43 ވަނަ ބަޔާ ގުޅޭ

"އައިމް ސޮރީ އައި ވޯޒް ޖަސްޓް ލީވިންގް.." މަލަކް އޭނާއާ ހަތަރުކަޅި ހަމަކޮށްލައިގެންހުރެ ދިމާލަށް އަންނަން ފެށުމާއެކު ޝާވިންއަށް ތެޅިގަނެވުނެވެ.

"ނޯ.. ސްޓޭ.." މަލަކް ކުޑަކުޑަކޮށް އަތް ދަމައިލަމުން ބުންޏެވެ. އެ އަޑަށް ޝާވިން ހިމޭންވި އެވެ. އޭނާއަށް އެ އަޑު އިވުނީ ރަނގަޅަށް ކަމާމެދު ސުވާލު އުފެދިފައި ހުއްޓައި މަލަކް އައިސް އޭނާގެ ކުރިމައްޗަށް ހުއްޓުނެވެ.

"ޝާވިން.. ޝޯން.. އައި.. އައިމް ރިއަލީ ސޮރީ" މަލަކްއަށް އިސްޖަހައިލެވުނެވެ.

"ނޯ.. ނޯ އިޓްސް.. އަހަރެންނަށް އެހެން މަގަކުންވެސް މަލް ގޮވައިގެން އާދެވުނީސް.. އަހަރެންނަށް ނޭނގުނީ.. އައި ޑިޑިންޓް މީން ޓު-"

"ޝޯން ޕްލީޒް ޑޯންޓް ފީލް ގިލްޓީ" މަލަކް ކުއްލިއަކަށް އިސް އުފުލައިލަމުން ޝާވިންއާ ހަތަރުކަޅި ހަމަކޮށްލި އެވެ. ޝާވިންގެ ވާހަކައާ ދެބަސްވުމުގެ ގޮތުން ބޯ ހޫރައިލަމުން އޭނާއަށް ޝާވިންގެ އަނގަމަތީގައި އަތް އެޅުނީ ބޭ އިޙްތިޔާރުގަ އެވެ. ހަމަ އެހާމެ އަވަހަށް އޭނާއަށް އެ އަތް ތިރިކޮށްލެވުނެވެ. އޭރު ޝާވިންއަށް ހުރެވުނީ ދައްކަމުންދިޔަ ވާހަކަ ހަނދާން ނެތުނު ތާނގައި އެތެރެއަށް ދަމައިލި ނޭވާވެސް ބޭރަށް ދޫކޮށްލަން ހަނދާން ނެތިފަ އެވެ. މަލަކްގެ މަޑުމަޑު އަތްތިލަ އެ ތުންފަތާ ވަކިވެ ދިޔުމަށް ފަހުގައިވެސް އޭގެ އަސަރަކާ ވަތްކެއް ނުވެވުނެވެ. ކުޑަކޮށް ދޫ ނެރެލައި ދެ ތުންފަތް ތެންމައިލުމަށްފަހު މަލަކްއާ ދުރަށް ނަޒަރު ހުއްޓައިލި އެވެ. އޭނާއަށް އަލުން މަލަކްއާ ހަތަރުކަޅި ހަމަކޮށްލަން މަޖުބޫރުވީ މަލަކް އަނެއްކާވެސް ވާހަކަދައްކަން ފެށުމުންނެވެ.

"ޝޯންގެ ކުށެއް ނެތް. މަލްއަށް ގޯސް މާނައެއް ނެގޭކަހަލަ އެއްވެސް ކަމެއް ޝޯން ނުކުރެއޭ" މަލަކްގެ ދެލޮލަށް ޖަމާވަމުންދިޔަ ކަރުނައިގެ މުތީތަކާއި، އެ އަޑުގައިވާ މަޑު ތުރުތުރުލުމުން ހީވަނީ ދެންމެދެންމެ ރޮއެގެންފާނެ ހެނެވެ. އެކަން ފޮރުވުމަށްޓަކައި އިސްޖަހައިލި ނަމަވެސް ޝާވިންއަކަށް އެކަން ސިއްރެއްނުވި އެވެ. ޓީވީން އެޅިފައިވާ ފަނޑު އަލީގެ ތެރޭގައިވެސް އޭނާ މަލަކްގެ މޫނުމަތީގައިވި ކޮންމެ ކުލައެއް ދެނެގަތެވެ. "އިޓްސް.. އިޓްސް އޯލް އިން މައި ހެޑް.. އައިމް ސޯ ސޮރީ ފޯ ބީއިންގް ދިސް ޕެތެޓިކް އެންޑް-"

"ޝްޝްޝް. ހޭއި ސްޓޮޕް އިޓް" ޝާވިންއަށް މަލަކްގެ މޫނާ ހަމައަށް ދެއަތް ހިއްލައިލެވުނީ އެ މޫނުގައި ހިފައި މަލަކްގެ އިސް އުފުލައިލުމުގެ ނިޔަތުގަ އެވެ. އެހެނަސް މަލަކްގެ މޫނާ އިންޗިއެއް ހާތަން ގާތަށް އަތް ގެންދެވިފައި ވަނިކޮށް ހިތުގައި އުފެދިގަތީ ޖެހިލުންވުމެކެވެ. "އިޓްސް އޯކޭ.. މަލް ތަހައްމަލު ކުރީކީ އާދައިގެ ކަމެއް ނޫން." އޭނާ ހިންދިރުވައިލަމުން ދެއަތް ތިރިކޮށްލި އެވެ.

މަލަކްއަށް ސުވާލު އުފެދިފައި ޝާވިންއަށް ބަލައިލެވުނެވެ. އެއާއެކު ޝާވިން އަލުން ސޯފާގައި އިށީނދެލަމުން އޭނާއާ ޖެހިގެންހުރި ޖާގައަށް އިޝާރާތްކޮށްލި އެވެ.

"މިއީ.. އަމް.. މަލް.. މަލް ރޭގަ. އިވާންއާ ދެއްކި ވާހަކަ އަހަރެންނަށް ކޮންމެވެސް ވަރަކަށް އިވުނު. އަހާކަށް ނޫން ހުރީ އެކަމަކު" މަލަކް ކައިރީގައި އިށީނދެލުމާއެކު ޝާވިން ބުންޏެވެ. މަލަކް ހުންނާނީ އޭނާ އެވާހަކަތައް އަޑު އެހީތީ ހިތްހަމަނުޖެހިފައި ކަމަށް ހީކުރެވުނެވެ. ނަމަވެސް މަލަކްގެ ތުންފަތަށް ވެރިވި ފަނޑު ހިނިތުންވުން ބުނެދިނީ އެއީ ކުށްހީއެއް ކަމަށެވެ.

"މަލް.. އަހަރެންނަކަށް ނޭނގެ މަލްއަށް މިކަން ސާބިތު ކޮށްދޭނެ ގޮތެއް.. އެކަމަކު އަހަރެންގެ ފަރާތަކުން މަލްއަކަށް ދުވަހަކުވެސް.. އެކަހަލަ ނުރައްކަލެއް ނާންނާނެ. ޔޫ މިސްއަންޑަރސްޓޭންޑިންގް އެނީ ސިޗުއޭޝަން އިޒް ބިޔޯންޑް މައި ކޮންޓްރޯލް ބަޓް އައި އެޝުއަރ ޔޫ.. އޭޒް ލޯންގް އޭޒް ޔޫ އަރ ވިތް މީ.. ޔޫ އަރ ސޭފް" ޝާވިން ޔަގީންކަން ދިނެވެ.

"އެނގެޔޭ ތިކަން. އެކަމަކުވެސް.. މިސްއަންޑަރސްޓޭންޑް ވަނީ.. އައިމް ސޮރީ.. ރޭގަވެސް.. މަލްއަކަށް ނޭނގުނު އެތާ ހުރީ ޝޯންކަމެއް.. ހޫ އައި ސޯ ވޯޒް.. އަ ސްޓްރޭންޖަރ.. އަނަދަރ ފޭސް.. މަލްގެ ކޮންޑިޝަނާހުރެ.. އެކްސްޕްރެޝަން ރީޑް ކުރާކަށް ނޭނގުނު. އައި ވޯޒް ބީއިންގް ޑެލިއުޝަނަލް.. ދަ ހެލިއުސިނޭޝަންސް.. އިޓް އޯލް ފެލްޓް ސޯ ރިއަލް.. އައި ފެލްޓް ސޯ ހެލްޕްލެސް" މަލަކް ވާހަކައިގެ ތެރެއިން ޝާވިންއަށް ބަލައިލިއިރު ޝާވިންގެ ދެބުމަ ވަނީ ގޮށް ޖެހިފަ އެވެ. މަލަކް ދައްކަމުން ދިޔައީ އޭނާއާ މުޅީން ބީރައްޓެހި ވާހަކަ ތަކެކެވެ. "އައި.. އަމް.. އައި ހޭވް ސްކިޓްޒަފްރީނިއާ" މަލަކް އިތުރަށް އޭނާ ދައްކަމުންދިޔަ ވާހަކަ ޝާވިންއަށް ތިލަ ކޮށްލައި ދިނެވެ. ނަމަވެސް ޝާވިންއަކަށް މިފަހަރުވެސް މަލަކްގެ ވާހަކަ ނަގައެއް ނުގަނެވުނެވެ.

"އަމްމް" ޝާވިންއަށް ކުށްވެރިއަކު ފަދައިން ބޯ ކަހައިލެވުނެވެ. މަލަކްގެ އެބުނާ ބައްޔާ ގުޅޭ އެއްވެސް މައުލޫމާތެއް އޭނާއަކަށް ލިބިފައެއް ނެތެވެ.

"އަހަހަ. އިޓްސް އޯކޭ" މަލަކް އެކަން މާބޮޑު ކަމަކަށް ނެހެދި އެވެ. ފޯނު ނަގައި އިންޓަރނެޓުން އެ ބަލި ހޯދައިލުމަށްފަހު ޝާވިންއަށް ދައްކައިލި އެވެ.

