މާލެ ސިޓީގައި މިފަހަރު ފިތުރު އީދު ނަމާދު ކުރާނީ 27 މިސްކިތެއްގައި ކަމަށް އިސްލާމިކް މިނިސްޓްރީން ބުނެފި އެވެ.

އިސްލާމިކް މިނިސްޓްރީން ބުނީ މިފަހަރު އީދު ނަމާދު ކުރަން ފަށާނީ ހެނދުނު 07:00 ޖަހާއިރު ކަމަށެވެ.

މާލޭގައި ބޮޑު ޖަމާއަތުގައި އީދު ނަމާދު ކުރެވޭނީ މާފަންނު ސްޓޭޑިއަމުގައި ކަމަށްވާއިރު، ވިލިމާލޭގައި ބޮޑު ޖަމާއަތުގައި އީދު ނަމާދުކުރާނީ ވިލިމާލެ ބޯލަދަނޑުގަ އެވެ. އަދި ހުޅުމާލޭގައި ބޮޑު ޖަމާއަތުގައި އީދު ނަމާދުކުރާނީ ސިންތެޓިކް ޓްރެކްގައި ކަމަށްވާއިރު، ފޭސް 2 ގައި ބޮޑު ޖަމާއަތުގައި އީދު ނަމާދުކުރާނީ ކްރިކެޓް ސްޓޭޑިއަމްގަ އެވެ.

ވިއްސާރަވުމުގެ ސަބަބުން މައިދާންތަކުގައި ކުރުމަށް ހަމަޖެހިފައިވާ އީދޫ ނަމާދުގެ ބޮޑު ޖަމއާއަތް ކެންސަލްވެއްޖެނަމަ، އީދު ނަމާދު ކުރާނީ މާލެ ސިޓީގެ ހުކުރު ނަމާދު ކުރާ ހުރިހާ މިސްކިތެއްގައި ކަމަށް އިސްލާމިކް މިނިސްޓްރީން ބުންޏެވެ.

އީދު ނަމާދު ކުރުމަށް ހަމަޖެހިފައިވާ ތަންތަން:

1. މާފަންނު ސްޓޭޑިއަމް (ބޮޑު ޖަމާއަތް) - މާލެ
2. އިސްލާމީ މަރުކަޒު - މާލެ
3. މަސްޖިދުލްމަލިކި ސަލްމާން - މާލެ
4. މަސްޖިދުލްފުރުގާން - މާލެ
5. މަސްޖިދުއްނޫރު - މާލެ
6. މަސްޖިދުއް ޝަހީދު އަލީ - މާލެ
7. ތައިބާ މިސްކިތް - މާލެ
8. ދުބުރި މިސްކިތް - މާލެ
9. ފަނޑިޔާރު މިސްކިތް - މާލެ
10. ބަންޑާރަ މިސްކިތް - މާލެ
11. މަސްޖިދު ސަލާހުއްދީން - މާލެ
12. މަސްޖިދު ޖަލާލުއްދީން - މާލެ
13. މަސްޖިދު އިބްރާހިމް - މާލެ
14. މަސްޖިދު އިސްކަންދަރު - މާލެ
15. ވަގުތީ މިސްކިތް (ބޮޑުގެ) - މާލެ
16. ރަންމިސްކިތް - މާލެ
17. ފައިފުހޭ މިސްކިތް - މާލެ
18. މާފަންނު އާ މިސްކިތް - މާލެ
19. ވިލިގިލި ބޮޑުޖަމާއަތް (ވިލިގިލި ބޯޅަދަނޑު) - ވިލިމާލެ
20. މަސްޖިދުއްސަލާމް ވިލިމާލެ
21. ހުޅުމާލެ ބޮޑު ޖަމާއަތް (ސިންތެޓިކް ޓްރެކް) - ހުޅުމާލެ
22. މަސްޖިދުއްޝައިހް ގާސިމް ބިން މުހައްމަދު އަލް ޘާނީ (ހުޅުމާލެ ފޭސް 1) - ހުޅުމާލެ
23. މަސްޖިދު ރަޝީދު (ހުޅުމާލެ ފޭސް 1) - ހުޅުމާލެ
24. މަސްޖިދު އަޒީޒާ މޫސާ (ހުޅުމާލެ ފޭސް 1) - ހުޅުމާލެ
25. ހުޅުމާލެ ބޮޑުޖަމާއަތް (ކްރިކެޓް ސްޓޭޑިއަމް) - ހުޅުމާލެ ފޭސް 2
26. މަސްޖިދު ހަސަން އާދަމް - ހުޅުމާލެ ފޭސް 2
27. މަސްޖިދު އަބީބަކުރިނިއްސިއްދީގު - ހުޅުމާލެ ފޭސް 2