ހުޅުމާލެ ފޭސް 2 ގެ ހިޔާ ޓަވަރެއްގެ ދެވަނަ ފަންގިފިލާއިން މީހަކު ވެއްޓި ހޮސްޕިޓަލުގައި ފަރުވާ ދޭން ފަށައިފި އެވެ.

ފުލުހުން ބުނީ ހިޔާގެ ތިންވަނަ ޓަވަރުގެ ދެވަނަ ފަންގިފިލާއިން ވެއްޓުނު އެ މީހާއަށް ފަރުވާ ދެމުންދަނީ ހުޅުމާލެ ހޮސްޕިޓަލުގައި ކަމަށެވެ.

އެ މައްސަލަ ތަހުގީގު ކުރަމުންދާ ކަމަށް ވެސް ފުލުހުން ބުންޏެވެ.

ހިޔާގެ ފަސް ވަނަ ޓަވަރުގެ 13 ފަންގިފިލާއިން މިދިޔަ ޑިސެމްބަރު 12، ވަނަ ދުވަހުގެ ރޭ 16 އަހަރުގެ ކުއްޖަކު ވެއްޓި މަރުވި އެވެ.

އަދި އޮކްޓޯބަރު، 2023 ގައި ވެސް ހިޔާގެ ހަވަނަ ޓަވަރުގެ 12 ވަނަ ފަންގިފިލާއިން ވެއްޓި ފަރުވާ ދެމުންދިޔަ 15 އަހަރުގެ ކުއްޖަކު މަރުވި އެވެ.