ޝާވިން މަޑުމަޑުން މަލަކް ދިން ފޯނުގައި ހިފަހައްޓައިލައިގެން އިނދެ އޭގައިވާ މައުލޫމާތުތައް ކިޔަންފެށި އެވެ. އެއާމެދު ޝައުގުވެރިކަން އުފެދުނު ވަރުން ވަކި ހިސާބަކުން މަލަކް އަތުން އެ ފޯނު އެކީ އަތުލައި އިތުރު މައުލޫމާތުތައްވެސް ހޯދަން ފެށި އެވެ. އޭނާއަށް ދަސްވަމުންދިޔަ ކޮންމެ ކަމެއް މަލަކްގެ އަމަލުތައް ރޭގަ ހުރިގޮތާ ގުޅުވެމުން ދިޔަ އެވެ. ޝާވިންގެ ހިތް މަޑުވި އެވެ. މަލަކްއާމެދު ހިތުގައި ރަހުމާއި ކަންބޮޑުވުން އުފެދި، އެ ކަންބޮޑުވުން އޭނާގެ މޫނުމައްޗަށްވެސް ފާއްދައިލައިފި އެވެ. ޝައުގުވެރިކަމާއެކު މަލަކްއާ އެކި ސުވާލު ކުރަމުންދިޔަ އިރު މަލަކް ދިޔައީ ފޫހިކަމެއްނެތި އެއިން ކޮންމެ ސުވާލަކަށް ޖަވާބު ދެމުންނެވެ. ވަކި ހިސާބުން ޝާވިންއަށް މުޅިން ބަސް ހުއްޓި ފޯނަށް ބަލަހައްޓައިގެން އިނދެވުނީ އެވެ.

"ޝޯން؟ ރުޅި އައީތަ؟" މަލަކް ތެޅިތެޅި އޮތް ހިތަކާއެކު އަހައިލި އެވެ.

"ނޯ އައިމް ޝޮކްޑް.. ކޮންސަރންޑް.. ވައި ވުޑް ޔޫ ތިންކް އައިމް އެންގް- އޯހް.. ސޮރީ" ޝާވިންއަށް ކުރެވެން އުޅުނު ސުވާލު ރޭކައިލުމާއެކު އަވަސްއަވަހަށް މަޢާފަށް އެދުނެވެ. މަލަކްގެ ހާލަތު މިހާ އަވަހަށް ހަނދާނުން ކައްސައިލީތީ ހިތާހިތުން އަމިއްލަ ނަފްސަށް އަޑުލައިގަންނަމުން ބޯ ހޫރައިލި އެވެ. "މިހެން އަދި މިކަމެއް ނުވާނެ" އޭނާ ބުންޏެވެ.

"ތި ބުނީ؟" މަލަކްގެ ސިކުނޑީގައި ސުވާލުމާކު ޖެހުނެވެ.

"ދެންމެވެސް މަލްއަށް ތި ހީވީ އަހަރެން ހުރީ ރުޅި އައިސްފައޭ. އަހަރެން އުފާވެފަ ހުއްޓަސް މަލްއަށް ހީވެދާނެ އަހަރެން ހުރީ ރުޅި އައިސްފައޭ. ކޮންމެވެސް ގޮތެއް ހޯދަން ޖެހެއެއްނު އެބަ" ޝާވިން ބުންޏެވެ.

"މަލްއަށް އެނގޭނެއޭ ތިގޮތަށް ބުނެދިނީމަ. އެކަމަކު ކޮންމެ ފަހަރަކު އެގޮތަށް އަހަންވީމަ.." މަލަކްގެ އަޑުން މާޔޫސްކަން ފާޅުވި އެވެ.

"ހްމްމްމް. ޓެކްސްޓް ކުރީމަ ފަސޭހަތަ؟ ފޭސް ޓު ފޭސް ޓޯކް ކުރުމަށްވުރެ؟ ވަޓް އަބައުޓް ކަލަރސް.. ދެންމެ ކިޔާލިއިރު ބައެއް ކޭސްތަކުގަ ކުލަ ވަކިކުރަންވެސް އުނދަގޫވާ ވާހަކަ ހުރި ދޯ. މަލްއަށް އެހެން ވޭތަ؟" ޝާވިން އިރުކޮޅަކު ވިސްނައިލުމަށްފަހު އަހައިލި އެވެ.

"ކަލަރޒް؟ މަލްއަކަށް އަދި ނޯޓިސްއެއް ނުވޭ. ހުރިހާ ކުލައެއްވެސް ރީތިކޮށް ފެނޭ. ކިހިނެއްވީ؟" މަލަކްވެސް ވިސްނައިލަމުން ޖަވާބު ދިނެވެ.

"އެހެންވީމަ މީގެ ފަހުން އަހަރެން މަލްއާ ވާހަކަދައްކާނީ ކުލައިން. މަލްއަށް އަހަރެން ރީޑް ކުރަން އުނދަގޫ ކޮންމެ ހާލަތެއްގަ ޖަސްޓް ލުކް އެޓް ދިސް ފޯން. އޭރުން މަލް ނުޖެހޭނެއެއްނު ކޮންމެ ފަހަރަކު އަހަރެންގާތު އެވަގުތެއްގަ ފީލްވާ ގޮތް އެހެން އަހާކަށް ދޯ؟" ޝާވިންގެ އަތުގައި އޮތް މަލަކްގެ ފޯނުން މެސެޖުބަޔަށް ވަދެ އަމިއްލަ ނަންބަރު ނޯޓުކޮށްލި އެވެ. "ކޮބާ މަލްގެ ފޭވްރިޓް ކުލައަކީ؟" އޭނާ އަހައިލި އެވެ.

"ވައިޓް" މަލަކް ޖަވާބުދޭކަށް ސިކުންތެއްވެސް ނުނެގި އެވެ.

"އޯކޭ. ސޯ ވައިޓް އިޒް ފޯރ ހެޕިނެސް.. މީގެ ފަހުން އަހަރެން މަލްއާ ވާހަކަދައްކާއިރު އުފާވެފަ ހުރިއްޔާ ކޮންވަރޒޭޝަން ފަށަމުން އަބަދުވެސް މި ވައިޓް ހާރޓް ފޮނުވާނަން. އޯކޭ؟" ޝާވިން އެހެން ބުނެލުމަށްފަހު ދެން ފޯނުގައި ޓައިޕްކޮށްލީ ކަޅު ކުލައިގެ ހިތެކެވެ. "ކޭން ޔޫ ގެސް؟"

"ވައިޓް... ހެޕިނެސް... ސޯ.. ބްލެކް.. ސޭޑްނެސް" މަލަކް ވިސްނައިލަމުން ބުންޏެވެ.

"ކަރެކްޓް. ގްރީން.. ދަ ކަލަރ އޮފް އެންވީ ސޯ ދެޓްސް އޭންގަރ.. އޮރެންޖް ފޯރ ފިޔަރ.. ޕަރޕްލް އިޒް ފޯރ ވޮރީ.. ބްލޫ އިފް ޓަޔަޑް. އޯކޭ؟ ހަނދާން ހުންނާނެ؟" ފޯނުގައި ފަހަރަކު ހިތެއް ޓައިޕް ކުރަމުން ޝާވިން ކިޔައިދިނެވެ.

"ޔެސް! އިޓްސް ޖަސްޓް ލައިކް އަ ގޭމް!" މަލަކް އުފާވެލާފައި ބުންޏެވެ.

"ޔެސް ޖަސްޓް ލައިކް އަ ގޭމް!" އެ ހިނިތުންވުމެއް ދެވަނަ ފަހަރަށް ދެކިލުމަށްޓަކައި ކެތްމަދުވެފައިވި މަލަކްގެ ހިނިތުންވުން ފެނިލުމާއެކު ޝާވިންގެ މޫނުވެސް އުޖާލާވި އެވެ. ލިބުނު ހިތްހަމަޖެހުމުގައި މަލަކްގެ މޫނަށް ގެއްލިފައި އިނދެވެނިކޮށް އޭނާ ސިއްސައިގެން ދިޔައީ މަލަކް ވާހަކަ ދައްކަން ފެށުމުންނެވެ.

"ވަރަށް ހިތްހަމަޖެހިއްޖެ.. ޝޯންއާ ދޭތެރޭގަ އެގޮތަށް ކަންތައް ކުރެވުނީމަ ބޭނުންވި ޝޯންއަށްވެސް އެކަމުގެ ސަބަބު އެނގެން. މުޅި ދުވަހު މި ވިސްނީ.. ކިޔައިދޭނެ ގޮތެއް. އެންމެފަހުން ނުނިދިގެން ތިރިއަށް މި ފޭބީވެސް" މަލަކް ބުންޏެވެ.

"އަހަހަހަ އެހެންތަ؟ އެހެންވިއްޔާ ދެން ދޭ އަވަހަށް ނިދާލަން.. އަހަރެންވެސް ދެން ދާނީ" ޝާވިން ލަސްނުކޮށް އޭނާގެ އަތުގައި އޮތް ފޯނު މަލަކްއަށް ރައްދު ކޮށްދިނެވެ. އޭނާ މަލަކްއާ ރޭގަނޑުގެ ސަލާން ކޮށްލުމަށްފަހު ސޯފާއިން ތެދުވެލި ތަނާހެން މަލަކް އޭނާގެ ގަމީހުގެ ފަސްބައިގައި ހިފެހެއްޓި އެވެ. އެއާއެކު ޝާވިން މަލަކްއަށް ބަލައިލަމުން ބުމަ އަރުވައިލި އެވެ.

"މި ގަޑީގަ އެކަނިތަ ގެއަށް ދަނީ؟" މަލަކްއަށް އަވަސް އަވަހަށް ޝާވިންގެ ގަމީހުން ދޫކޮށްލި އެވެ. ޝާވިން އެކަމަށް މާ ބޮޑު ސަމާލުކަމެއް ނުދީ މަލަކްގެ ސުވާލަށް ބޯ ޖަހައިލީ އެއީ އޭނާއަށް މާ ބޮޑު ކަމެއް ނޫނޭ ބުނާ ބީދައިންނެވެ.

"ނިދި އައީތަ؟ މަލް އަދިވެސް ނިންޖެއް ނާދޭ" މަލަކް ހީވަނީ ކޮންމެވެސް އެއްޗެއް ބުނަން ބޭނުންވެ، ބުނަން ނުކެރިގެން އުޅޭ ހެނެވެ. އެކަން ނަގައިގަނެވުމާއެކު ޝާވިން އަނެއްކާވެސް ސޯފާގައި އިށީނދެލި އެވެ.

