ކޮންމެ ރޯދަމަހަކާ ދިމާކޮށް ހުޅުމާލެ ޔޫތް މޫވްމަންޓް (އެޗްވައިއެމް) އިން ކުރިއަށް ގެންދާ "އެޗްވައިއެމް ރަމަލާން ޔުނިޓީ ފުޓްސަލް ޗެލެންޖު" އަށް ޓީމާއެކު ރޭ ފަށައިފި އެވެ.
ހުޅުމާލެ ރެހެންދި އެއް ނަމްބަރު ފުޓްސަލް ދަނޑުގައި ކުޅޭ މި މުބާރާތުގައި ރޭ ވޮލްފް ގޭންގް އާއި ޓްރީ ޓޮޕް ހޮސްޕިޓަލް ބައްދަލުކުރި މެޗު 3-3 ގެ ނަތީޖާއަކުން ވަނީ އެއްވަރު ވެފަ އެވެ. މި މެޗުގައި ފުރަތަމަ ތިން ލަނޑު ޖަހާ ލީޑު ނެގީ ޓްރީ ޓޮޕުންނެވެ. އެ ޓީމުގެ އަބްދުالله ވިސާމް ދެ ގޯލު ޖެހިއިރު, އިބްރާހީމް ހައިޝަމް ވަނީ ގޯލެއް ޖަހާފަ އެވެ.
ވޮލްފް ގޭންގްގެ ގޯލުތައް ޖަހާދިނީ ހުސެއިން ޒާހިރު, އަހުމަދު ރަނީން އަދި އަބްދުالله އަރީފް އެވެ.
ދެވަަނަ މެޗުގައި ހުޅުމާލެ ހޮސްޕިޓަލުން ވަނީ ފެނޯމެނަލްސްގެ މައްޗަށް 2-1 ގެ ނަތީޖާއަކުން ކުރިހޯދާފަ އެވެ.
މި މެޗުގެ ފުރަތަމަ ހާފުގައި ހުޅުމާލެ ހޮސްޕިޓަލަށް ލީޑު ނަގާދިނީ އަލީ ޝާޒް ހިލްމީ ޖެހި ގޯލުންނެވެ. އެކަމަކު ދެވަނަ ހާފުގެ ވަރަށް ކުރީކޮޅު ފެނޯމެނަލްސްގެ ހުސެއިން ޝިފާޒް ގޯލު ޖަހާ އެ ޓީމަށް ނަތީޖާ ހަމަހަމަކޮށްދިނެވެ. އެކަމަކު އޭގެ އިރުކޮޅެއް ފަހުން ހުޅުމާލެ ހޮސްޕިޓަލުގެ އަބްދުالله ނާސިފް ގޯލު ޖަހާ އަލުން އެ ޓީމަށް ލީޑު ނަގާދިނެވެ.
ދެ ގްރޫޕަކަށް ބަހާލައިގެން ކުޅޭ މި މުބާރާތުގެ ގްރޫޕް އޭގައި ހިމެނެނީ ޓްރީޓޮޕް ހޮސްޕިޓަލް, ވޮލްފް ގޭންގް, ޓީމް އެފްއެފް, އެޗްވައިއެމް ވެޓެރެންސް އެވެ. ގްރޫޕް ބީގެ ޓީމު ތަކަކީ, ހުޅުމާލެ ހޮސްޕިޓަލް, ފެނޯމިނަލްސް, ބްލެކް ފްލޭޝް އަދި ބުލް ޝާކް އެވެ.
މި މުބާރާތުގެ ފައިނަލް މެޗު ކުޅޭނީ މި މަހު 21 ގަ އެވެ.
