ނޫނު އަތޮޅު ދިގުފަރު ފަޅާއި ދެކެނެންފަރާއި ކުރަމާދޫގައި ކްރިސްޓަލް ހޯލްޑިންސް ކުންފުނިން 790 މިލިއަން ޑޮލަރު ހަރަދުކޮށްގެން ތަރައްގީކުރަމުން އަންނަ ޓައުންޝިޕް ޕްރޮޖެކްޓުގެ ބިންގާ މިއަދު އަޅައިފި އެވެ.

ސްޕެޝަލް އިކޮނޮމިކް ޒޯނު (އެސްއީޒެޑު) ގާނޫނުގެ ދަށުން ދޫކުރަން ޖެހޭ ހުއްދަ އެ މަޝްރޫއުއަށް ދޫކުރީ ޑިސެމްބަރު 9، 2025 ގަ އެވެ.

މިއަދު ބޭއްވި ރަސްމިއްޔާތެއްގައި އެ މަޝްރޫއުގެ ބިންގާ އަޅުއްވައި ދެއްވީ ރައީސް ޑރ. މުހައްމަދު މުއިއްޒު އެވެ. މުއިއްޒު އާއެކު އިކޮނޮމިކް މިނިސްޓަރު މުހައްމަދު ސައީދު އާއި އަބްދުالله މުއްތަލިބާއި އެ މަޝްރޫއު ހިންގާ ކްރިސްޓަލް ހޯލްޑިންސްގެ ވެރިން ބައިވެރިވި އެވެ.

ފުރަތަމަ ޓައުންޝިޕް ޕްރޮޖެކްޓުގެ އެންމެ ހާއްސަ ކަމެއްގެ ގޮތުގައި ސަރުކާރުން އިޝްތިހާރުކުރަމުން އަންނަ އެއް ކަމަކީ އެ ތަނުގައި ހުންނާނެ ކަމަށް ބުނާ އެންމެ ޒަމާނީ ފެންވަރުގެ ހޮސްޕިޓަލެވެ. މިއީ ޓައުންޝިޕުތަކުގައި ކޮންމެހެން ވެސް ހުންނަން ޖެހޭ ތަނެކެވެ.

މި ޓައުންޝިޕްގައި ބައިނަލްއަގްވާމީ ހޮސްޕިޓަލިޓީ އަދި ލީޑަޝިޕް ސްކޫލަކާއި ކުރިއަރާފައިވާ ދަނޑުވެރިކަމާއި އެކުއާކަލްޗާ ނިޒާމުތަކަށް ހާއްސަ ރަށެއް ވެސް ހުންނާނެ ކަމަށް ސަރުކާރުން ކުރިން ބުނެފައިވެ އެވެ. އެ ތަނަށް ބޭނުންވާ ކަރަންޓުގެ 60 ޕަސެންޓު އުފައްދަނީ އިޔާދަކުރަަނިވި ހަކަތައިންނެވެ.

މި ޓައުންޝިޕުގައި މީހުން ދިރިއުޅެން ފަށާނެ ކަމަށް އަންދާޒާ ކުރާ ތާރީހަކީ 2028 އެވެ. މިއީ އެކީ ވަޒިފާގެ ފުރުސަތުތަކާއި، ސަރަހައްދީ ވިޔަފާރި ހަރަކާތްތައް ސިންދަފާތުވެ، ގައުމީ ތަރައްގީގެ އަމާޒުތަކަށް ވާސިލުވާން ފަހިކޮށްދޭން ކަމަށް އިކޮނޮމިކް މިނިސްޓްރީން މީގެކުރިން ބުނެފައިވެ އެވެ.