"އަދި.. ނިންޖެއް ނާދޭ.. ކިހިނެއްވީ؟" ޝާވިން އަހައިލި އެވެ.

"މެޗް؟" މަލަކް އެއްފަހަރު މޭޒުމަތީގައިހުރި ޕްލޭ-ސްޓޭޝަންގެ އަތްގަނޑުތަކަށް އަނެއްފަހަރު ޝާވިންއަށް ބަލައިލަމުން އެއްސެވެ.

"މަލް ކުޅެންތަ؟" ޝާވިންއަށް ލިބުނު ހައިރާން ކަމާއެކުވެސް މަލަކް ބޯ ޖަހައިލުމާއެކު ވަކި އެއްޗެކޭ ނުބުނެ ދެކޮނޑު އަރުވައިލުމަށްފަހު މޭޒުމަތިން އަތްގަނޑު ނަގައި ޕްލޭ-ސްޓޭޝަން ހުޅުވައިލި އެވެ. ބާކީ އޮތް އަތްގަނޑު މަލަކްއަށް ދިއްކޮށްލުމުން މަލަކް އެ ހިފައިގެން އޭނާއާ ޖެހޭ ނުޖެހޭހާ ގާތުގައި ހަމަޖެހިލި އެވެ. ދެމީހުންގެ ކޮނޑު ހިނދުކޮޅަކަށް ބީހިލި ވަގުތު ހަށިގަނޑަށް ފެތުރިގެންދިޔަ ކަރަންޓުގެ އޮއެވަރާއެކު ޝާވިންއަށް ސިހިފައި މަލަކްއަށް ބަލައިލެވުނެވެ. އޭރު މަލަކްގެ ފުރިހަމަ ސަމާލުކަން ދެވިފައިވަނީ ޓީވީއިން އަޅުވާލެވިފައިވާ ގޭމަށެވެ. ޝާވިންވެސް މާ ބޮޑަށް އެ ވެދިޔަ ކަންތަކާ ދޭތެރޭ ނުވިސްނައިވޭތޯ ބަލަމުން ގޭމުގެ ތެރެއަށް ވަދެގަތެވެ.

ވަކި ހިސާބަކުން ޝާވިންގެ ލޮލަށް ނިދި ސަވާރުވާން ފަށައިފި އެވެ. އެވާހަކަ މަލަކްގާތު ބުނާނެ ގޮތެއް ނޭނގިފައި އިންދައި މަޑުމަޑުން ދެލޯ މެރެމުން ދިޔަކަން އިހުސާސް ކުރެވުނެވެ. ދެން ވީގޮތެއް ނޭނގުނެވެ. ލޯ ހުޅުވައިލެވުނީ ކޮންމެވެސް އެއްޗެއް އޭނާގެ ފައިގައި ކޮށްޓަން ފެށިހެން ހީވުމުންނެވެ. ދިއްލާލެވިފައިވާ ލައިޓުތަކުގެ އަލިން އުނދަގޫވެފައި އޮވެ ލޯމައްޗަށް އެއް އަތް ހުރަސްކޮށްލިއިރު އޭނާގެ އަނެއް އަތުގައި އައްސިކަމެއް ހަރުލާފައި ހުއްޓެވެ. ޝާވިން ލޯމަތިން އަތް ދުރުކޮށްލުމަށްފަހު ބަލައިލިއިރު އިވާން އުނަގަނޑުގައި ދެ އަތް އަޅުވާލައިގެން އޭނާއަށް ބަލަން ހުއްޓެވެ. އެހެން ހުރެފައި އިރުއިރުކޮޅާ އޭނާ ހޭލެއްވުމުގެ ނިޔަތުގައި އިވާންގެ ފައިން އޭނާގެ ފައިގައި މަޑުމަޑުން ޖަހައިލަ އެވެ.

"އެހެމް!" އިވާންގެ އަޑަށް ޝާވިން ތެދުވަން މަސައްކަތްކުރި އެވެ. ނަމަވެސް އައްސިވެފައިވާ އަތަށް ބަލައިލެވުނު ހިނދު ފެނުނު މަންޒަރުން އޭނާއަށް ދެލޯ ބޮޑުކޮށްލެވުނެވެ. އިވާން މާވަރަކަށް މި ކަރުކެހެނީ ކީއްވެކަންވެސް ނަގައިގަނެވުނީ އަދި ކިރިޔާ އެވެ.

އާނއެކެވެ. އޭނާގެ ކޮނޑުގައި ބޯ އަޅާލައިގެން މައުސޫމުކަމާއެކު ނިދިފައި އޮތް މަލަކްފެނި ޝާވިން ލައިލައިހުރި ނޭވާ ވައި ނޮޅީގައި ތާށިވެގެންދިޔަ އެވެ. އެ ނޭވާ ދޫކޮށްލަން ނޭނގިފައި އިނދެވެނިކޮށް އިވާން އަނެއްކާވެސް ކަރުކެހިލި އަޑު އިވި ޝާވިންއަށް ކުއްލިއަކަށް މަލަކްގެ ބޯ ދަށުން އަތް ދަމައިގަނެވުނެވެ. އެއާއެކު މަލަކްއަށްވެސް ސިހިފައި ދެލޯ ހުޅުވައިލެވުނެވެ. ގާތުގައި އިން ޝާވިންއާއި، އެމީހުންގެ ކައިރީގައި ހުއްޓިލައިގެންހުރި އިވާން ފެނުމާއެކު އޭނާވެސް ދެލޯ ބޮޑުކޮށްލަމުން އަވަސްއަވަހަށް ސޯފާގައި ރީތިކޮށް އިށީނދެލި އެވެ. އޭރު ޝާވިންއެކޭ އެއްފަދައިން މަލަކްގެ ހިތްވެސް ދިޔައީ ބާރުބާރަށް ތެޅެމުންނެވެ. ދެމީހުންނަށްވެސް ތިބެވުނީ ދެ ކުށްވެރިން ފަދައިން އިސްޖަހައިލި ގޮތަށް އެކަކު އަނެކަކާ ހަތަރުކަޅި ހަމަކޮށްލާންވެސް ނުކެރިފަ އެވެ.

"މަލް.. ދައްތަ ހޭލައިގެން މަލް ހޯދަން އުޅޭނެ. ކޮޓަރިއަށް ދޭ އަވަހަށް" މަލަކް ހީވީ އިވާން ހަމަ އެހެން ނުބުނެގެން އިންހެނެވެ. މޭޒުމަތީގައި ހުރި ލުއިކާނާ ޕެކެޓާއި ފޯނު ހިފައިގެން ދުވެފައިގޮސް ސިޑިން މައްޗަށް އެރި އެވެ. އިވާން ދެން ބަލައިލީ އެތަނުގައި އިން ޝާވިންއަށެވެ. "ނަސީބެއްނު އަހަރެންނަށް ފަތިސް ނަމާދު ކޮށްގެން ނުނިދުނުކަން. އަހަރެންނަށްވުރެ ކުރިން ދައްތައަށް އާދެވުނުނަމަ އޯ" އިވާން މީގެ ކުރިން މަލަކް އިން ޖާގައިގައި އިށީނދެލި އެވެ.

"ނުވެޔޭ އެއްވެސް ކަމެއް.. ބްރޯ ރޭގަ ދިޔަތަނާ މަލް ޕީ.އެސް ކުޅެން އައީ.. ދެން މާ ނިދި އަންނަން ފެށީމަ އައި ފެލް ފޯ ހަރ- އައި މީން.. އައި ފެލް އެސްލީޕް.. ވިތް ހަރ" ޝާވިން ފާޑަކަށް ރަކިވެފައި އިނދެ ބޯ ކަހައިލި އެވެ. އޭރު އިވާން ޝާވިންއާ ދިމާލަށް ބަލަހައްޓައިގެން އިނީ އިތުރު ތަފްސީލު ތަކަކަށް މަޑުކުރާ ފަދައިންނެވެ.

"ދެޓްސް އޯލް! ރިއަލީ!" ޝާވިން ބުންޏެވެ.

"އޯކޭ އޯކޭ! ބުނާ އެއްޗެއް ގަބޫލު ކުރަންތާ ޖެހޭނީ. ވަން ވޭ އޯރ އަނަދަރ ޔޫ ކީޕް ފޯލިންގް ފޯރ ހަރ.. ފޯލިންގް ޑައުން.. ފޯލިންގް އެސްލީޕް" އިވާންގެ އަޑުގައިވި ސީރިއަސްކަން ކެނޑި ސަމާސާގެ އަސަރު ވެރިވި އެވެ.

"ޝަޓަޕް" އިވާންގެ ކޮނޑުގައި އަތްއަޅައި ކޮއްޕައިލުމަށްފަހު ޝާވިން ކޮޅަށް ތެދުވެ މޯޅިއަކަށް ދެމިލި އެވެ. "ދެން ދިޔައީއޭ. މަންމަވެސް ގުޅާފަ އެބަ އޮތް. އޮފީހަށްވެސް ދާންޖެހޭނެ"

ޝާވިން ގޮސް އެގެއިން ނުކުތުމާ ހަމައަށްވެސް އިވާން ޖެއްސުމުގެ ރާގެއްގައި އޭނާއަށް އިވޭވަރަށް އޭތި މީތި ގޮވަމުންދިޔަ އެވެ. އިވާންގެ ބޭނުމަކަށްވީ މަޖަލަކަށް ނަމަވެސް ޝާވިން ރުޅި އަރުވައިލުމެވެ. ނަމަވެސް ޝާވިންގެ މޫނުން ރުޅިވެރިކަމުގެ އެންމެ ރުލެއްވެސް ފެންނާކަށް ނެތެވެ. އޭގެ ބަދަލުގައި، އެ މޫނުމަތިން ފާޅުވާން ހުރީ ހަމަޖެހުމެވެ. ބޯ ހޫރައިލަމުން ސައިކަލަށް އަރައި ގެއާ ދިމާލަށް ދުއްވައިލިއިރު އެ ތުންފަތް ފަނޑު ހިނިތުންވުމަކުން ދެމިލިހެންވެސް ހީވި އެވެ.

