ފުލުހުންގެ ބެލުމުގެ ދަށުން ޑްރަގް ކޯޓަށް މީހަކު ގެންދަން އުޅުމުގެ ތެރޭގައި އޭނާއަށް އަނިޔާވެ އައިޖީއެމްއެޗުގައި އެޑުމިޓުކޮށްފި އެވެ.

ފުލުހުން ބުނީ އެއީ ޑްރަގް ކޯޓު އަމުރެއްގެ ދަށުން މާދަމާ އެ ކޯޓަށް ހާޒިރު ކުރުމަށް ފުލުހުންގެ ބެލުމުގެ ދަށަށް ގެނައި މީހެއް ކަމަށެވެ. އަދި އެއީ 38 އަހަރުގެ ފިރިހެނެއް ކަމަށެވެ.

Advertisement

އެ މީހާ އަނިޔާވެ އައިޖީއެމެއެޗުގައި މިވަގުތު ދަނީ ފަރުވާދެމުންނެވެ.

މީގައި ފުލުހުން އަމަލުކުރި ގޮތާ މެދު އާއިލާގެ ސީރިއަސް ކަންބޮޑުވުންތަކެއް ހުރި ކަމަށް ފުލުހުންނާ އާއިލާއިން ހިއްސާކޮށްފައިވާތީ އެކަން ބެލުމަށް، ފުލުހުންގެ ޕްރޮފެޝަނަލް ސްޓެންޑާޑްސް ކޮމާންޑް، ނެޝަނަލް އިންޓެގްރިޓީ ކޮމިޝަން އަދި ހިއުމަން ރައިޓްސް ކޮމިޝަންގައި އެދިފައިވާނެ ވާހަކަ ކަމަށް ފުލުހުން ބުންޏެވެ.