މަރުވެގެން އައިޖީއެމްއެޗް ހޮސްޕިޓަލަށް ގެންދިޔަ މީހެއްގެ ޕޯސްޓްމޯޓަމް ހަދަން ފުލުހުން ނިންމައިފި އެވެ.

ފުލުހުން ބުނީ މަރުވެފައި އޮތް މީހަކު އައިޖީއެމްއެޗަށް ގެންދިޔަ ކަމުގެ މައުލޫމާތު ލިބުނީ 09:53 ގަ އެވެ.

މަރުވީ މ. ތަރިވިލާގެ، ހުސެއިން އަހުމަދު، 41 ގައި ކަމަށް ފުލުހުން ބުންޏެވެ.

"ނިޔާވެފައިވާ މީހާގެ ޕޯސްޓްމޯޓަމް ހެދުމަށް ހަމަޖެހިފައިވާ،" ފުލުހުން ބުންޏެވެ.

"އަދަދު" އަށް އެނގިފައިވާ ގޮތުގައި އެ މީހާ މަރުވެފައި އޮއްވާ ފެނިފައި ވަނީ މަސްތުވާތަކެތި ވިއްކާ "ކާޓެލް" އެއްގެ ތެރެއިންނެވެ.

އެ މައްސަލަ ތަހުގީގު ކުރަމުންދާ ކަމަށް ފުލުހުން ބުންޏެވެ.

މާލޭގެ ގެތަކުން މިދިޔަ އަހަރު ވެސް އެކި ފަހަރު މަތިން މަރުވެފައި އޮތް މީހުން ފެނިފައިވެ އެވެ. އޭގެ ތެރެއިން ބައެއް މަރުތަކާ ގުޅިގެން ޝައްކު އުފެދޭ ކަންކަން ހުރުމުން ޕޯސްޓްމޯޓަމް ހަދާފައިވެ އެވެ.