***************

ޒެފަންއާ ބައްދަލުކޮށްފައި އައި ދުވަހަށްފަހު އައިލީންއާއެކު އޮތް ގުޅުން މަޑުމަޑުން ރަނގަޅުވަމުން ދާހެން ހީވެ ނަދާލް ހުރީ ނުހަނު ހިތްހަމަޖެހިފަ އެވެ. އެހެނަސް އޭނާގެ ގައިގައިވާ ޒަހަމުތައް ފަސޭހަވެ، ހާލަތު ރަނގަޅުވަމުން ދިޔަވަރަކަށް އައިލީން އޭނައާ ދުރުވަމުން ދާކަން ނަދާލްއަށް ފާހަގަ ކުރެވެން ފެށި އެވެ. އެނގުނީ އައިލީންގެ އެ ގާތްކަމުގެ ފަހަތުގައިވީ ހަމައެކަނި އިންސާނިއްޔަތުކަމާއި އޯގާތެރިކަން ކަމެވެ.

ނަދާލްގެ ހިތް މާޔޫސްވި އެވެ. ގޭގައި އޮތުން ތުރާލަކަށްވެ އޭނާ ބޭރަށް ނުކުތީ ޒެފަންއާ އެންމެ ފަހުން ދެއްކި ވާހަކަ އަދިވެސް ނުނިމި އޮތީތީ އެވެ. މަޑު ދުވެއްޔެއްގައި ކާރު ދުއްވާލާފައިގޮސް ސަފާޔަރގެ މައި ކެމްޕަހުގެ ގޯތި ތެރެއަށް ޕާކު ކޮށްލިތަނާހެން އޮފީހުން އޭނާއަށް ކޯލެއް އަންނަން ފެށި އެވެ. ގުޅަމުންދިޔައީ އޮފީހުގައި ގިނަ ގޮތްގޮތުން އެހީތެރިކަން ފޯރުކޮށްދެމުންދާ އިސް މުވައްޒަފެކެވެ. އެއީ އޭނާ މިފަހުން ވިޔަފާރީގެ ކަންކަމާ ދުރަށްދިޔުމުންވެސް ވިޔަފާރީގެ ހުރިހާ ހަބަރެއް އޭނާގެ ކަންފަތާ ހަމައަށް ފޯރުކޮށްދޭ ވަފާދާރެކެވެ.

"ޔެސް؟ ކީކޭ ހުސްނީ؟" ނަދާލް އާދައިގެމަތިން އަހައިލި އެވެ.

"ނަދާލް.. ވަރަށް މުހިއްމު ވާހަކައެއް ދައްކަންވެފަ އޮތީމަ.. އަހަރެންނަކަށް ހިއެއްނުވޭ މައިޝާން މިތަނުގަ އޮޕަރޭޝަންސްއަށް ނަގާފަ ދިޔަ މީހާ މިއީ ރަނގަޅު މީހެއް ހެނެއް. ރަނގަޅު ވަގުތެއްތަ؟" ހުސްނީ އަހައިލި އެވެ.

"މިވަގުތު ކުޑަ ކަމެއްގަ މި އުޅެނީ. އަހަރެން ފަހުން ގުޅާލަންތަ؟ އެހާ އާރޖެންޓް ކަމަކިއްޔާ މައިއާ ޑިސްކަސް ކޮށްލަބަ. މައި އުޅޭނެ ތިކޮޅުގަ" ނަދާލް ކާރުން ފައިބަމުން ކޯލު ކުރުކޮށްލި އެވެ. އެއަށްފަހު ކުރިމަތީގައިހުރި ސަފާޔަރ ޔުނިވަރސިޓީގެ ބިޔަ އިމާރާތަށް ބަލައިލަމުން ފުން ނޭވާއެއް ދޫކޮށްލި އެވެ. ހަލުވިކަމާއެކު އެތަނުގައިހުރި ފުޅާ ސިޑީގެ ހަރުފަތްތައް ގިރާ ކޮށްލުމަށްފަހު އޮފީސްބައި ހުންނަ އިމާރާތުގެ ލިފްޓަށް އަރައި އޭނާ ފިތައިލީ ހަތްވަނަ ފަންގިފިލާއަށް ދިޔުމަށެވެ.

"ޒެފް އުޅޭތަ؟" ޒެފަންގެ ކެބިންގެ ބޭރުގައި އިން ކުއްޖެއްގާތު ނަދާލް އަހައިލި އެވެ.

"ސަރ މިވަގުތު ވީ ކްލާހެއްގަ"

"ކްލާހެއްގަ އޭ؟" ނަދާލްއަށް ހައިރާންކަމެއް ލިބުނެވެ. ޒެފަންއަކީ ޒާހިރަށްފަހު އެތަން ހިންގުމާ ހަވާލުވެހުރި ވެރިޔާ އެވެ. އެތަނުގެ އެއްވެސް ކެމްޕަހެއްގައި ކިޔަވައިދޭ މުދައްރިސެއް ނޫނެވެ.

"ޔެސް.. މިކޮޅުގެ ކަލްކިއުލަސް މޮޑިއުލް ކިޔަވައިދޭ ޕްރޮފެސަރ މެޓަރނިޓީއަށް ގޮސް އުޅޭތީ ޒެފަން ސަރ ވަގުތީގޮތުން އެ ކްލާސްތައް ނަގައިދެނީ. ސަރ އަންނަންދެން އެތެރޭގަ މަޑުކޮށްލިޔަސް މައްސަލައެއް ނެތް" އެކުއްޖާގެ ޖަވާބުން ނަދާލްއަކީ އެތަނަށް އާ މޫނެއް ނޫންކަން އެ އެނގުނެވެ. ޒެފަންއާ އޮތް ރަހްމަތްތެރިކަމުގައި އޭނާ ވަނީ އެތައް ދުވަހަކު ޒެފަންގެ އޮފީހަށް އައިސްފަ އެވެ.

ނަދާލް ކެބިންއަށް ވަދެ އެތަނުގެ މެހެމާނުންނަށް ހާއްސަ ކުރެވިފައިވާ ގޮނޑީގައި އިށީނދެލި އެވެ. ޒެފަންއާ ވާހަކަދައްކާނޭ ގޮތް ކޮންމެވެސް ވަރަކަށް ސިކުނޑީގައި ރާވައިލުމަށްފަހު ޖީބުގައި އޮތް ފޯނު ނެގީ ލިބުނު ހުސް ވަގުތުކޮޅުގެ ތެރޭގައި ހުސްނީއަށް ގުޅައިލަން ހިތުލަމުންނެވެ. އެހެނަސް ފޯނު ރަނގަޅަށް އަތަށް ހެޔޮވަރު ނުކުރެވެނީސް ކުއްލިއަކަށް ކެބިންގެ ދޮރު ހުޅުވުނު އަޑު އިވުނެވެ.

"ޓެސްޓުގަ ބައިވެރި ނުވެވުމަކީ އޭނަގެ އަމިއްލަ ކަމެއް! އެޓެންޑެންސެއް ނުދޭނަމޭ ބުނޭ! އަހަރެން ކިޔަވާދޭ ކްލާހަކަށް ގަޑި ޖެހިގެން އައިއްޔަކާ ނުވެއްދޭނެ" ރުޅިވެރިކަމާއެކު ކަނޑައިލި ފޯނު ކެބިންގެ މޭޒުމައްޗަށް ހޫރައިލުމަށްފަހު އަޅާފައިވާ ނަންބަރު އައިނު ލޮލާ ވަކިކޮށްލަމުން އެ މޭޒުމަތީގައި ބޭއްވި އެވެ. އެއަށްފަހު އެ މޭޒު ދޮށުގައިހުރި ބޮޑު ގޮނޑިއަށް ވެއްޓިގަންނަމުން ދެއަތުން ނިތްކުރި މަސާޖުކޮށްލި އެވެ.

"ދީސް ވިމެން ތިންކް އަ ޕްރިޓީ ފޭސް އެންޑް ޕަޕީ އައިޒް ކުޑް ގެޓް ދެމް ވަޓެވަރ ދޭ ވޯންޓް. ފަ* އިޓް! ވައި.. އޭމް.. އައި.. އިވަން.. ތިންކިންގް އަބައުޓް ހަރ ޕަޕީ އައިޒް؟" ސިކުނޑީގައިވި ތަސްވީރަށް ހިތާހިތުން ކުދި ކިޔަމުން ކުއްލިއަކަށް ގޮނޑިން ތެދުވެ މޭޒުމަތި ތަރުތީބު ކުރަންފެށި ޒެފަންއަށް އަދިވެސް ނަދާލް އެތަނުގައި އިންކަން ރޭކައި ނުލަ އެވެ. އައިސްފައިހުރި ރުޅީގައި އޭނާ ކެބިންއަށް ވަދެގެން އައީ ބޭރުގައިހުރި އެސިސްޓަންޓް ބުނަން އުޅުނު ވާހަކަވެސް އަޑު އެހުމަކާ ނުލަ އެވެ. އެހެންކަމުން އެއްލި ކަޅިއަކުން ސޯފާގައި އިން ނަދާލް ފެނުމާއެކު ޒެފަންގެ ބުމަ ވަގުތުން ގޮށްޖެހުނެވެ. މީގެ އިރުކޮޅެއް ކުރިން ރުޅި އައިސްގެން އުޅުނު ކަންތައްވެސް އޭނާގެ ހަނދާނުން ކައްސައިލި އެވެ. އެއްކުރިހާ ސާމާނު އަނެއްކާވެސް ތަރުތީބެއް ނެތި މޭޒުމައްޗަށް ދޫކޮށްލުމަށްފަހު ނަދާލްއާ ދިމާލަށް ފިޔަވަޅު ބެހެއްޓި އެވެ.

"އައި ސްވެއަރ އައި ކެނޮޓް ޑީލް ވިތް ޔޫ ޓުޑޭ.. މަގޭ އަތުން މަރުވާ ހިތުންތަ ކަލޭ ތި އުޅެނީ؟" ބާރުކޮށް ޖައްސާލެވިފައިވާ ދެ ދަތްޕިލައިގެ ދޭތެރެއިން ޒެފަން ބުނެލީ ކިތަންމެ މަޑުން ނަމަވެސް ނަދާލްއަށް އެ ބުނި އެއްޗެއް ސާފުވާވަރު ވިއެވެ.

"ޒެފް. ވާހަކަ ނުދައްކާ ތިބެގެން އެއްވެސް ކަމެއް ހަމައެއް ނުޖެހޭނެ!" ނަދާލް ސޯފާއިން ތެދުވި އެވެ.

