އުރީދޫ މޯލްޑިވްސްގެ ކަސްޓަމަރުންގެ ތެރެއިން ގަތަރުގައި ކުރިއަށްދާ ދޯހާ މެރެތަންގައި ދުވުމުގެ ދެ ފުރުސަތު ލިބޭ ލަކީ ޑްރޯއެއް އިއުލާނުކޮށްފި އެވެ.

ދޯހާ މެރެތަން އޮންނާނީ ޖަނަވަރީ 17، 2025 ގައި ގަތަރުގެ ދޯހާގަ އެވެ.

ލަކީ ޑްރޯގައި ބައިވެރިވުމުގެ ފުރުސަތު ކަސްޓަމަރުންނަށް އުރީދޫގެ ވެބްސައިޓު މެދުވެރިކޮށް އޮކްޓޯބަރު 26، އިން ފެށިގެން ނޮވެމްބަރު 26، ގެ 23:59 އާ ހަމައަށް ވަނީ ހުޅުވާލާފަ އެވެ.

ލަކީ ޑްރޯގައި ބައިވެރިވުމުގެ ޝަރުތުތައް:

• އުރީދޫ މޯލްޑިވްސްގެ ކަސްޓަމަރެއްގެ ގޮތުގައި މަދުވެގެން އެއް އަހަރު ދުވަސްވުން (ލަސްވެގެން އޮކްޓޯބަރު 23، 2023، އިން ފެށިގެން.
• ދޯހާ މެރެތަންގައި ހާފް މެރެތަންއެއް ނުވަތަ މެރެތަންއެއް ދުވުމުގެ ގާބިލްކަން ހުރުން (ސިއްހީ ގޮތުން) އަދި މީގެ ކުރިން ހާފް މެރެތަންއެއް ނުވަތަ މެރެތަންއެއް ދުވެފައިވުން.
• ގަތަރަށް އެތެރެވުމުގެ ޝަރުތުތައް ފުރިހަމަވާ ދިވެހި ޕާސްޕޯޓެއް އޮތުން.
• އޮކްޓޫބަރު، 26 ގެ 23:59 ގެ ކުރިން ލަކީ ޑްރޯގައި ބައިވެރިވުން.

ދޯހާ މެރަތަންއާ ބެހޭ އިތުރު މައުލޫމާތު ހޯދުމަށް އުރީދޫގެ ވެބްސައިޓަށް ޒިޔާރަތް ކުރުމަށް އެ ކުންފުނިން ވަނީ އެދިފަ އެވެ.

އުރީދޫއިން އަންނަނީ ކަސްޓަމަރުންނަށް އަބަދުވެސް އެކި ފުރުސަތުތައް ތަނަވަސް ކޮށްދީ، ކަސްޓަމަރުން ޝައުގުވެރިވާ އެކި ލަކީ ޑްރޯތައް އަބަދުވެސް ހިންގަމުންނެވެ.