މިއަދު ރާއްޖޭގެ ބޮޑު ސަރަހައްދަކަށް މޫސުން ގޯސްވާނެ ކަމާއި ބައެއް ރަށްތަކަށް ބޯކޮށް ވާރޭ ވެހޭނެ ކަމަށް މޫސުމާބެހޭ ގައުމީ އިދާރާ މޯލްޑިވްސް މީޓިއޮރޮލޮޖިކަލް ސާވިސްއިން ލަފާކޮށްފި އެވެ.

މާލޭ ސަރަހައްދަށް ރެއިން ފެށިގެން ދަނީ ވާރޭ ވެހެމުންނެވެ.

މެޓް އޮފީހުން ބުނީ ރާއްޖޭގެ އެކި ހިސާބުތަކަށް ވިއްސާރަ ކުރުމާއެކު ގުގުރާނެ ކަމަށާއި، ދެކުނާއި މެދުރާއްޖެތެރޭގެ ބައެއް ރަށްތަކަށް ބޯކޮށް ވާރޭ ވެހޭނެ ކަމަށެވެ.

ސެޓްލައިޓު ފޮޓޯތަކުން ފެންނަ ގޮތުގައި ރާއްޖޭގެ ދެކުނުގެ އަތޮޅުތަކުގެ މަތީގައި ވިއްސާރަ ވިލާ އުފެދިފައިވެ އެވެ.

މިއަދު ހަވީރު 6 ޖެހުމާ ހަމައަށް މޫސުން ގޯސްކޮށް ދައްކާ ކަމަށް މެޓު އޮފީހުން ލަފާކުރާއިރު، ދެކުނުގެ އަތޮޅުތަކަށް ވައިގެ ބާރުމިން ހުންނާނީ ގަޑިއަކު 5 މޭލާއި 15 މޭލުގަ އެވެ. އެހެން ހިސާބުތަކަށް 3 މީލާއި 13 މޭލުގަ އެވެ.

މެޓު އޮފީހުން ވަނީ މިއަދު މެންދުރު 1:30 އާ ހަމައަށް، ބ. އަތޮޅުން ފެށިގެން އދ. އަތޮޅަށް ހުދު އެލާޓު ނެރެފަ އެވެ.