"އަހަރެން ކަލެއަކާ ދައްކަންޖެހޭ ވާހަކައެއް ނޯންނާނެއޭ!" ޒެފަންގެ އަޑު ބާރުވި އެވެ.

"ޒެފް ޕްލީޒް. އަހަރެންނާ ދޭތެރޭގަ ނުވިސްނިޔަސް މައިއާ ދޭތެރޭގަ ވިސްނާލަބަ. ޔޫ ކާންޓް ކޯލް އޮފް ދިސް ޕްރޮޖެކްޓް! މައި މުޅިން އަލަށް ކޮމްޕެނީއާ ހަވާލުވާއިރު މި ޓައިމިންގްގަ ކިހިނެއްތަ މި ކްރައިސިސް ހޭންޑަލް ކުރާނީ؟" ނަދާލް ވިސްނައިދޭން މަސައްކަތްކުރި އެވެ.

"އަދިވެސް ކަލޭ ތި ވިސްނަނީ ވިޔަފާރިއާ ދޭތެރޭގައޭ ދޯ؟ އިޒޫ ދެރަވެފަ ހުރިވަރެއް ކަލޭ އެންމެ ފަހަރަކުވެސް ވިސްނާލިންތަ؟ ކަލޭ ދުވަހަކުވެސް އިންސާނެއްގެ ނަޒަރުން އިޒޫ ދުށިންތަ؟ ނޫނީ އަބަދުވެސް އިޒްކާއާ ދޭތެރޭ ދެކުނީ ވިޔަފާރި މުދަލެއް ގޮތަށްތަ؟" ޒެފަންގެ ވާހަކައިގެ ރާގު ހުރިގޮތުން މިފަހަރު ނަދާލް ހިތްހަމަ ނުޖެހުނެވެ. އޭނާއަށް އިޒްކާދެކެ ލޯބި ނުވެވުނަސް އޭނާ އިޒްކާއަށް ކުރާ އިޙްތިރާމުގައި އުނިކަމެއް ނޯންނާނެ އެވެ. އިޒްކާއާ ދޭތެރޭ ދުވަހަކުވެސް ހަމައެކަނި "ވިޔަފާރި މުދަލެއް"ގެ ގޮތުގައި ދެކިފައެއް ނޯންނާނެ އެވެ. އިޒްކާއަކީ އޭނާގެ އަބަދުގެވެސް ރަޙްމަތްތެރި އެކެވެ.

"ޒެފް. ކިތަންމެ ރުޅި އައިސްފަ ހުއްޓެއްކަމަކު އަހަރެންނަށް ތިކަހަލަ ތުހުމަތެއް ކުރުމުގެ ހައްގެއް ޒެފްއަކަށް ނޯންނާނޭ! ޔެސް އަހަރެން ގަބޫލުކުރަން އަހަރެންގެ ފަރާތުން އެކްޝަނެއް ނެގުނީ މާ ބޮޑަށްވެސް ލަހުންކަން! އެކަމަކު ޔޫ ކާންޓް ބްލޭމް ދިސް އޮން މީ! އިޒޫ މި ޑީލްގެ ތެރެއަށް ވެއްދީކީ އަހަރެންނެއް ނޫން! އަމިއްލައަށް އަމިއްލަ ކޮއްކޮ.. އަމިއްލަ ދަރިފުޅު ޑީލެއްގެ އިންފޯރމަލް ކަވަނެންޓަކަށް ހަދާފަ އަހަރެންނަށް ވިއްކާލަން އުޅުނީ ޒެފްއާއި ޒެފްގެ ބައްޕަ! އިޒޫއާ އަހަރެންގެ ކައިވެނި މި ޕްރޮޖެކްޓާ ޓައިކުރީ ހަމަ ތި ދެމީހުން! އެހެންވީމަ މިތާނގަ އިޒޫއަކީ ވިޔަފާރި މުދަލަކަށް ހެދިއްޔާ ހެދީ ތި ދެމީހުން. އަހަރެންނެއް ނޫ-"

"އޭތް! ކަލެއަށް ތި ކިޔޭ އެއްޗެއް އެބަ އެނގޭތަ؟" ޒެފަން ރުޅިން ކެކިގަތެވެ. އޭނާ އައިސް ވަގުތުން ނަދާލްގެ ކަރުގައި ހިފައިގަތެވެ. ނަމަވެސް ނަދާލްގެ ވާހަކަ އަދި އެހިސާބަކުން ނިންމާލާކަށް ނޫޅުނެވެ.

"ޒެފްއަށްވެސް އެނގޭނެ އަހަރެން މި ބުނީ ދޮގެއް ނޫންކަން؟ އިޓްސް ނޮޓް ޓޫ ލޭޓް ޓު ފިކްސް ދެޓް ޒެފް! އިޒޫއަށް ހައްގުވާ ރެސްޕެކްޓާއި ޑިގްނިޓީ ދޭކަށް އަދި ލަހެއް ނުވޭ! ދެންވެސް އިޒޫއާ އަހަރެން ކައިވެނިކުރަން ކުރި ޝަރުތު އަނބުރާ ގެންގޮސްފަ މި ޕްރޮޖެކްޓަށް ފެހި ސިގްނަލެއް ދީ! މިކަމުގެ ތެރެއަށް އިޒޫގެ ޕަރސަނަލް ލައިފް ނުވައްދާ! އިޒޫއަކީ ވިޔަފާރި މުދަލަކަށް ދަށްކޮށް ނުލާ!" ކަރުގައި ވަށައިލެވިފައިވާ ޒެފަންގެ އަތް ނެއްޓޭތޯ މަސައްކަތް ކުރަމުން ނަދާލް އުނދަގުލާއެކު ބުންޏެވެ. އެބަސްތަކުގައިވި ހަގީގަތް އަޑު އަހާކަށް ޒެފަންއަކަށް ފަސޭހައެއް ނުވި އެވެ. ލަސްލަހުން ނަމަވެސް ނަދާލްގެ ކަރުން ދޫކޮށްލެވުނީ އަމިއްލަ ނަފްސު ކޮންމެވެސް ވަރަކަށް ކުށްވެރި ކުރެވެން ފެށުމުންނެވެ.

"އަހަރެމެން އެކަން ކުރީ އެއީ އިޒޫ ބޭނުންވާ ގޮތަށް ވާތީ. އިޒޫ.. އިޒޫ ނަދާލްދެކެ ލޯބިވާތީ؟" ޒެފަން ފަހަތަށް ފިޔަވަޅެއް އަޅައިލަމުން އޭނާގެ ނިންމުންތައް ދިފާއުކުރި އެވެ.

"ވީ ޓްރައިޑް ޒެފް! އިޓް ޑިޑިންޓް ވަރކް! އެކަން ގަބޫލު ކޮށްބަލަ! އަހަރެންވެސް އަހަރެންގެ އަމިއްލަ ގޯސް ގަބޫލުކޮށްފަ އިޒޫގާތުން މަޢާފަށް އެދުނީ! ޒެފްވެސް ދެން އަމިއްލައަށް ހެދުނު ގޯސް ގަބޫލު ކުރޭ!" ނަދާލް ކުޑަކޮށް ކެއްސައިލުމަށްފަހު އަމިއްލަ ކަރުގައި ފިރުމައިލަމުން ބުންޏެވެ.

"ޝްޝްޝް! އަހަރެން ބޯ ނުގޮއްވާ މިތަނުން ދޭ!" ޒެފަން ދެއަތުން ނިތްކުރީގައި ހިފަހައްޓައިލަމުން ދުރަށް ހިނގައިގަތް ނަމަވެސް ނަދާލް ދެން ބުނި ޖުމްލައާއެކު އޭނާއަށް ފަސް އެނބުރި ބަލައިލެވުނެވެ.

"ނޯ! ޒެފް ވަކި ގޮތެއް ނިންމަންދެން އަހަރެން މިތާނގަ ހުންނާނަން! އިފް ޔޫ ވޮނަ ވެންޓް ޔޯ އޭންގަރ އޮން މީ، ގޯ އަހެޑް!" ނަދާލްގެ އަޑުގައި އަދިވެސް ފަސްޖެހުމެއް ނެތެވެ. ކޮންމެ ހާލެއްގައިވެސް ޒެފަންގެ ހިޔާލު ބަދަލުކުރަން އަޒުމު ހިފާލާފައިހުރި ކަހަލަ އެވެ.

"އަރ ޔޫ ރިއަލީ އާސްކިންގް ފޯރ އަ ބީޓިންގް؟" ނަދާލްއާ ގާތަށް ދެތިން ފިޔަވަޅު އަޅައިލިއިރު މިފަހަރުވެސް ޒެފަންގެ ކަތުރުކަށިގަނޑަށް ވަނީ ބާރުވެފަ އެވެ.

"މެއިބީ؟" ނަދާލް ފަރުވާކުޑަ ގޮތަކަށް ދެކޮނޑު އަރުވައިލަމުން ބުންޏެވެ.

"ޔޫ އަރ ކްރޭޒީ.. ބަޓް ރައިޓް ނައު؟ އައި ކުޑް ޔޫޒް އަ ޕަންޗިންގް ބޭގް" ޒެފަން އޭނާގެ އަތުކުރީގައި އަޅައިފައި އޮތް ގަޑި ކުޑަހުޅާ ވަކިކޮށްލަމުން ސޯފާ މައްޗަށް އެއްލިތަން ނަދާލްއަށް ފެނުނެވެ. ދެވަނަ ސިކުންތުގައި އޭނާގެ މޫނުމައްޗަށް އަރައިގެން އައި ބާރު ހަމަލާއާއެކު އޭނާގެ ލޯ މައްޗަށް އަނދިރި ވެގެންދިޔަ އެވެ.

------------

ނަދާލް އަންނާނެ އިރެއްގެ އިންތިޒާރުގައި އައިލީން ގޭތެރޭގައި އެނބުރެމުންދިޔަ އެވެ. ބެލްކަންޏަށް ނުކުމެ މަގުމަތި ބަލައިލަން ބޭނުންވި ނަމަވެސް އޭނާއަކަށް އެކަންވެސް ކުރެވޭކަށް ނެތެވެ. އޭނާ ހޮސްޕިޓަލުން ދޫކޮށްލިއިރު އެ ގޭގައި ހުރިއްޔާ ހުރި ވަޅިއެއް ގެއްލިފައިވާއިރު، އެ ދުވަހުއްސުރެން ނަދާލް ހުންނަނީ އޭނާއަށް އެ ބެލްކަންޏަށްވެސް ނުނިކުމެވޭނެހެން ތަޅުލައިފަ އެވެ.

