އެމެރިކާގެ ރިޔާސީ އިންތިހާބުގައި ވާދަކުރައްވާ އެ ގައުމުގެ ކުރީގެ ރައީސް ޑޮނަލްޑް ޓްރަމްޕް، 78 ގެ ރަނިންމޭޓަކަށް ޖޭޑީ ވެންސް، 39 ހަމަޖައްސައިފި އެވެ.

ޓްރަމްޕް ވިދާޅުވީ ރަނިންމޭޓަކަށް ވެންސް ހަމަޖައްސަން ނިންމީ ވަރަށް ގިނަ މަޝްވަރާތަކަށްފަހު، ގިނަ ބައެއްގެ ލަފަޔާއެކު ކަމަށާއި އޭނާއަކީ ނައިބުރައީސްކަމަށް ގެންނަން އެންމެ ރަނގަޅު ބޭފުޅާ ކަމަށެވެ.

ވެންސް އޮހާޔޯގެ ސެނެޓާގެ މަގާމަށް އިންތިހާބުވީ މިދިޔަ އަހަރު އެވެ. އޭނާ ވަނީ ލޯ ސްކޫލަކުން ގްރެޖުއޭޓްވެ، ސެނެޓާއަކަށް އިންތިހާބުވުމުގެ ކުރިން ވެންސް އެމެރިކާގެ މިލިޓަރީގައި ހިދުމަތްކުރި އެވެ.

ނޮވެމްބަރު 5، ގައި އޮންނަ އެމެރިކާގެ އިންތިހާބުގައި ޓްރަމްޕް ވާދަކުރައްވާނީ އެ ގައުމުގެ މިހާރުގެ ރައީސް ޖޯ ބައިޑެން، 81 އެވެ. ބައިޑެންގެ ރަނިން މޭޓަކީ ކަމަލާ ހެރިސް، 59 އެވެ.

ރަނިންމޭޓަކީ ވެންސްކަން އިއުލާންކުރީ ޓްރަމްޕަށް އަމާޒުކޮށް ބަޑިން ހަމަލާދިންތާ ދެ ދުވަސް ތެރޭގަ އެވެ. އެ ހަމަލާއިން ޓްރަމްޕް ސަލާމަތްވި ނަމަވެސް، އޭނާގެ ކަންފަތަށް ޒަހަމްތައް ލިބުނެވެ.