ޔުނައިޓެޑް ކިންގްޑަމް (ޔޫކޭ)ގެ މައި ދެތަން ކަމަށްވާ އިންގްލެންޑާއި ވޭލްސްގައި މިދިޔަ އަހަރު އުފަންވި ފިރިހެން ކުދީންގެ ތެރެއިން އެންމެ ގިނަ ކުދިންނަށް ކީ ނަމަކީ މުހައްމަދު ކަމަށް ތަފާސް ހިސާބުތަކުން ދައްކައިފި އެވެ.

ޔޫކޭގެ އޮފީސް ފޯ ނެޝަނަލް ސްޓެޓިސްޓިކްސް (އޯއެންއެސް) ގެ ތަފާސް ހިސާބުތަކާ ހަވާލާދީ ބީބީސީން ޖެހި ރިޕޯޓެއްގައިވާ ގޮތުން އިންގްލެންޑާއި ވޭލްސްގައި މީގެ ކުރިން އެންމެ ގިނަ ކުދިންނަށް ކިޔަމުން އައި ނަމަކީ "ނޯހް" ކަމަށް ވިޔަސް، މިދިޔަ އަހަރު "މުހައްމަދު" އެއް ވަނަ އަށް އަރައި "ނޯހް" ވަނީ ދެވަނައަށް ވެއްޓިފަ އެވެ. ނޯހް އަކީ 2016 އިން ފެށިގެން އެއްވަނައިގައި ހިފަހައްޓަމުން އައި ނަމެކެވެ.

އިންގްލެންޑާއި ވޭލްސްގައި މިދިޔަ އަހަރު މުހައްމަދުގެ ނަމުގައި ރަޖިސްޓްރީ ކުރި ކުދިންގެ އަދަދަކީ 4،600 އެވެ.

އެއްވަނައިގައި އެ ނަން އޮތް ފިރިހެން ކުދިންނަށް އެންމެ ގިނައިން ކީ ނަންތަކުގެ ގަދަ 10 ގައި އަރަބި އެހެން ނަމެސް ނުވެސް ނެތެވެ.

އޯއެންއެސްގެ ތަފާސް ހިސާބުތަކުން ދައްކާ ގޮތުގައި އިންގްލެންޑާއި ވޭލްސްްގައި މިދިޔަ އަހަރު އުފަންވި ކުދިންގެ ތެރެެއިން އެންމެ ގިނަ އަންހެންކުދިންނަށް ކީ ނަމަކީ އޮލީވިއާ އެވެ.