ޕެނަލްޓީގައި އިންޑިއާ ބަލިކޮށް ބަންގްލަދޭޝް އިން 20 އަހަރުން ދަށުގެ ސާފް ޗެމްޕިއަންޝިޕް ކާމިޔާބުކޮށްފި

Apr 3, 2026, 10:18 PM
ސާފް 20 އަަހަރުން ދަށުގެ ފުޓްބޯޅަ މުބާރާތުގެ ޗެމްޕިއަންކަން ހޯދި ބަންގްލަދޭޝްގެ ކުޅުންތެރިން ތަށްޓާ އެކު އުފާފާޅުކުރަނީ.--- ފޮޓޯ: ރާއިފް ޔޫސުފް / އަަދަދު ސްޕޯޓްސް

ސާފް 20 އަަހަރުން ދަށުގެ ފުޓްބޯޅަ މުބާރާތުގެ ޗެމްޕިއަންކަން ހޯދި ބަންގްލަދޭޝްގެ ކުޅުންތެރިން ތަށްޓާ އެކު އުފާފާޅުކުރަނީ.--- ފޮޓޯ: ރާއިފް ޔޫސުފް / އަަދަދު ސްޕޯޓްސް

ޕެނަލްޓީ ޖަހައިގެން 4-3 އިން އިންޑިއާ ބަލިކޮށް، ބަންގްލަދޭޝް އިން 20 އަހަރުން ދަށުގެ ސާފް ޗެމްޕިއަންޝިޕްގެ ޗެމްޕިއަންކަން ދިފާއުކޮށްފި އެވެ. 

މިއީ، ސާފްގެ 19 އާއި 20 އަހަރުން ދަށުގެ މުބާރާތްތަކުގައި ބަންގްލަދޭޝް އިން ޖެހިޖެހިގެން ވާދަކުރާ ތިން ވަނަ ފައިނަލެވެ. ބަންގްލަދޭޝް އިން 2024 ވަނަ އަހަރު ކުޅުނު 20 އަަހަރުން ދަށުގެ މުބާރާތް ކާމިޔާބުކުރީ ފައިނަލުގައި ނޭޕާލް ބަލިކޮށްފަ އެވެ. އަދި، އިންޑިއާ އިން މިދިޔަ އަހަރު ބޭއްވި 19 އަހަރުން ދަށުގެ މުބާރާތް ކާމިޔާބުކުރީ ޕެނަލްޓީ ޖަހައިގެން ބަންގްލަދޭޝް ބަލިކޮށްފަ އެވެ. އެކަމަކު، މި ފަހަރު ޕެެނަލްޓީގައި ކުރި ލިބުނީ ބަންގްލަދޭޝް އަށެވެ. 

މި ފަހަރުގެ 20 އަހަރުން ދަށުގެ މުބާރާތުގައި އިންޑިއާ އާއި ބަންގްލަދޭޝް އިން ގްރޫޕް ސްޓޭޖުގައި ބައްދަލުކުރިއިރު، 1-1 އިން ވަނީ އެއްވަރުވެފަ އެވެ. އަދި، ފައިނަލް މެޗުގައި ވެސް ފުރިހަމަ ވަގުތު އެއްވަރުވެގެން، ޖެހިޖެހިގެން ދެ ވަނަ އަހަރު ފައިނަލުގައި އިންޑިއާ އާއި ބަންގްލަދޭޝް ޕެނަލްޓީ އަށް ދާން ޖެހުނީ އެވެ. 

