"ރެޑްބުލް ފޯ ޓު ސްކޯ'ގެ ފައިނަލް ބުރުގެ މެޗުތައް މި މަހު 20 ގައި ހުޅުމާލެ ރެޑްބުލް ޓާފް ދަނޑުގައި ފަށާނެ އެވެ.
ރާއްޖޭގެ އެކި ސަރަހައްދުތަކުން 16 ޓީމެއް މި މުބާރާރުގެ ފައިނަލް ބުރަށް މިހާރު ކޮލިފަޔަރ ވެފައިވާއިރު, މާލެ ބުރުގެ މެޗުތަކާއެކު އިތުރު ހަތް ޓީމެއް ފައިނަލް ބުރަށް ކޮލިފައިވާނެ އެވެ. މާލެ ބުރުގެ މެޗުތައް ފަށާނީ މި މަހު 20 ގަ އެވެ.
މި މުބާރާތުގެ ފައިނަލް ބުރުގެ ޗެމްޕިއަން ޓީމަށް ޖަރުމަނުގައި އޮންނަ ފޯ ޓު ސްކޯގެ ވޯލްޑް ފައިނަލުގައި ވާދަކުރުމުގެ ފުުރުސަތު ލިބޭނެ އެވެ. އެ މުބާރާތުގައި ދުނިޔޭގެ 25 ގައުމެއްގެ ޗެމްޕިއަނުން ވާދަކުރާނެ އެވެ.
މި މުބާރާތުގެ ފައިނަލް ބުރަށް ކޮލިފައިވެފައިވާ ޓީމުތައް:
ކުޅުދުއްފުށި ސިޓީ - ޓީމް ޒިގްޒެގް
ހދ. ހަނިމާދޫ - ޓީމް އަޅި ބްރޯސް
ތިނަދޫ ސިޓީ - ޓީމް ރެމްޕޭޖް
ލ. ގަން - ޓީމް އިގްބާލް
ބ. އޭދަފުށި - ކައްކަނި ޖޫނިިއާސް
ފުވައްމުލައް ސިޓީ - އެތަން މިތަން
އައްޑޫ ސިޓީ - ކުލަބް ލަތާރި
ކ. މާފުށި - ޓީމް ބިއާންކޯ އެފްސީ
ވަން އެންޑް އޮންލީ ރީތި ރަށް - ކިންގްސް އޮފް ދި ރޯޑް
ރެޑްބުލް އިން ވަނީ މީގެ ކުރިންވެސް މި ކަހަލަ ގިނަ މުބާރާތްތަކެއް ބާއްވާފަ އެވެ. އެގޮތުން ނޭމާ ޖޫނިއާ ފައިވް, މުބާރާތާއި ދި ފައިވް މުބާރާތް މީގެ ކުރިން ބޭއްވި އެވެ. އެ ފަހަރުގެ ޗެމްޕިއަން ޓީމަށް ބްރެޒިލް އަށް ދިޔުމުގެ ފުރުސަތު ވަނީ ދީފަ އެވެ. އެ މުބާރާތްތަކުން އެންމެ ކާމިޔާބު ޓީމަކީ ކުލަބް ޓީނޭޖެވެ. ޓީނޭޖް ވަނީ ދެ ފަހަރެއްގެ މަތިން ބްރެޒިލްގައި ރާއްޖެ ތަމްސީލުކޮށްފަ އެވެ.
