ވީބީ މާޓުން ކުރިއަށް ގެންދާ ޕްރިންގަލްސް ސްކްރެޗް ސްކޭން އެންޑް ވިން ޕްރޮމޯގެ ދަށުން އަގުހުރި އިނާމްތަކާއެކު ހޯދުމުގެ ފުރުސަތު ހުޅުވާލައިފި އެވެ.

ޑިސެމްބަރު 31، ގެ ނިޔަލަށް ކުރިއަށްދާ އެ ޕްރޮމޯޝަންގައި ޕްރިންގަލްސް ދަޅެއް ގަތުމަށް ފަހު، ދަޅުގައިވާ ކިއުއާރު ކޯޑު ކަހާލައި ސްކޭން ކުރުމަށްފަހު، ފޯނު ނަންބަރު ޖަހާލުމުން ޕްރޮމޯޝަންގައި ބައިވެރިވެވޭނެ އެވެ.

އެ ޕްރޮމޯޝަންގެ އެއްވަނަ އިނާމުގެ ގޮތުގައި ދެ މީހަކަށް އުމްރާ ދަތުރެއް ވަނީ ކަނޑަ އަޅާފަ އެވެ. ދެވަނަ އިނާމަކަށް އައިފޯން 16 ޕްރޯ މެކްސްއެއް ކަނޑައަޅާފައިވާއިރު، ތިންވަނަ އިނާމަކީ ޕީއެސް 5 އެކެވެ.

މީގެ އިތުރުން ކޮންމެ ހަފްތާއަކު ގުރުއަތުން ހޮވާލެވޭ ފަރާތަކަށް 5000ރ. ގެ ފައިސާގެ އިނާމެއް ލިބޭއިރު، ކޮންމެ ދުވަހަކު ގުރުއަތުން ހޮވާލެވޭ ފަރާތަކަށް ހާއްސަ އިނާމެއް ލިބެ އެވެ.

ރާއްޖޭގައި ފުޅާ ދާއިރާއެއްގައި ހޯލްސޭލް އަދި ރީޓެއިލް ވިޔަފާރި ކުރަމުން އަންނަ ޕްރިންގަލްސް ރާއްޖެ އެތެރެކޮށް މާކެޓް ކުރަނީ ވީބީ ބްރަދާސް އިންނެވެ.

މާލޭގައި ވީބީގެ ދެ މާޓު ހުރެ އެވެ. ހުޅުމާލޭ ފިތުރޯނު މަގުގައި ހުންނަ އޯޝަން ފްރޮންޓް ރެސިޑެންސްގެ ގްރައުންޑު ފްލޯގައި ވީބީގެ އާ މާޓެއް ދާދި ފަހުން ވަނީ ހުޅުވާފަ އެވެ.

އޭގެއިތުރުން ވީބީގެ ހޯލްސޭލް ފިހާރަ މާލޭގެ އިތުރުން ހުޅުމާލޭގައި ވެސް ހުރެ އެވެ.