Advertisement

ގަލޮޅު ދަނޑުގައި މިރޭ ކުޅުނު މެޗު ފަށައިގެން ފުރަަތަމަ މިނިޓުން ފަށައިގެން ބަންގްލަދޭޝް އިން ލިބޭ ބޯޅަތަކުގައި އެޓޭކަށް ޖެހި ގޯލަށް ހަމަލާތައް ފޮނުވާލެވޭތޯ ބަލަމުންދިޔަ އެވެ. އެކަމަކު، އިންޑިއާގެ ގޯލުގައި ހުރި އެ ޓީމުގެ ކެޕްޓަން، ސޫރަޖް ސިންގް ވަނީ ބަންގްލަދޭޝްގެ ކޯނަރުތަކާއި ދިގުއެއްލުންތަކުން، އޭރިއާތެރެއަށް އައި ބޯޅަތައް ހުއްޓުވުމުގައި ހުށިޔާރުކަން ދައްކައިފަ އެވެ. ބަންގްލަދޭޝްގެ އެޓޭކް ލީޑުކުރަމުންދިޔަ، އެމެރިކާ ދަރިކޮޅުގެ ރޮނަން ބެންޖަމިން ސުލިވަން އަށް ލިބޭ ބޯޅަތަކުގައި ނުރައްކާ ކުރެވޭތޯ ބެލި ނަމަވެސް، ކީޕަރު ސޫރަޖް، ޓެސްޓް ކޮށްލެވޭ ވަރުގެ ހަމަލާއެއް ފޮނުވާނުލެވުނެވެ. 

އިންޑިއާގެ އެޓޭކުގައި އެންމެ އިސްކޮށް މި މުބާރާތުގައި ފެންނަ ހަލުވި ފޯވާޑް، އޮމަން ދޯދުން އަށް އެ ޓީމުގެ ކުޅުންތެރިން ފުރަތަމަ ހާފުގައި މަތިން ބޯޅަތައް ކުޅެމުންދިއުމާ އެކު، ބަންގްލަދޭޝްގެ އިސްކޮޅުން ދިގު ކުޅުންތެރިން ހިމެނޭ ޑިފެންޑަރުން ކައިރިން، ދޯދުން އަށް މާ ބޮޑު ކަމެއް ކުރެވޭ ގޮތެއްނުވި އެވެ. 

ފުރަތަމަ ހާފަށް ވުރެން ރަނގަޅަށް އިންޑިއާ އިން ދެ ވަނަ ހާފުގައި ކުޅުނެވެ. އެ ގޮތުން، އެ ޓީމުގެ ވިޝާލް ޔާދަވް އާއި އެމްޑީ އަރްބާޝް އަދި ރޯހެން ސިންގް، ރަނގަޅު ބޯޅަތަކެއް ކުރިއަށް ކުޅެ، ފުރުސަތުތަކެއް ހޯދި އެވެ. އެ ގޮތުން، އޭރިއާތެރެއިން ވިޝާލް އަށް ލިބުނު ފުރުސަތުގައި ފޮނުވާލި ބޯޅައެއް ދިޔައީ އަރިމަތިން ބޭރުންނެވެ.  

ބަންގްލަދޭޝްގެ ކުޅުންތެރިން މެޗުން މޮޅުވުމަށް ފަހު އުފާފާޅުކުރަނީ.---- ފޮޓޯ: ރާއިފް ޔޫސުފް / އަދަދު ސްޕޯޓްސް
ބަންގްލަދޭޝްގެ ކުޅުންތެރިން މެޗުން މޮޅުވުމަށް ފަހު އުފާފާޅުކުރަނީ.---- ފޮޓޯ: ރާއިފް ޔޫސުފް / އަދަދު ސްޕޯޓްސް

މެޗުގެ އިތުރު ވަގުތުގެ ތެރޭގައި، އިންޑިއާގެ ޑިފެންސް ފަހަތުން ބަންގްލަދޭޝްގެ ސުލިވަން އަށް ލިބުނު ބޯޅަ އަށް ދުވެފައި ރަނގަޅު ތަނަށް އެރި ނަމަވެސް ގޯލަށް ބޯޅަ ފޮނުވާލެވޭ ގޮތެއްނުވި އެވެ. ސުލިވަން އަށް ފޮނުވާނުލެވުނީ އިންޑިއާގެ ކީޕަރު، ސޫރަޖް ރަނގަޅު ތަނަށް ނުކުތުމުންނެވެ. 

