މާލޭގެ ގެއެއްގައި އަލިފާން ރޯވެއްޖެ އެވެ.

އެމްއެންޑީއެފްއިން ބުނި ގޮތުގައި އަލިފާން ރޯވެ އަނދަމުން ދަނީ މއ. ސިޓީވިލާ ގޭގަ އެވެ.

"[އެގޭގައި] އަލިފާން ރޯވެގެން އެމްއެންޑީއެފް ފަޔަރ އެންޑް ރެސްކިޔު ސަރވިސްއިން ހަރަކާތްތެރިވާން ފަށައިފި. މި ހާދިސާގެ ރިޕޯޓް ލިބިފައިވަނީ ދަންވަރު 03:06 ހާއިރު،" އެމްއެންޑީއެފްއިން އެކްސްގައި ކުރި ޕޯސްޓެއްގައިވެ އެވެ.

މި ހާދިސާގައި އެއްވެސް މީހަކަށް އަނިޔާއެއް ލިބުނުކަމުގެ ރިޕޯޓެއް އަދި ލިބިފައެއް ނުވެއެވެ. އަދި އަލިފާން ރޯވާން މެދުވެރިވި ސަަބަބެއް ވެސް ކަމާބެހޭ އިދާރާތަކުން ހާމައެއް ނުކުރެ އެވެ.