މޯލްޑިވްސް ޕޯސްޓް ލިމިޓެޑްގެ ޑެޕިއުޓީ މެނޭޖިން ޑިރެކްޓަރުގެ މަގާމަށް ޝަހީދު އިބްރާހީމް މިއަދު އައްޔަން ކޮށްފި އެވެ.

ޕޯސްޓް ލިމިޓެޑަށް އޭނާ އައްޔަން ކުރީ ބޯޑު މެންބަރުގެ އިތުރުން ޑީއެމްޑީގެ މަގާމާއެކުގައި ކަމަށް ޝަހީދު ވިދާޅުވި އެވެ.

ޝަހީދު އަލުން މަގާމަކަށް އައްޔަން މިކުރީ ވެމްކޯގެ ޑީއެމްޑީގެ މަގާމުން ވަކިކުރިތާ އަހަރެއް ވާން ގާތްވެފައި ވަނިކޮށެވެ. ވެމްކޯއިން އޭނާ ވަކިކުރީ މިދިޔަ އަހަރުގެ ޑިސެމްބަރު މަހު އެވެ.

ދިވެހިރާއްޖޭގެ ގައުމީ ދިފާއީ ބާރު، އެމްއެންޑީއެފްގައި 17 އަހަރު ވަންދެން ޝަހީދު ހިދުމަތް ކުރެއްވި އެވެ. އޭނާއަކީ ސަރުކާރު ހިންގާ މައި ޕާޓީ، ޕީޕަލްސް ނޭޝަނަލް ކޮންގްރެސް (ޕީއެންސީ) ގެ ސެނެޓްގެ ވެސް މެންބަރެކެވެ.