އެންމެ ފަހުން ބޭއްވި ރިޔާސީ އިންތިހާބުގައި ދަ ޑިމޮކްރެޓްސްގެ ކެންޑިޑޭޓުގެ އިލްޔާސް ލަބީބުގެ ރަނިންމޭޓެއްގެ ގޮތުގައި ވާދަ ކުރެއްވި ހުސައިން އަމްރު، އަލުން އެމްޑީޕީ އަށް ސޮއިކޮށްފި އެވެ.

މިކަމާ ގުޅޭ ގޮތުން އަމްރުގެ ރަސްމީ ބަހެއް ނުލިބެ އެވެ.

އޭނާ އެމްޑީޕީއަށް ސޮއިކުރިކަން އެ ޕާޓިގެ ބައެއް އިސް ބޭފުޅުން އަދި ދަ ޑިމޮކްރެޓްސްގެ ބައެއް މެންބަރުން "އަދަދު" ނޫހަށް ކަށަވަރުކޮށް ދެއްވި އެވެ.

އަމްރަށް މަރުހަބާ ކިޔައި ރައްޔިތުންގެ މަޖިލީހުގެ ހުޅުމާލޭ ދާއިރާގެ ކުރީގެ މެންބަރު އަލީ ނިޔާޒު އެކްސްގައި ކުރެއްވި ޕޯސްޓެއްގައި ބުނީ ސިޔާސީ އިސްލާހީ މަސައްކަތުގައި އަބަދުވެސް އެންމެ މުހިއްމު މަސައްކަތެއް ކުރެވޭނެ ޖާގަ އޮންނާނީ އެމްޑީޕީގައި ކަމަށާއި، ސިޔާސީ ކުރިމަގު ހޯދަން އެދޭ ކޮންމެ މީހަކަށް އެމްޑީޕީ އޮތީ ތަންމިނަށް ހުޅުވިފައި ހުޅުވާލައިގެން ކަމަށެވެ.

އެމްޑީޕީ ލީޑަޝިޕްގެ ގިނަ މަސައްކަތެއް އަމްރު ކުރެއްވި އެވެ. ނަމަވެސް، 2023 ގެ ރިޔާސީ އިންތިހާބު ކައިރިވެފައި ވަނިކޮށް، އަމްރު އެމްޑީޕީން ވަކިވެ ޑެމްސްއާ ގުޅުނެވެ.

އަމްރުގެ އިތުރުން ޑެމްސްގެ ލީޑަޝިޕްގައި ތިއްބެވި ބައެއް ބޭފުޅުން ވަރަށް އަވަހާ އެމްޑީޕީއާ ގުޅޭނެ ކަމަށް އަދަދު ނޫހާ ވާހަކަ ދެއްކި ބައެއް މީހުން ބުންޏެވެ.