މެޗުގެ ފުރިހަމަ ވަގުތު ހަމަވިއިރު، ދެ ޓީމަށް ވެސް ލަނޑެއް ނުޖެހި އެއްވަރުވުމުން ނަތީޖާ ނެރެން ވަނީ ޕެނަލްޓީ އަށް ގޮސްފަ އެވެ. 

އިންޑިއާ އިން ފުރަތަމަ ޕެނަލްޓީ ނިންތޮކުމްޖަމް ފޮނުވާލިއިރު، ބަންގްލަދޭޝްގެ ކީޕަރު އިސްމާއިލް ހުސެއިން މަތަކުރި އެވެ.  ބަންގްލަދޭޝްގެ ފުރަތަމަ ޕެނަލްޓީ މުރްސިދު އަލީ ވަނީ ކާމިޔާބުކޮށްފަ އެވެ. އިންޑިއާ އިން ދެ ވަނަ ޕެނަލްޓީ ފޮނުވާލި އަރްބާޝް ޕެނަލްޓީ ވައްދާލި އެވެ. ބަންގްލަދޭޝް އިން ދެ ވަނަ ޕެނަލްޓީ ފޮނުވާލި ޗަންދަން ރޯއި ވަނީ ގޯލަށް ފޮނުވާލައިފަ އެވެ. އިންޑިއާގެ ތިން ވަނަ ޕެނަލްޓީ އަހޯންގްޝަމްބަމް ވަނީ ކާމިޔާބުކޮށްފަ އެވެ. ބަންގްލަދޭޝްގެ ތިން ވަނަ ޕެނަލްޓީ ޔޫސުފް އަލީ ވަނީ ކާމިޔާބުކޮށްފަ އެވެ. އިންޑިއާގެ ހަތަރު ވަނަ ޕެނަލްޓީ، ވިޝާލް ވަނީ ކާމިޔާބުކޮށްފަ އެެވެ.

ބަންގްލަދޭޝްގެ ހަތަރު ވަނަ ޕެނަލްޓީ، ފޮނުވާލުމުގެ ކުރިން، އިންޑިއާގެ ކީޕަރު، ސޫރަޖް އަށް އަނިޔާވެގެން، އޭނާ އަށް ފަރުވާ ދޭން ޖެހުނުއިރު، އެ ޓީމުގެ ބަދަލު ކީޕަރު، އަލްސަބިތު ސުލައިމާން ހުރީ ބަދަަލަކަށް ކުޅެން އަރަން ތައްޔާރަށެވެ. އެކަމަކު، އެ ބަދަލުގެންނަން ފުރުސަތު ނުލިބުނެވެ. ސޫރަޖަށް ފަރުވާ ދޭން ވަގުތު ކޮޅެއް ނެގުމަށް ފަހު، ބަންގްލަދޭޝްގެ ހަތަރު ވަނަ ޕެނަލްޓީ ސަމުއެލް ރަކްސަމް ފޮނުވާލިއިރު، އަމާޒުވީ ހުރަސްދަނޑިއަށެވެ. އެއާ އެކު، އިންޑިއާގެ ފަސް ވަނަ ޕެނަލްޓީ ފޮނުވާލައި އެއްވަރުކުރަން ދިޔަ ދޯދުން އަތުން ޕެނަލްޓީ ނާކާމިޔާބުވެ، ބަންގްލަދޭޝް އަށް ފަސް ވަނަ ޕެނަލްޓީ ވައްދާލައި، ޗެމްޕިއަންކަން ހޯދަން ލިބުނު ފުރުސަތުގައި، ސުލިވަން ޕެނަންކާ އަކުން ގޯލަށް ބޯޅަ ވައްދާލައި ބަންގްލަދޭޝް އަށް ޗެމްޕިއަންކަން ހޯދައިދިނީ އެވެ. 

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox