އަދަދު ނޫހުގެ ސީއީއޯ، ހުސެއިން ފިޔާޒު މޫސާއަށް ދިވެހިރާއްޖޭގެ ރައީސުލްޖުމްހޫރިއްޔާ ޑރ. މުހައްމަދު މުއިއްޒު ފޯނުން ގުޅުއްވައި އިންޒާރު ދެއްވައި ބިރުދެއްކެވި މައްސަލަ ފުލުހުންނަށް ހުށަހަޅައިފި އެވެ.

ފިޔާޒުއަށް ރައީސް މުއިއްޒު ފޯނުން ގުޅުއްވައި ބިރު ދެއްކެވީ ރޭ އިރާކޮޅު 7:04 ގަ އެވެ. ފިޔާޒުއަށް ގުޅުއްވައި ރައީސް އިންޒާރު ދެއްވީ އެމްޑީޕީގެ އެއްވުމެއްގައި އެ ޕާޓީގެ މެންބަރަކު ރައީސްގެ އާއިލާ ބޭފުޅަކާ ބެހޭގޮތުން ދެއްކި ވާހަކައާ ގުޅިގެން ކޯފާ އިސްކުރައްވަ އެވެ.

Advertisement

މިނެޓެއްހާ އިރަށް ދިގުދެމިގެންދިޔަ އެ ފޯނު ކޯލުގައި ފިޔާޒުއަށް ރައީސް އިންޒާރު ދެއްވީ އަދަދު ނޫހާއި ފިޔާޒު އާމެދު އެޅުއްވެން އޮތް އެންމެ ހަރުކަށި ފިޔަވަޅެއް އަޅުއްވާނެ ކަމަށް ވިދާޅުވެ އެވެ.

އަދަދު ނޫހުގެ ނޫސްވެެރިންނަށާއި ފިޔާޒުއަށް ހަރުކަށި ފިޔަވަޅު އަޅުއްވާނެ ކަމަށް ވިދާޅުވެ ރައީސް ތިން ފަހަރު ފިޔާޒުއަށް އިންޒާރު ދެއްވި އެވެ.

"ތިންވަނަ ފަހަރަށް މި ބުނަނީ، އެޅެން އޮތް އެންމެ ހަރުކަށި ފިޔަވަޅު އަޅާނަން،" ފޯނު ބޭއްވެވުމުގެ ކުރިން ރައީސް ވިދާޅުވި އެވެ.

Advertisement

ރައީސްގެ ދަރިކަލުންގެ ވާހަކަ ދެއްކުމުން އެކަން ކުށްވެރިކޮށްފި

"ކުރެވޭ މިފަދަ ކަންކަމުން ކުދިންގެ ޖިސްމާނީ އަދި ނަފުސާނީ ދުޅަހެޔޮކަމަށް އަސަރުކުރާނެކަން ވިސްނާލުމަކީ، ސިޔާސީ ހަރަކާތްތައް އިންތިޒާމުކުރާ ފަރާތްތަކާއި އަދި ސޯޝަލް މީޑިއާ ބޭނުންކުރާ ފަރާތްތަކުން ނުހަނު ބޮޑަށް ވިސްނަންޖެހޭނެ ކަމެއް ކަމަށް ދެކެން،" ޝަފީއު ވިދާޅުވި އެވެ.

ރައީސްގެ ދަރިކަލުންގެ ވާހަކަ ދެއްކުމުން އެކަން ކުށްވެރިކޮށްފި

"ކުރެވޭ މިފަދަ ކަންކަމުން ކުދިންގެ ޖިސްމާނީ އަދި ނަފުސާނީ ދުޅަހެޔޮކަމަށް އަސަރުކުރާނެކަން ވިސްނާލުމަކީ، ސިޔާސީ ހަރަކާތްތައް އިންތިޒާމުކުރާ ފަރާތްތަކާއި އަދި ސޯޝަލް މީޑިއާ ބޭނުންކުރާ ފަރާތްތަކުން ނުހަނު ބޮޑަށް ވިސްނަންޖެހޭނެ ކަމެއް ކަމަށް ދެކެން،" ޝަފީއު ވިދާޅުވި އެވެ.

ރައީސްގެ އާއިލާ ބޭފުޅަކާ ބެހޭގޮތުން އެމްޑީޕީގެ އެއްވުމެއްގައި ދެއްކެވި ވާހަކައަކާ ގުޅިގެން އަދަދު ނޫހަށް ފިޔަވަޅު އަޅުއްވާނެ ކަަމަށް ވިދާޅުވެ ރައީސް އިންޒާރު ދެއްވިއިރު، ރައީސްގެ އާއިލާ ބޭފުޅަކާ ބެހޭގޮތުން އެމްޑީޕީގެ އެއްވުމުގައި ދެއްކި ވާހަކަ މި ނޫހުގައި ރިޕޯޓު ވެސް ކޮށްފައެއް ނުވެ އެވެ.

މިކަމާ ގުޅިގެން އެންމެ ފުރަތަމަ ވެސް މި ނޫހުގައި ހަބަރެއް ޝާއިއު ކުރީ އެކަން ކުށްވެރިކޮށް ސަރުކާރުގެ އިސް ބޭފުޅުން ދެއްކެވި ވާހަކައިންނެވެ.