަށް ކަމަށް ލާމް ވަނީ ބުނެފަ އެވެ.
ޔޫރޯއާ ގުޅޭ ބައްދަލުވުމެއްގައި ލާމް ވާހަކަ ދައްކަނީ،
އެ ގޮތުން، މުބާރާތުގައި ވާދަކުރާ 24 ޓީމު ޖަރުމަނުގައި ތިބޭ ކޭމްޕް/ހޮޓެލްތަކުގައި ސެކިއުރިޓީ ވަރުގަދަ ކުރުމާއި 2.7 މިލިއަން ސަޕޯޓަރުން ހަރަކާތްތެރިވާނެ ކަމަށް ބެލެވޭ ފޭންޒޯންތަކުގައި ވެސް ސެކިއުރިޓީ ވަރުގަދަކުރަން ޖަރުމަނު ފުޓްބޯޅަ ފެޑެރޭޝަނާއި މުބާރާތުގެ ހާއްސަ ކޮމިޓީން އަންނަނީ މަސައްކަތް ކުރަމުންނެވެ
ސެކިއުރިޓީ ވަރުގަަދަ ކުރުމުގެ ގޮތުން، މުބާރާތުގައި ވާދަކުރާ 24 ގައުމުގެ ތެރެއިން 300 އެއްހާ ސެކިއުރިޓީ ތަޖުރިބާކާރުން ޖަރުމަނުގައި ހަރަކާތްތެރިވާނެ އެވެ. އެ ފަރާތްތަކުން މަސައްކަތްކުރާނީ އިންޓަނޭޝަނަލް ޮޮލިސް ކޯޕަރޭޝަން ސެންޓަރު (އައިޕީސީސީ)އާ އެކުގަ އެވެ
ޖަރުމަނުގެ ދިފާއީ ބާރުތަކުގައި މަސައްކަތްކުރާ އެއްވެސް ފަރާތަކަށް ޔޫރޯ ފުޓްބޯޅަ މުބާރާތް ބާއްވާ މުއްދަތުގައި ޗުުއްޓީ ނުދޭން ވަނީ ނިންމައިފަ އެވެ. މީގެ އެންމެ ބޮޑު ސަބަބަކީ، ޖަރުމަނުގެ ބޯޑަރު ގާއިމްކޮށްފައިވާ ނުވަ ސަރަަހައްދުގައި ވީ އެންމެ ރަނގަޅަށް ފޯރިމެރުމުގެ ގޮތުންނެވެ
މީގެ އިތުރުން، ޔުއެފާ އާއި ޖަރުމަނުން މީގެ ކުރިން ފިޔަވަޅު އަޅާފައިވާ އެއްވެސް ސަޕޯޓަރަކަށް ޖަރުމަނަށް އެތެރެ ނުވެވޭގޮތަށް ވަނީ ހަމަޖައްސައިފަ އެވެ. އެ ގޮތުން، އިނގިރޭސި 1600 އަށް ވުރެ ގިނަ ސަޕޯޓަރަކަށް މި ފަހަރު ޖަރުމަނުގައި ބާއްވާ ޔޫރޯ ބަލަން ނުދެވޭނެ އެވެ. އެއީ، މީގެ ކުރިން އެކި ކަހަލަ މައްސަލަތަކުގައި ދަނޑަށް ނުވަދެވޭ ގޮތަށް އަދަބުދީފައިވާ ސަޕޯޓަރުންނެވެ
ކޮންމެ މެޗެއް ކުރިއަށްދާއިރު، 800 އާއި 1300 އާ ދެމެދުގެ އަދަދަކަށް ފުލުހުން/ސެކިއުރީޓީން ހަރަކާތްތެރިވާނެ އެވެ. ޖަރުމަނުގައި ކުރިއަށްދާ ޔޫރޯގެ ސެކިއުރިޓީ ވަރުގަދަ ކުރަން ފްރާންސާއި އިނގިރޭސިވިލާތް ހިމެނޭހެން ނުވަ ގައުމަކުން ފުލުހުން/ސިފައިން ޖަރުމަނަށް ފޮނުވާ ގޮތަށް ވަނީ ހަމަޖެހިފަ އެވެ
