އުމުރުން 10 އަހަރުގެ އަންހެން ކުއްޖަކަށް ޖިންސީ ގޯނާ ކުރި ކަމުގެ ތުހުމަތުގައި 51 އަހަރުގެ ދިވެހި ފިރިހެނަކު ހައްޔަރުކޮށްފި އެވެ.

ފުލުހުން ބުނީ ސައުތު ސެންޓްރަލް ޕޮލިސް (މ، ފ، ދ، ތ، ލ) ހިމެނޭ ރަށަކުން، ޖިންސީ ގޯނާގެ އެ މައްސަލަ ރިޕޯޓު ކުރީ އިއްޔެގެ ވަގުތެއްގައި ކަމަށެވެ.

އެކަމާ ގުޅިގެން އިތުރު ތަފްސީލެއް ފުލުހުން ހާމައެއް ނުކުރެ އެވެ. އެ މައްސަލަ ތަހުގީގު ކުރަމުންދާ ކަމަށް ފުލުހުން ބުންޏެވެ.

ކުޑަ ކުދިންނާ ގުޅޭ ޖިންސީ ގޯނާގެ މައްސަލަތަކަކީ ސީރިއަސް މައްސަލަތަކެއްކަމުން، އެ ކުދިންގެ އައިޑެންޓިޓީ ރައްކާތެރި ކުރުމުގެ ގޮތުން ފުލުހުން އެ ކުދިން ނިސްބަތްވާ އަތޮޅާއި ރަށް ހާމައެއް ނުކުރެ އެވެ.