އެމެރިކާގައި ނުހައްގުން ޖަލަށްލީ މީހަކު 10 އަހަރު ފަހުން ޖަލުން މިނިވަންކޮށް، އޭނާއަށް 50 މިލިއަން ޑޮލަރު ދިނުމަށް ޗިކާގޯގައި ހުންނަ ޑިސްޓްރިކްޓް ކޯޓުން އަންގައިފި އެވެ.

ގަސްތުގައި މީހަކު މެރުމުގެ ކުށުގައި މާސެލް ބްރައުން، 34، ޖަލަށް ލުމަށް ހުކުމްކުރީ އުމުރުން 19 އަހަރުގައި 35 އަހަރުގެ މުއްދަތަކަށެވެ.

"އަހަރެންނަށް ހުކުމްކުރިއިރު އަހަރެންނަކީ ޓީނޭޖާއެއް. އެމީހުން އަހަރެން ބެހެއްޓީ ނުރައްކާތެރި މީހުންނާއެކު. އެއްވެސް ރަހުމެއް ނުކުރޭ،" ބްރައުން ބުންޏެވެ.

މައްސަލައާ ގުޅިގެން ގަސްތުގައި މީހަކު މެރި ކަމަށް އިއުތިރާފުވާން ފުލުހުން ބްރައުންއަށް މަޖުބޫރު ކުރުވި ކަމަށް ލޯޔަރު ކުރިން ބުނެފައިވެ އެވެ.