ކުއްލި ނުރައްކަލުގެ ހާލަތު އިއުލާން ކުރި މައްސަލައިގައި ދެކުނު ކޮރެއާގެ ކުރީގެ ރައީސް ޔޫން ސުކް ޔިއޯލް ހައްޔަރު ކުރަން އަމުރަކަށް އެދިއްޖެ އެވެ.

ދެކުނު ކޮރެއާގެ ޖޮއިންޓް އިންވެސްޓިގޭޝަން ހެޑްކުއާޓާސްއިން ބުނީ ޔޫން ހައްޔަރު ކުރަނީ މަގާމުގެ ނުފޫޒު ނަހަމަ ގޮތުގައި ބޭނުން ކުރި މައްސަލައިގަ އެވެ.

ތަހުގީގު ޓީމުގެ އޮފިޝަލަކާ ހަވާލާ ދީ އަލްޖަޒީރާއިން ބުނީ ޔޫން ހައްޔަރު ކުރުމުގެ އަމުރަކަށް އެދުނީ ތަހުގީގަށް ހާޒިރުވާން ތަކުރާރުކޮށް އެންގުމުން ވެސް ހާޒިރުވެފައި ނުވާތީ ކަމަށެވެ.

ޔޫން ހައްޔަރުކޮށްފިނަމަ، އޭނާ ވެގެންދާނީ ފުލުހުންގެ ބަންދަށް ގެންދާ ދެކުނު ކޮރެއާގެ ފުރަތަމަ ރައީސްއަށެވެ.

ދެކުނު ކޮރެއާގައި ކުއްލި ނުރައްކަލުގެ ހާލަތު ޔޫން އިއުލާން ކުރީ ޑިސެމްބަރު 3، ގަ އެވެ. ނަމަވެސް ގިނަ އިރުތަކެއް ނުވަނީސް އެ ގައުމުގެ ގާނޫނު ހަދާ މަޖިލީީހުން އެ ކުއްލި ނުރައްކަލުގެ ހާލަތު އުވައިލި އެވެ.

އެއަށް ފަހު ޑިސެމްބަރު 14، ގައި ޔޫން މަގާމުން ވަކިކުރި އެވެ.