ގދ. ގައްދޫގައި 18 އަހަރުގެ އަންހެނަކަށް ޖިންސީ ގޯނާކުރި މައްސަލާގައި ހައްޔަރުކުރި މީހާގެ ބަންދަށް ކޯޓުން 15 ދުވަހުގެ މުއްދަތެއް ޖަހައިފި އެވެ.

އެ މައްސަލާގައި ރޭގެ ވަގުތެއްގައި ހައްޔަރުކުރީ 28 އަހަރުގެ ދިވެހި ފިރިހެނެކެވެ.

ފުލުހުން މިރޭ ބުނީ އޭނާގެ ބަންދާ މެދު ގޮތެއް ނިންމުމަށް ހާޒިރުކުރީ ގައްދޫގައި ހުންނަ މެޖިސްޓްރޭޓް ކޯޓަށެވެ. އަދި އޭނާގެ ބަންދަށް ކޯޓުން ޖެހީ 15 ދުވަސް ކަމަށް ފުލުހުން ބުންޏެވެ.

އެ އިދާރާ އިން އަންނަނީ އެ މައްސަލަ އިތުރަށް ތަހުގީގުކުރަމުންނެވެ.