ގްރޭޓާ މާލޭ ޓްރާންސްޕޯޓު މޮބިލިޓީ އޮފީސް ހިންގުން މާނިއުއަށް
މާލެ ސަރަހައްދުގެ ޓްރެފިކް މައްސަލަ ހައްލުކުރުމަށް އަލަށް އުފެއްދި "ގްރޭޓާ މާލެ ޓްރާންސްޕޯޓް އެންޑް މޮބިލިޓީ އޮފީސް" ގެ ވެރިޔަކަށް ޔޫސުފް މާނިއު އައްޔަންކޮށްފިއެވެ. މި އޮފީހުގެ މައިގަނޑު މަސްއޫލިއްޔަތަކީ މާލެ ސަރަހައްދަށް އުޅަނދު ރަޖިސްޓްރީކުރާނެ ކޯޓާ ސިސްޓަމެއް ތައާރަފުކުރުމާއި، މަގުތައް ރިސްޓްރަކްޗާ ކުރުމުގެ މޮބިލިޓީ ރިފޯމް ޕްލޭނެއް އެކުލަވާލުމެވެ. ތިން އަހަރުގެ މުއްދަތަށް އުފެއްދި މި އޮފީހުން މާލެ ސަރަހައްދުގައި އެންމެ ގިނައިން ރަޖިސްޓްރީ ކުރެވޭނެ އުޅަނދުގެ އަދަދުވެސް ކަނޑައަޅާނެއެވެ.