ހަދާނެ ގޮތް ހުސްވެފައިވާ މީހަކު ފަދައިން އައިލީން ސޯފާގައި އިށީނދެލި އެވެ. އޭނާގެ ދެފައި ހުއްޓުމެއް ނެތި ތަޅުވައިލަ ތަޅުވައިލަ އިންއިރު އިރުއިރުކޮޅާ އަތުގެ ނިޔަފަތިތައް ހަފައިލަމުން ފާރުގައި ހަރުކުރެވިފައިވާ ގަޑިއަށް ބަލައިލަ އެވެ. މިހާރު ގަޑިން ރޭގަނޑު އަށެއް ޖެހީ އެވެ. މެންދުރުފަހު ގެއިން ނުކުމެގެން ދިޔަ މީހާގެ ހަބަރެއް ނުވާ ތަނުގައި ފޯނަކަށްވެސް ގުޅެނީކީ ނޫނެވެ. މިއީ މިފަހުން ނަދާލް އޭނާއާ ދުރުގައި މިހާ ގިނަ ވަގުތު ހޭދަކުރާ ފުރަތަމަ ފަހަރުކަމުން އައިލީންއަށް އެކަމުން ބަޔާންކުރަންދަތި ނުތަނަވަސްކަމެއް ލިބެމުންދިޔަ އެވެ. ވަކިން ހާއްސަކޮށް އެންމެފަހުން ނަދާލް ބޭރުގައި އުޅެފައި ގެއަށް އައި ދުވަހު ނަދާލްއަށް ވެފައި ހުރިވަރު ހަނދާންވުމާއެކު އެ ނުތަނަވަސްކަން އިތުރުވެގެން ދިޔަ އެވެ. ނަދާލް މިއަދުވެސް އެ ދިޔައީ ޒެފަންއާ ބައްދަލު ކުރާށޭ އޭނާގެ ހިތް ބުންޏެވެ.

އަވަސްވެގެންދިޔަ ހިތް ހަމައަކަށް އަޅުވައިލުމަށްޓަކައި އައިލީން ދެލޯ މަރައިލި އެވެ. ހިތާ ދިމާލުގައި މަޑުމަޑުން އަތުން ޖަހައިލަ ޖަހައިލައި އިނެވެ. އޭނާ ދެން އެ ދެލޯ ހުޅުވައިލީ ގޭގެ ދޮރު ހުޅުވުނު އަޑަށެވެ. އިސް އުފުލައިލިއިރު ނަދާލް ނިކަން ހަމަޖެހިލާފައިހުރެ ދޮރު ލައްޕައިލުމަށްފަހު އައިލީންއަށް ހިނިތުންވުމެއް ދީފައި ކޮޓަރިއާ ދިމާލަށް ހިނގައިގަންނަނީ އެވެ. އެ މޫނުމަތިންނާއި ހަރަކާތްތަކުން އެއްވެސް އަނިޔާއެއްގެ ނިޝާނެއް ފެންނާކަށް ނެތެވެ. ނަމަވެސް ރޭގަނޑު އެ ވަގުތު ގެއަށް ވަނުމަށް ފަހުގައިވެސް ނަދާލްގެ އަވި އައިނު ލޮލާ ވަކިކޮށްލަން ނޫޅުނީތީ އައިލީންގެ ހިތް ގޯސް ގޮތަކަށް ތެޅިލި އެވެ. ދުރު ފިޔަވަޅުތަކެއްގައި ގޮސް ކޮޓަރީގެ ދޮރާ ހަމައިން ނަދާލް ހުއްޓުވުމަށްފަހު އޭނާއާ ކުރިމަތިވާނެހެން އަނބުރައިލަމުން ނަދާލްގެ ލޮލުން އެ އަވި އައިނު ދަމައިގަތެވެ. ނަމަވެސް ނަދާލްގެ ލޮލާ ދިމާލުން ނޫފައިގެންފައި ވާތަން ފެނުމާއެކު އައިލީންގެ އަތުގައި އެ އައިނު ހަރުލާގޮތް ނުވެ ބިންމައްޗަށް ވެއްޓުނެވެ. ނަދާލް އެ ލޯ ފޮރުވަން އުޅޭ މީހަކުހެން އައިލީންއާ ދުރަށް މޫނު އަނބުރައިލި އެވެ.

"އަނެއްކާވެސް ޒެފަންއާ މީޓްކުރަން ދިޔައީ ދޯ؟" އައިލީން ނަދާލްގެ މޫނުގައި ހިފައި އޭނާއާ ހަތަރުކަޅި ހަމަކުރުވި އެވެ. ނަދާލް ވަކި އެއްޗެކޭ ނުބުނެ އައިލީންގެ އަތް ދުރުކޮށްލުމަށްފަހު ގޮސް ކާމޭޒު ކައިރިން ގޮނޑިއެއް ދަމައިލަމުން އިށީނެވެ.

"ޒެފަން ރުޅިއައިސްފަ ހުއްޓާ ނަދާލް ދެން ކީއް ކުރަންތަ ތި ދަނީކީ؟" ނަދާލްގެ ގާތަށް އައިސް ހުއްޓިލަމުން އައިލީން ޝަކުވާގެ ރާގެއްގައި އަހައިލި އެވެ.

"އައި ހެޑް އަންފިނިޝްޑް ބިޒްނަސް" ނަދާލް ޖަވާބު ދިނެވެ.

"ނޮޓް ޔޫ! ހީ ހެޑް އަނފިނިޝްޑް ބިޒްނަސް ކްލިއަރލީ. ބަލާބަ މިފަހަރު ލޯވެސް" އައިލީންއަށް ބޭއިޙްތިޔާރުގައި ނަދާލްގެ ލޮލުގައި ފިރުމައިލެވުނެވެ. އެއާއެކު ނަދާލްއަށް ތަދު އިހުސާސް ކުރެވުނު ފަދައިން ލޯ ހަނިކޮށްލިތަން ފެނި އޭނާ ދެން ހިނގައިގަތީ އެތަނުގައިހުރި އައިސް-އަލަމާރިއާ ދިމާލަށެވެ. އޭގެއިން ނެގި އައިސް ކިއުބް ޓްރޭއާ އެކު ފޮތިކޮޅެއް ހޯދާލައިގެން އައިސް ކުޑަވަރެއްގެ އައިސްޕެކެއް ހަދައިލަމުން ނަދާލްގެ ލޯ ކައިރި ބޮނޑިތާން ކޮށްދޭން ފެށި އެވެ.

"ޒެފަން ރުޅިއައިސްފަ ހުއްޓާ ވާހަކަ ނުދެއްކޭނެކަން އެނގެއެއްނު؟ ޖަހާނެކަން އެނގިހުރެ ކީއްކުރަން ދިޔައީ؟" އައިލީންގެ ލޮލަށް ދިޔައީ ކަރުނަ ޖަމާވަމުންނެވެ. އެއިން ކަރުނައެއް ކޯތާފަތް މައްޗަށް ފައިބައިގަންނަން ތައްޔާރުވެލާ ކޮންމެ ފަހަރަކު އަވަސްއަވަހަށް ލޯ ފޮހެލަމުން މަސައްކަތާއިގެން ކުރިއަށްދިޔަ އެވެ. ނަދާލް ގޮނޑީގެ ލެގޭބައިގައި ބޯ އަޅުވާލައިގެން އޮވެ ހަނިކޮށްލެވޮފައިވާ ދެލޮލުން އައިލީންގެ މޫނަށް ބަލަމުންދިޔަ އެވެ.

"މިފަހަރުވެސް އޭނަ މި ހުރިހާ ވަރެއް ކުރަންދެން ދޫކޮށްލައިގެން ހުރީ ދޯ؟ ކީއްވެ؟" އައިލީންގެ އަޑު ކުރެހުނެވެ. އެއާއެކު އެ ހުރިހާއިރު ހިމޭންކަމާއެކު އައިލީންގެ ހަރަކާތްތަކަށް ގެއްލިފައި އޮތް ނަދާލްގެ ދޫ މަޑުމަޑުން ހަރަކާތްކުރި އެވެ.

"ފޯ ދިސް ރީޒަން އެގްޒޭކްޓްލީ" ނަދާލް ބުނެލި އެވެ.

"ވަޓް ރީޒަން؟" އައިލީން އެއްސެވެ. ނަދާލް އެއް އަތުން އައިލީންގެ އުނަގަނޑުގައި ހިފައި އޭނާއާ ގާތަށް ދަމައިލަމުން އުނގުގައި ބޭންދި އެވެ. އަދި އަނެއް އަތުން އައިލީންގެ ކޯތާފަތުގައި ދެމިގެންދިޔަ ކަރުނަ ތިކި ފޮހެލައި ދިނެވެ.

"އައި ވޯންޓަޑް ޓު ސީ އެނީތިންގް އެކްސެޕްޓް އިންޑިފަރެންސް ފޯރ މީ. އައި ވޯންޓަޑް ޔޫ ޓު ކެއަރ ފޯރ މީ. ޔެލް އެޓް މީ. ލޫނާ މާ އަޅާލުން ކުޑަކުރީމަ އަހަރެން ހާދަ ދެރަވެއޭ" ނަދާލް އަސަރާއެކު ބުނެލި އެވެ. އެހެނަސް އެ ޖަވާބު ބަލައިގަންނާކަށް އައިލީން ބޭނުމެއް ނުވި އެވެ. ނަދާލްއަށް އޭނާގެ ސަބަބުން ކުޑަވެސް ގެއްލުމެއް ލިބެން ނޭދޭތީ އައިލީން ވަނީ އޭނާގެ އަމިއްލަ ކިތައް ތޫފާނުގެ ތެރެއަށް ދޫކޮށްލައިފަ ހެއްޔެވެ؟ ވީއިރު އޭނާގެ ލޯތްބަށްޓަކައޭ ކިޔައި ނަދާލް އަމިއްލައަށް ގެއްލުން ލިބިގަންނަން އައިލީންއަށް ކެތްވާނީ ކިހިނެއް ހެއްޔެވެ؟

"އެކަމަކުވެސް ދެން ގޮސްގެން ނުވާނެ! ނަދާލް އަހަރެންދެކެ ކުޑަކޮށްވެސް ލޯބިވަންޏާ އަހަރެން ބުނާ ގޮތެއްވެސް ހަދާނެ!" އައިލީން އޭނާގެ ފަހުބަސް އިއްވައިލި އެވެ.

