އުރީދޫ މޯލްޑިވްސްއިން މާދަމާ ބާއްވާ ފޯރިގަދަ "އުރީދޫ ފަން ރަން" ގެ ބައިވެރިންނަށް ހާއްސަކޮށްގެން، ފިޓްސް އެއާ އަދި ބޫޓްރޫމާ ގުޅިގެން އަގުހުރި އިނާމުތަކެއް ލިބޭ ލަކީޑްރޯއެއް އިއުލާނުކޮށްފި އެވެ.

ފަން ރަންގެ ހުރިހާ ބައިވެރިންނަށްވެސް، މި ލަކީޑްރޯގައި ބައިވެރިވުމުގެ ފުރުސަތު އޮޓަމެޓިކުން ލިބިގެންދާނެ އެވެ. މި ލަކީޑްރޯގެ ގުރުއަތުލުން ކުރިއަށްދާނީ ފަން ރަންގެ ހަރަކާތްތަކުގެ ތެރެއިން، ހުޅުމާލެ ސެންޓްރަލް ޕާކުގައި ހުންނަ އުރީދޫ ފަން ރަން ސްޓޭޖުގައެވެ.

ލަކީޑްރޯގެ ނަސީބުވެރިންނަށް ހުށަހެޅިފައިވާ އިނާމުތައް

• ކޮލޮމްބޯ ދަތުރު: ފިޓްސް އެއާގެ ފަރާތުން ނަސީބުވެރި ތިން މީހަކަށް ކޮލޮމްބޯއަށް ދެކޮޅު ޓިކެޓް
• ބޫޓްރޫމް ގިފްޓް ހެމްޕަ: ބޫޓްރޫމްގެ ފަރާތުން ނަސީބުވެރި އެކަކަށް ހާއްސަ ގިފްޓް ހެމްޕާއެއް. މީގެ ތެރޭގައި ފުޓްބޯޅަ ބޫޓާއި، ޖާޒީއާއި، ސްނޯކަލް ކިޓްގެ އިތުރުން ކުޅިވަރާ ގުޅުންހުރި ގިނަ އިނާމުތަކެއް ހިމެނޭ

މުޖުތަމައުގެ އެކުވެރިކަމާއި ދުޅަހެޔޮކަން އިތުރުކުރުމުގެ މަގުސަދުގައި ބާއްވާ އުރީދޫ ފަން ރަން ފެށުމަށް ހަމަޖެހިފައިވަނީ ހުކުރު ދުވަހުގެ ހަވީރު 4:00 ގައި ހުޅުމާލެ ސެންޓްރަލް ޕާކުންނެވެ. ކުލަޔާއި ފެނުގެ ކުޅިވަރުތަކާއެކު ކުރިއަށްދާ މި ދުވުމަކީ ކޮންމެ އަހަރަކުވެސް ގިނަ އަދަދެއްގެ ބަޔަކު އިންތިޒާރުކުރާ، ރާއްޖޭގެ އެންމެ ފޯރިގަދަ އެއް ހަރަކާތެވެ.