ރާއްޖޭގައި ފުޅާ ދާއިރާއެއްގައި ގެސްޓްހައުސް ވިޔަފާރި ކުރަމުން އަންނަ ކާނި ހޮޓެލްސް އެންޑް ރިސޯޓްސް އާއި ވީރަންއާ ދެމެދު ސްޓްރެޓެޖިކް ޕާޓްނާޝިޕް އެއްބަސްވުމެއްގައި ސޮއިކޮށްފި އެވެ.

ކާނި ހޮޓެލްސް އާއި ވީރަންއާ ދެމެދު އެ އެއްބަސްވުން ގާއިމު ކުރީ ދުޅަހެޔޮ ސިއްހަތެއްގައި ހުރުމަށް ޕްރޮގްރާމެއް ކުރިއަށް ގެންދިޔުމަށެވެ.

އެ ޕްރޮގްރާމް ކުރިއަށްގެންދާނީ ހޮވާލެވޭ ހުކުރު ދުވަސްތަކާއި ސަރުކާރު ބަންދު ދުވަސްތަކުގަ އެވެ. އެ ޕްރޮގްރާމުގެ ބައިވެރިންނަށް ހިނގާފައި، ދުވަމުން އަދި ޖޮގް ކުރަމުން ހަރަކާތް ނިންމައިލެވިދާނެ އެވެ.

ކާނި ހޮޓެލްސްގެ ޖެނެރަލް މެނޭޖަރު ހުސެއިން ޝަމީމް ވިދާޅުވީ އެއްބަސްވުމުގެ މަގުސަދަކީ ދުޅަހެޔޮ ސިއްހަތެއްގައި ހުރުމަށް އެހީވެދީ، މުޖުތަމައުއަށް ވެސް އެހީތެރިވެ ދިނުން ކަމަށެވެ.

އެ ޕްރޮގްރާމުގެ ފުރަތަމަ ހަރަކާތް ބޭއްވުމަށް ހަމަޖެހިފައި ވަނީ ނޮވެމްބަރު 15، ގަ އެވެ.

ކާނި ހޮޓެލްސްއިން ބުނީ އެ ހަރަކާތުގައި އެކި ގެސްޓްހައުސްތަކާއި ފަތުރުވެރިންގެ އިތުރުން ރަށުގެ ރައްޔިތުން އަދި ރަށުން ބޭރުން އަންނަ ރައްޔިތުންނަށް ވެސް ބައިވެރިވެވޭނެ ކަމަށެވެ.

ވީރަންއަކީ ޓެމްޕޯއިން އިންތިޒާމުކޮށްގެން ބާއްވާ ހަރަކާތެކެވެ. އެ ހަރަކާތް ކުރިއަށް ގެންދަނީ ކޮމިއުނިޓީތައް މެދުގައި ގުޅުން ބަދަހިކޮށް ދުޅަހެޔޮ ސިއްހަތެއް ޕްރޮމޯޓް ކުރުމަށެވެ.