ލަންޑަން (ޖެނުއަރީ 28) - ޖަރުމަނުގެ އައިންޓްރަކްޓް ފްރޭންކްފާޓާ ދެކޮޅަށް ކުޅެން އޮތް މެޗަށް އެ ގައުމަށް ދިއުމަށްޓަކައި، އެއާޕޯޓަށް ދިޔަ މަގުމަތީގައި ކާރު އެކްސިޑެންޓެއްވި، ޓޮޓެންހަމްގެ ދެ ކުޅުންތެރިން ކަމަށްވާ ވިލްސަން އޮޑޮބެއާ އާއި ރަންޑަލް ކޯލޯ މުއާނީގެ ހާލު ރަނގަޅު ކަމަށް އެ ކްލަބުން ބުނެފި އެވެ.

އިންގްލެންޑް، ހާޓްފޯޑްޝަޔާގެ އެމް25 މޮޓޯވޭގައި ދެ ކާރު ޖެހިގެން ހިނގި މި އެކްސިޑެންޓުގައި ކާރަށް ގެއްލުންތަކެއް ލިބުނު ނަމަވެސް ކުޅުންތެރިންނަށް ގެއްލުމެއް ނުވާ ކަމަށް ޓޮޓެންހަމްގެ ކޯޗު ތޯމަސް ފްރޭންކް ވަނީ ނޫސްވެރިންގެ ބައްދަލުވުމުގައި ބުނެފަ އެވެ.

ފްރޭންކް ބުނީ، ހަގީގަތުގައި އެކްސިޑެންޓަކީ ވެސް އެހާ ބޮޑަށް ހިނގި ކަމެއް ނޫން ކަމަށާއި ފުޓްބޯޅަ ކުޅުންތެރިން ޝާމިލުވާ ކަންކަަމަށް މީޑިއާގައި ބޮޑު ސަމާލުކަމެއް ލިބޭ ގޮތަށް މި އެކްސިޑެންޓުގެ ވާހަކަ ވެސް މީޑިއާގައި ހިނގީ ކަމަށެވެ.

"ޓަޔަރު ހަލާކުވެގެން ދެން ދިމާވި ހާލަތެއް، މި އެކްސިޑެންޓަކީ، އެ ކުޅުންތެރިން ޓީމާ ގުޅޭނެ" ފްރޭންކް ބުންޏެވެ.

ފްރޭންކްފާޓާ ދެކޮޅަށް ކުޅޭ މެޗުގައި މުއާނީ އާއި އޮޑޮބެއާ ބޭނުންކުރާނެތޯ ސުވާލުކުރުުމުން ފްރޭންކް ބުނީ، މެޗުގައި ކުޅޭނެ ކުޅުންތެރިން ނިންމަނީ ފަހު ޕްރެކްޓިހުގައި ކަމަށެެވެ.