އަޒަރުބައިޖާން އެއާލައިންސްގެ ފްލްލައިޓު ކަޒަކްސްތާނަށް ވެއްޓުނީ ރަޝިއާއިން ދިން މިސައިލް ހަމަލާއެއްގެ ސަބަބުން ކަމަށް އަޒަރުބައިޖާނުން ތުހުމަތު ކޮށްފައިވާ ކަމަށް ރިޕޯޓްތައް ބުނެފި އެވެ.

ރިޕޯޓްތައް ބުނާ ގޮތުން އަޒަރުބައިޖާނުން ކުރިއަށް ގެންދިޔަ ޕްރިލިމިނަރީ ތަހުގީގުން ދައްކާ ގޮތުގައި ފްލައިޓު ވެއްޓުނީ ރަޝިއާގެ އެއާ ޑިފެންސް ސިސްޓަމުން ފޮނުވާލި މިސައިލަކުންނެ ކަމަށެވެ.

ނަމަވެސް މިހާތަނަށް ރަސްމީކޮށް އަޒަރުބައިޖާނުން އެކަން ހާމަކޮށްފައި ނުވާއިރު، ފްލައިޓު ވެއްޓުނީ ރަޝިއާގެ އިހުމާލުން ކަމަށް އަޒަރުބައިޖާނުގެ އިތުރުން ގިނަ ބަޔަކު ވެސް އަންނަނީ ތުހުމަތު ކުރަމުންނެވެ.

ރަޝިއާގެ ފެޑެރަލް އެއާ ޓްރާންސްޕޯޓް އެޖެންސީން ހާދިސާއާ ގުޅިގެން ބުނީ ފްލައިޓު ވެއްޓެން މެދުވެރިވީ ދޫނިތަކެއްގައި ޖެހުމުންނެވެ. އެގޮތުން ފްލައިޓު އެމަޖެންސީ ލޭންޑިންއެއް ކުރަން ޖެހުނީ ކަމަށް އެ އެޖެންސީން ބުންޏެވެ.

އެ ފްލައިޓު ވެއްޓުނު ހާދިސާގައި 38 މީހުން މަރުވިއިރު، 29 މީހަކު ޒަހަމްވި އެވެ. އޭޣެ ތެރެއިން ޒަހަމްވި ގިނަ މީހުންނަށް ހޮސްޕިޓަލުގައި އަންނަނީ ފަރުވާ ދެމުންނެވެ.