"ދެން ނުޖެހޭނެއޭ ދާކަށް. މިއަދު މިއައީ ޒެފްގެ ރުޅި ފިނިވީމަ ޒެފްއާ ވާހަކަދައްކައިގެން ހުރިހާކަމެއް ހައްލުކޮށްފަ. ލޫނާ ދެން އަހަރެންނާމެދު ކަންބޮޑުވާކަށް ނުޖެހޭނޭ" ނަދާލް ހިނިތުންވުމަކާއެކު އައިލީންގެ ކޯތާފަތަށް ބޮސްދިނެވެ.

"ކަންބޮޑުވީކީ ނޫނޭ" އައިލީން އަވަސްއަވަހަށް ނަދާލްގެ އުނގުން ތެދުވެ އަމިއްލަ ކޯތާފަތް ފޮހެލައިފި އެވެ.

"އޮފްކޯސް" ނަދާލްވެސް މަލާމާތުގެ ރާގެއްގައި އައިލީންއާ އެއްބަސްވެލަމުން ގޮނޑިން ތެދުވި އެވެ. "ކައިފިންތަ؟" އޭނާ އަހައިލި އެވެ.

"ހްމްމް. ނުސްދައްތަ ގޮވީމަ ގޮސް ކުޑަކޮށް ކެއިން. ޔޫ؟" އައިލީން އަހައިލި އެވެ.

"ޒެފްއާ އެއްކޮށް ގޮސް ކޮފީއެއް ބޮއެގެން މިއައީ. އެހެންވެ ކުޑަކޮށް ލަސްވީވެސް. ދެން މިރޭ ނުކާނަން" ނަދާލް ދުރަށް ހިނގައިގަތުމާއެކު އައިލީން އޭނާގެ އަތުގައި ހިފެހެއްޓި އެވެ.

"ކޮންތާކަށް އަނެއްކާވެސް؟" އައިލީން އަހައިލި އެވެ.

"ބޭރަކަށް ނޫނޭ ލޫނާ. މި ނުކުންނަނީ މޫނު ދޮވެލައިގެން. މާބޮޑަށް ފޫހިވީތަ؟ ފިލްމެއް އެއްޗެއް ހޯދާލަބަ ބަލާލަން. މި ނުކުންނަނީ.. ނުވާނެ ލަހެއް" އައިލީންގެ ކޮލުގައި ކޮށްޓައިލުމަށްފަހު ނަދާލް ގޮސް ކޮޓަރިއަށް ވަނެވެ. އެއާއެކު އައިލީން ނަދާލް އެދުނު ފަދައިން ޓީވީ ހުޅުވާލައި ފިލްމެއް ހޯދުމުގެ މަސައްކަތް ފެށި އެވެ. އެކަން ނިމުނުއިރުވެސް ނަދާލްގެ ހަބަރެއް ނުވީތީ އައިލީން ގޮސް ލަސްލަހުން ކޮޓަރީގެ ދޮރު ހުޅުވައިލި އެވެ. އޭނާއަށް ފެނުނީ އޭނާ ދުވަހަކުވެސް ނަދާލްގެ ފަރާތުން ފެންނާނެކަމަށް އުއްމީދުކުރި މަންޒަރެއް ނޫނެވެ. ލިބުނު ހައިރާންކަމުގައި އަވަހަށް ކޮޓަރީގެ ދޮރު ލައްޕައިލުމަށްފަހު ގޮސް ސޯފާގައި އިށީނދެލި އެވެ. އިރުކޮޅެއް ފަހުން ކޮޓަރިން ނުކުމެގެން އައިސް އޭނާގާތު އިށީނދެލި ނަދާލްއަށް ބަލައިލެވުނީ ތަފާތު ނަޒަރަކުންނެވެ.

"ކޮބާ ކޯއްޗެއް ތި ނިންމީ؟ ފްރިޖްގަ އެބަހުރިތަ ހަފާލާނެ އެއްޗެއް" ނަދާލް ސޯފާގައި އިށީނދެލަމުން އޭނާ ގެންގުޅުނު އަވި އައިނު ލޮލަށް ހެޔޮވަރުކޮށްލީ ޓީވީގެ އަލިން ލޮލަށް ވާ ތަދު ކުޑަކޮށްލުމަށެވެ.

"ކޮން އިރަކު ނަމާދުކުރަން ފެށީ؟" އައިލީން ކޮށްލީ މައުލޫއާ ނުވެސް ގުޅޭ ސުވާލެކެވެ. ވާނީވެސް އެހެންތާ އެވެ؟ އޭނާއަށް ދެންމެ އެ ފެނުނު މަންޒަރަކީ ނަދާލްއާ އެއް ފުރާޅެއްގެ ދަށުގައި ތިން މަސްދުވަސް ހޭދަވެ ދިޔައިރުވެސް ފެނިފައިވާ މަންޒަރެއް ނޫނެވެ.

"ވާއު ލޫނާ. ހޭވް ޔޫ ބީން ސްޕައިންގް އޮން މީ؟" ނަދާލް ސަމާސާ ރާގެއްގައި އަހައިލި އެވެ. ނަމަވެސް އައިލީންގެ މޫނުމަތިން ސީރިއަސް ކުލަވަރު ފެނުމާއެކު އޭނާއަށް މިއީ ސަމާސާ ކުރަންވީ ވަގުތެއް ނޫންކަން ނަގައިގަނެވުނެވެ. "ވަރަށް ފަހުން. އައި މޭޑް އަ ނިއު ފްރެންޑް.. ޔާ.. ހީ އިޒް.. އަ ފްރެންޑް.. އައި ތިންކް.." ނަދާލް ކުޑަކޮށް ވިސްނައިލަމުން ބުންޏެވެ.

"އައިމް ސޯ ގްރޭޓްފުލް ފޯރ ދިސް ފްރެންޑް އޮފް ޔުއަރޒް.. ދިސް އިޒް އަ ހިއުޖް ސްޓެޕް ފޯރ ޔޫ" އައިލީން އޭނާގެ އަތުގައި ހިފައިލިއިރު އެ މޫނުމަތީގައިވި އުފާވެރިކަމުގެ ކުލަވަރު ނަދާލްއަކަށް ސިއްރެއް ނުވި އެވެ. އެފަދަ އުފާވެރިކަމެއް އޭނާއަށް އައިލީންގެ މޫނުމަތިން ނުފެންނަތާ ހާދަ ދުވަހެއް ވެއްޖެ އެވެ. އޭނާ އައިލީންގެ ކޮނޑުގައި ހިފައި ގާތްކޮށްލަމުން ޝުކުރު އަދާކުރި އެވެ. އައިލީންވެސް މިފަހަރު ނަދާލްގެ ކޮނޑުގައި ބޯ އަޅައިލީ އެއްވެސް އިއުތިރާޒަކާ ނުލަ އެވެ. އެކަމުންވެސް އައިލީން އޭނާއާމެދު ހިތްހަމަޖެހިފައިހުރި މިންވަރު ނަދާލްއަށް އެނގިގެންދިޔަ އެވެ. އަމިއްލަ ނަފްސަށްޓަކައި ފެށުނު ކަމަކުންވިޔަސް އައިލީންއަށް އެކަމުން އެހާބޮޑު އުފަލެއް ލިބުނީތީ ނަދާލްއަށް ލިބުނީ އިތުރު ހިތްވަރެކެވެ.

"ލޫނާ.. އިފް ދެއަރ އިޒް އެނީތިންގް އެލްސް ޔޫ ވޯންޓް މީ ޓު ޑޫ.. ޓު ޗޭންޖް.. އެނީތިންގް ދެޓް ވިލް މޭކް ޔޫ ހެޕީ.. ޔޫ ވިލް ޓެލް މީ ރައިޓް؟" ފިލްމު ފެށިގެން ހޭދަވެދިޔަ ހިމޭންކަމުގެ ވަގުތު ކޮޅަކަށްފަހު ނަދާލް އަހައިލި އެވެ. ނަދާލްގެ ކޮނޑުން ބޯ ހިއްލައިލުމަކާނުލައި އައިލީން "އެންމެ ރަނގަޅޭ" ބުނެ ހޫމް ލައްވައިލުމާއެކު ނަދާލް ނިކަން ލޯބިން އައިލީންގެ އިސްތަށިގަނޑުގައި ތުންފަތް ޖައްސައިލި އެވެ. އައިލީންއަށް އުފަލެއް ލިބޭ ކަމެއްނަމަ އެކަމެއްގެ ކުޑަބޮޑު މިނެއް ނުބަލައި ކޮންމެ ކަމެއްވެސް ކުރަން އޭނާ ހުރީ ތައްޔާރަށޭ ބުނާ ކަހަލަ އެވެ. އައިލީންއަށްޓަކައި ކޮންމެ ބަދަލަކާވެސް ކުރިމަތިލާން ތައްޔާރޭ ބުނާ ކަހަލަ އެވެ.

*****************

"އޭ ކޮބާ؟ ކަމެއް ހިންގަން އުޅޭ. ހިނގާބަލަ މަސްދަތުރެއް ރާވަން" ރެސްޓޯރެންޓެއްގައި މެންދުރުގެ ކެއުމަށް އިންސާފު ކުރަންތިބި ތިން އެކުވެރިންގެ ތެރެއިން ނާއިލް ވާހަކަ ދެއްކީ އެތަނުގައި ދެންތިބި އިވާން އަދި ޝާވިންއާ އެވެ.

"ރާވަންވީ ރާވަންވީ. ކަމެއް ރޭވޭނީ މީނައަށް ވަގުތެއް ވެގެނެއްނު. ކުރިން އަހަރެންނާ ދިމާލަށް ބިޒީއޭ ކިޔާކިޔާ އެހުރީ އެކަމުގެ އެތި ފަހަރެއް ލައްވާލާފަ. ފައިންޕުޅު ދެކެން އެޕޮއިންޓްމަންޓް ހައްދަންޖެހޭ ހިސާބުގަ ބޭފުޅާ އުޅުއްވަނީ" ޝާވިންއާ ދިމާލަށް ބަހެއް ނޭއްލައި އިވާން އެ ފުރުސަތު ދޫކޮށެއް ނުލި އެވެ.

