ކޮންމެ ހަމަލާއަކަށް ފަސްޖެހުމެއް ނެތި ރައްދު ދޭނަން: ވަލީ އަހުދު
ސައުދީ އަރަބިއްޔާގެ ސަލާމަތަށް ނުރައްކާވާ ފަދަ ކޮންމެ ހަމަލާއަކަށް ފަސްޖެހުމެއް ނެތި ސާބިތުކަމާއެކު ރައްދުދޭނެ ކަމަށް އެގައުމުގެ ވަލީއަހުދު މުހައްމަދު ބިން ސަލްމާން ވިދާޅުވެއްޖެއެވެ. ވަލީއަހުދު ވަނީ ހޫތީންގެ ހަމަލާތައް ކުށްވެރިކުރައްވައި، ސަރަހައްދީ ހަމަޖެހުމާއި ކަނޑުދަތުރުފަތުރުގެ ރައްކާތެރިކަން ކަށަވަރުކުރުމަށް ބައިނަލްއަގުވާމީ ފެންވަރުގައި މަސައްކަތް ކުރައްވާނެ ކަމުގެ ޔަގީންކަން ދެއްވާފައެވެ.
