ޖަޕާނުގެ ގާނޫނު ހަދާ މަޖިލިސް ކަމަށްވާ ހައުސް އޮފް ކައުންސިލާސްގެ ލިބެރަލް ޑިމޮކްރަޓިކް ޕާޓީގެ ޓޮޝިޔޫކީ އަޑާޗީ، 70 ރާއްޖޭގައި ސްނޯކްލިންއަށް ގޮސް އުޅެނިކޮށް ނިޔާވެއްޖެ އެވެ.

ފުލުހުން ބުނީ ޅ. އަތޮޅުގައި ހިންގާ ރިސޯޓެއްގައި ޗުއްޓީ ހޭދަ ކުރަމުންދިޔަ ޖަޕާނުގެ 70 އަހަރުގެ ފިރިހެން ފަތުރުވެރިޔަކު ސްނޯކްލިންއަށް ގޮސް އުޅެނިކޮށް މޫދުގައި މަރުވެފައި އޮތް ކަމުގެ ރިޕޯޓު އިއްޔެ 08:33 ހާއިރު ލިބުނު ކަމަށެވެ.

ނަމަވެސް އެއީ ކާކުކަން ފުލުހުން ހާމައެއް ނުކުރެ އެވެ.

"އަދަދު" އަށް އެކި މަސްދަރުތަކުން ޔަގީން ވެފައިވާ ގޮތުގައި ނިޔާވީ ޓޮޝިޔޫ އެވެ.

އެ މަރުގެ މައްސަލަ ފުލުހުން ތަހުގީގު ކުރަމުން އަންނަ ކަމަށް އެ އިދާރާއިން ވަނީ ބުނެފަ އެވެ.

ޖަޕާނުގެ ގާނޫނު ހަދާ މަޖިލީހަށް ޓޮޝިޔޫ އިންތިހާބުވީ 2016 ގަ އެވެ.

އޭގެ ކުރިން އޭނާ ވަނީ ޖަޕާނުގެ އެކި މިނިސްޓްރީތަކުގައި މަސައްކަތް ކުރައްވާފަ އެވެ.