ޓެކްސަސް، ޔުނައިޓެޑް ސްޓޭޓްސް (ޖޫން 9) - ސަތާރަ އަހަރުގެ ފޯވާޑް، އެންރިކް، އިތުރު ވަގުތުގެ ތެރޭގައި ޖެހި ލަނޑުން 3-2 އިން މެކްސިކޯ އަތުން ބްރެޒިލް މޮޅުވެއްޖެ އެވެ.
އެންޑްރިކް އަންނަނީ ލިބޭ ކޮންމެ ފުރުސަތެއްގައި ތަފާތު ދައްކަމުންނެވެ. މިދިޔަ މާޗް މަހު އެންޑްރިކް ވަނީ ވެމްބްލީގައި ގޯލު ޖަހައި، އިންގްލެންޑް އަތުން ބްރެޒިލް މޮޅުކޮށްދީފަ އެވެ. އަދި އޭގެ ދުވަސްކޮޅެއް ފަހުން، ސަންޓިއާގޯ ބާނަބައުގައި ގޯލު ޖަހައި، އެންޑްރިކް ވަނީ ބްރެޒިލާއި ސްޕެއިން އެއްވަރުކޮށްދީފަ އެވެ.
ރޭގެ މެޗުގައި، އަންޑްރެއަސް ޕެރެއިރާ ފަސް ވަނަ މިނިޓްގައި ލަނޑު ޖަހައި، ބްރެޒިލަށް ލީޑުނަގައިދިނެވެ. ފުރަތަމަ ހާފު މި ނަތީޖާގައި އޮވެގެން ނިމުނުއިރު، ދެ ވަނަ ހާފު ފަށައިގެން ނުވަ މިނިޓް ތެރޭގައި ބްރެޒިލުން ދެ ވަނަ ލަނޑު ޖެހި އެވެ. މި ލަނޑު ޖެހީ ގަބްރިއެލް މާޓިނެލީ އެވެ.
މެކްސިކޯ އިން ވަނީ ހިތްވަރު ދައްކައި ދެ ލަނޑު ޖަހައި ނަތީޖާ ހަމަހަމަކޮށްފަ އެވެ. އެ ގޮތުން މެކްސިކޯ އިން ފުރަތަމަ ލަނޑު ޖެހީ، 73 ވަނަ މިނިޓްގަ އެވެ. މި ލަނޑު ޖެހީ ޖޫލިއަން ކީނޯނޯސް އެވެ.
އިތުރު ވަގުތުގެ ދެ މިނިިޓް ތެރޭ ގިލެރްމޯ މާޓީނޭޒް ވަނީ ލަނޑު ޖަހައި މެކްސިކޯ އަށް އެއްވަރުކޮށްދީފަ އެވެ. އެކަމަކު، އޭގެ ހަތަރު މިނިޓް ފަހުން އެންޑްރިކް ވަނީ ލަނޑު ޖަހައި ބްރެޒިލް މޮޅުކޮށްދީފަ އެވެ.
ބްރެޒިލުން ދެން އެންމެ އަވަހަށް ކުޅޭ މެޗުގައި އަންނަ ބުދަ ދުވަހު އެމެރިކާއާ ބައްދަލުކުރާނެ އެވެ. ކޮޕަ އެމެރިކާގައި ބްރެޒިލް ކުޅޭ ފުރަތަމަ މެޗުގައި މި މަހު 24 ގައި ކުޅޭނީ ކޮސްޓަ ރިކާއާ އެވެ.