"ހީވަނީ އަހަރެންގެ އަމިއްލަ ކަންކަމުގަހެން އުޅެން މި ޖެހެނީ. ކޮންމެއަކަސް ކައުންސިލްގަ މިހިރީ އަހަރެން. މަޖިލީހުގަ ހުރީ ދޮންބެ. ނުކޮށްދީފިއްޔާ މަންމަމެންގެ ލޮލަށް ބޮލަށްވެސް ގޮވާނެ ދޯ މީހުން" ޝާވިން ބުނެލި އެވެ.

"ހޫން އޯކޭއޭ އޯކޭއޭ ރައީސް. ހަމަޖެހޭ. ކޮންކަމެއްގަތަ ތި އުޅެނީ މާ ވަރަކުން މި ދުވަސްކޮޅު؟" ނާއިލް ހިނިގަނޑެއް ޖަހައިލަމުން އެއްސެވެ.

"މަރުކަޒުގެ އަޕްގްރޭޑް ކަންތަކުގަ. އާން ދެން އަތޮޅުވެރިކަން ކުރާ ރަށޯ. މާލެ ނުގޮސް މުސްކުޅިވެރިން ޑޮކަށް ދައްކާލެވޭވަރު ވާންވާނެ ދޯ. ދެން މިކަން ނިމުނީމަ ހަމަޖެހިލެވޭނޭ. އޭރުން ތިބުނާ ދަތުރެއް ރާވަމާ" ޝާވިން އެއްބަސްވި އެވެ.

"މައްސަލައެއް ނެތް. އޭތް މަ ބުނީ މިފަހަރުވެސް ތިގޭގަ އުޅޭ ކުއްޖާ ގެންދަން ވާނެ އެނގޭ. ކުރީ ދުވަހު ދުށީމޭ އޭނަ މަންމައާއެކު ފިހާރަ ކައިރިން. ރީތި މަންޖެއެކޭ ދޯ" ނާއިލް ދެއްކީ މަލަކްގެ ވާހަކަކަން އިވާންއާއި ޝާވިންއަށްވެސް އެނގުނެވެ. އިވާން އެކަމާ މާ ބޮޑަށް ފަރުވާ ނުބެހެއްޓި ނަމަވެސް ޝާވިންއަށް އެ ޖުމްލައިން ޒާތެއްގެ އުނދަގުލެއް ވެގެންދިޔަ އެވެ. ހަފަމުންދިޔަ ކާއެތިކޮޅު އަރުގައި ތާށިވާން ފަށައިފިހެން ހީވުމާއެކު ފެން ތަށިން ކޯވަރެއް ދަމައިލި އެވެ.

"ހެޔޮނުވާނެ.. މިރަށަށް ބީރައްޓެއްސަކު ނާރައިގެންތަ ކަލޭ ހުންނަނީ؟" އިވާން ހެވިފައި އިނދެ ބޯ ހޫރައިލި އެވެ.

"ނަން ވާނީ އަހަރެން. ކުރީފަހަރުވެސް އަހަރެން ނަންބަރު ދޭން ބުނީމަ މާ ނުވާކަމަކަށް ހަދާފަ އެކަން ނިންމާލިތަން ފެނުނީ. މޮޅެތި ވާހަކަ ދައްކާފަ މިފަހަރު އެކުއްޖާ ޖަހައިގަންނަން އުޅޭނެ ކަމެއް ނެތް. ބުނަން ޝޯން؟ މިފަހަރު ކަލޭވެސް ނުވާނެ މި ދޭތެރެއަށް ވަދެގެން!" ނާއިލްގެ ވާހަކައަށް ޝާވިން ވަކި އެއްޗެކޭ ނުބުނެ އަމާންދޭ ފަދައަކުން ދެއަތް ހިއްލައިލީ އޭނާ އެކަމަށް ހުރަސް އަޅާކަށް ނޫޅެމޭ ބުނާ ބީދައަކުންނެވެ. ވާހަކައިގެ މިސްރާބު އަނެއްކާވެސް ބަދަލުވެގެން ދިޔައީ އެހެން މައުލޫއަކަށެވެ. އެގޮތުގައި ތިއްބައި ނާއިލްއަށް ސްޓޭޝަނުން ކޯލެއް އަންނަން ފެށުމާއެކު އޭނާ ކެއުން ނިންމައިލުމަށްފަހު އެތަނުން ދިޔަ އެވެ.

"އޭނައަށް އެނގޭތަ ދާނުގެ ކަމެއްކަން؟" ނާއިލް ރެސްޓޯރަންޓުން ނުކުތްތަން ބަލަން އިނުމަށްފަހު ޝާވިން އަހައިލި އެވެ.

"ތިބުނީ؟" އިވާންއަށް އަހައިލެވުނެވެ. ޝާވިން މާ ކުއްލިއަކަށް އިދާންގެ ވާހަކައެއް ދައްކަން ފެށި ސަބަބެއް އޭނާއަކަށް ނޭނގުނެވެ.

"މިބުނީ ދެން.. މަލަކް" ޝާވިންގެ ރައްދާއެކު އިވާންގެ ދެލޮލުން ފާޅުވެލީ ޝައުގުވެރިކަމެވެ. ނާއިލް އެތަނުގައި އިނދެ މަލަކްގެ ވާހަކަ ދެއްކި ހިނދު ޝާވިންގެ މިޒާޖަށް ވެރިވި ހިމޭންކަންވެސް އޭނާގެ ލޮލުން ކައްސައެއް ނުލި އެވެ. އާންމުކޮށް އެފަދަ ކަންކަމުގައި ނާއިލްއާ ދިމާކުރުމުގައި އެންމެ އަރައިހުންނަ މީހަކީ ޝާވިންކަން އޭނާއަށް އެނގެ އެވެ. ސިކުނޑީގައި ކޮށްޓައިލި ހިޔާލުން ތުންފަތަށް ހިނިތުންވުމެއް ވެރިވި ނަމަވެސް އިވާން އެކަމާ ގުޅިގެން ސުވާލު ކުރާކަށް ނޫޅުނެވެ.

"އެއީ މައްސަލައެއް ނޫނެއްނު. ކިތަންމެ ގަބޫލުކުރަން ބޭނުން ނުވިޔަސް.. ހީ އިޒް ގޯން ނައު! ދެން އަހަރުމެންވީ އިހުގެ ހިންދޫން ފިރިމަރުވެފައި ތިބޭ އަންހެނުންނަށް ހަދާހެން މަލަކްގެ މުޅި ލައިފް ހުއްޓުވާލާފަ ބަހައްޓަންތަ؟ ނޯ! އިޓް ޑަޒަންޓް ވަރކް ލައިކް ދެޓް. މަލް އިޒް ހަރ އޯން ޕަރސަން. ޝީ ޑިޒަރވްސް ޓު ލިވް" އިވާން ދެކޮނޑު އަރުވައިލަމުން ބުންޏެވެ.

"ފެއަރ އިނަފް.." ޝާވިން އިވާންގެ ވާހަކައާ އެއްބަސްވެ ބޯ ޖަހައިލި އެވެ. "ދެން އިވާންއޯ؟"

"އަހަރެން؟" އިވާން އަހައިލި އެވެ.

"އިވާންވެސް ތި ހުންނަނީ މިހާރު އަމިއްލަ ދިރިއުޅުން ހުއްޓުވާލައިގެނެއް ނޫންތަ؟ ދެން އެހެން ކަމަކާ އުޅޭކަށް ނުވިސްނަންހޭ މި ބުނަނީ؟ އަދިވެސް މައިރާވަރެއް ނެތިފަ ދޯ ތި ހުންނަނީ؟ ހައު އިޒް ޝީ؟" ޝާވިން ކެއުމުގެ ތެރެއިން އަހައިލި އެވެ.

"ކުރީ ރެއަކު ގުޅާލީމަ ވާހަކަދެއްކިން. އައި މިސް ހަރ ޝޯން.." އިވާން ތަށީގެ ތެރެއަށް ސަމްސާ ދޫކޮށްލުމަށްފަހު ގޮނޑީގައި ލެގިލި އެވެ. އޭނާގެ ހިތުގައިވާ އުދާސްތައް އެއްވެސް ޖެހިލުމެއްނެތި އެމީހަކާ ހިއްސާކޮށްލެވޭނެ މީހަކީ ޝާވިންކަމުން އެ އުދާސްތައް ދުލާ ހަމައަށް ގެނައެވެ.

"ތެދަށް ބުނަންޏާ ރުޅިވެގެން އުޅޭ ދެމީހުންނަށްވުރެ މަށަށް ތި ދެމީހުން ވައްތަރީ ޓޮކްސިކް ރިލޭޝަންޝިޕެއްގަ އުޅޭ ދެމީހުންނާ. އެހެންޏާ ފަހެ ގުޅާލާ އިރަށް އޭނައަށް އެއްޗެހި ކިޔަންވިޔަސް އިވާން ޖެހޭ އޭނައާ ވާހަކަދައްކަން. ދިމާވިއްޔާ ދުރުގަ ތިބެވެނީކީ ނޫން. މިހާރުވެސް އޭނަގެ ފެމިލީ ބަޔަކު މެހެމާނުންނޭ ކިޔާފަ ރަށަށް ގެނެސްގެން ތި އުޅެނީ. ދެން ވީ ކަމެއް ވީއޭ ބުނެ ހަނދާން ނައްތާލާފަ އިންނަން އަހަރެންނަށް ފެންނަނީ" ޝާވިންގެ ވާހަކަ އަޑު އަހަން އިވާން ބަހެއް ނުބުނެ އެއްދިމާލަކަށް ނަޒަރު ހުއްޓާލައިގެން އިނެވެ.

"އެއްޗެއް އަހާލަންތަ؟" ޝާވިން އެންމެ ފަހަށްހުރި ކާ އެތިކޮޅު ފެންފޮދަކާލައި ދިރުވައިލުމަށްފަހު އިވާންއެކޭ އެއްފަދައިން މޭޒާ ދުރަށް ޖެހިލި އެވެ.

- ނުނިމޭ -