ރާރާ ޕްރޯ 2026 ޝައުގުވެރި ބަދަލަކާ އެކު

Apr 3, 2026, 5:06 AM
ރާރާ ޕްރޯ 2026 ގެ ޕޯސްޓަރު ދައްކާލަނީ.-- ފޮޓޯ: ވަން ސްޕޯޓްސް

ރާރާ ޕްރޯ 2026 ގެ ޕޯސްޓަރު ދައްކާލަނީ.-- ފޮޓޯ: ވަން ސްޕޯޓްސް

މިދިޔަ އަހަރު ކ. ދިއްފުށީގައި ކުރިއަށްގެންދިޔަ، ރާރާ ޕްރޯ، ކައިޓް ސާފިންގެ ބޮޑު އިވެންޓް، ޝައުގުވެރި ބަދަލަކާ އެކު މި އަހަރު ވެސް ބޭއްވުމަށް އިއުލާނުކޮށްފި އެވެ.

މި ފަހަރުގެ ރާރާ ޕްރޯ އިވެންޓް އޮތީ ޖޫން 1-6 އަށް، ކ. ދިއްފުށީގަ އެވެ. މި ފަހަރުގެ އިވެންޓްގައި، މުޅިން އާ ދެ ޑިސިޕްލިން އެއް ހިމެނޭނެ ކަމަށް އިވެންޓް އޮގަނައިޒަރު، އައިކޯނިކް އިވެންޓްސް އިން ވަނީ ހާމަކޮށްފަަ އެވެ.

މިދިޔަ އަހަރު ވަރަށް ފޯރިގަދަކޮށް ކުރިއަށްދިޔަ ރާރާ ޕްރޯ އިވެންޓްގައި،  20 އެތުލީޓުންގެ ކުޅަދާނަ، ކައިޓް ސާފިންގެ ހުނަރުތައް ފެނިގެންދިޔައިރު، މުބާރާތް ކާމިޔާބުކުރީ  ބ. ގޮއިދޫ ހަސަން މާހިރު (ހަންޓޭ) އެވެ.

ރާއްޖޭގެ ކައިޓް ސާފަރުންނަށް ވާދަވެރި  މާހައުލެއްގައި މުބާރާތެއްގައި ވާދަކުރުމުގެ ފުރުސަތު ރާރާ ޕްރޯ އިވެންޓުން ފަހިކޮށްދީފައިވާއިރު، މި ފަހަރުގެ އިވެންޓްގައި މުޅިން އަލަށް ހިމެނޭ ދެ ޑިސިޕްލިން އަކީ، މުޅިން އަލަށް ފަށާ ފްރީސްޓައިލް ކައިޓް ބޯޑިންގެ އިތުރުން، ޓްވިން-ޓިޕް ސެލޮމް ރޭސިން އެވެ.

އައިކޯނިކް އިވެންޓްސްއިން އިންތިޒާމުކޮށްގެން ބާއްވާ ރާ ޕްރޯގެ އެންމެ ބޮޑު ފޯކަސްއަކީ ބައިނަލްއަގުވާމީ އޯޑިއަންސަކަށް ރާއްޖޭގެ މަގުބޫލުކަން އިތުރުކޮށް، ކައިޓްސާފިންގެ މަންޒިލެއްގެ ގޮތުގައި ދުނިޔެއަށް ރާއްޖޭ އިޝްތިހާރު ކުރުމާއި، ސްޕޯޓްސް ޓޫރިޒަމަށް ފުރުސަތު ފަހިކުރުމެވެ. އޭގެ އިތުރުންވެސް ކައިޓްސާފިން އިތުރަށް ކުރިއަރުވައި، ލޯކަލް ޓޫރިޒަމަށް ކުރިއެރުންތައް ހޯދުންވެސް އެއީ އިވެންޓްގެ އެއް މަގުސަދެވެ.

މި ފަަހަރު ރާރާ ޕްރޯ އިވެންޓްގެ އެމްބެސެޑަރެއްގެ ގޮތުގައި ހަމަޖައްސާފައިވަނީ، ހދ. ވައިކަރަދޫގެ ވިސާމް މުހައްމަދު (ތޮއްތޮ) އެވެ. ތޮއްތޮ އަކީ މިދިޔަ އަހަރުގެ ރާރާ ޕްރޯ އިވެންޓްގެ ތިން ވަނަ އެވެ. ތޮއްތޮ ވަނީ މި ފަހަރުގެ މުބާރާތުގައި ވެސް ޕޯޑިއަމް ފިނިޝްއެއް ހާސިލްކުރުމުގެ އަމާޒުގައި ހުރި ކަމަށް ބުނެފަ އެވެ. 

އިވެންޓްގެ ފަރާތުން ވާހަކަ ދައްކަމުން، ހަސަން ރަޝީދު (ރަޝް) ބުނީ، އާ ޑިސިޕްލިންތަކާ އެކު އިތުރަށް މުބާރާތް ފޯރިގަދަވެ، ޝައުގުވެރިވެގެންދާނެ ކަމަށެވެ. ރޭސް ކޮމިޓީ އޮފިޝަލް، މުހައްމަދު އަބްދުލް ރަހްމާން (މޯޑު) ވަނީ ރާރާ ޕްރޯ ޑިވެލޮޕްވަމުން އަންނަ ގޮތުން މި އިވެންޓް ކައިޓް ސާފަރުންނަށް މުހިންމުކަން ވަރަށް ބޮޑަށް އެނގިގެންދާ ކަމަށެވެ. 

ރާރާ ޕްރޯ އިވެންޓުގެ ސަބަބުން، ރާއްޖޭގެ ސްޕޯޓްސް ޓޫރިޒަމް އަށް ވެސް ފައިދާތަކެއްކުރާނެ ކަމަށް މި އިވެންޓް އިންތިޒާމްކުރާ ފަރާތްތަކާއި އެތުލީޓުން ގަބޫލުކުރެ އެވެ. 

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox