ތ. މަޑިފުށިން ދިވެހި ފިރިހެނަކު ގެއްލިގެން ހޯދުމުގެ މަސައްކަތް ފުލުހުން ފަށައިފި އެވެ.

އެކްސްގައި ފުލުހުން ކުރި ޕޯސްޓެއްގައި ބުނީ ގެއްލިގެން ހޯދަމުންދަނީ ހަސަން ނިހާލު 34، ބޮންތި، ތ. މަޑިފުށި ކަމަށެވެ.

ފުލުހުން ބުނީ އޭނާގެ ހަބަރެއް ނުވެގެން ފުލުހުންނަށް އާއިލާއިން ރިޕޯޓު ކުރީ މިދިޔަ އާދީއްތަ ދުވަހުގެރޭ 8:00 ހާއިރު ކަމަށެވެ.

ނިހާލު އާ ބެހޭ އެއްވެސް މައުލޫމާތެއް އެނގޭނަމަ، ފުލުހުންގެ ހޮޓްލައިން ނަންބަރު 3322111 އަކަށް ނުވަތަ މަޑިފުށި ޕޮލިސް ސްޓޭޝަންގެ ނަންބަރު 9868475 އަށް ގުޅައި މައުލޫމާތު ހިއްސާ ކޮށްދިނުމަށް ފުލުހުން ވަނީ އެދިފަ އެވެ.