އެމްޑީޕީގެ ގައުމީ މަޖިލީހުގެ ހުސްވެފައިވާ 26 މަގާމަށް ކުރިމަތިލުމުގެ ފުރުސަތު މިއަދު ހުޅުވާލައިފި އެވެ.

އެމްޑީޕީން ބުނީ ބައި-އިލެކްޝަންއަށް ކުރިމަތިލާން އެދޭ މީހުން ފޯމު ފުރިހަމަ ކުރުމަށްފަހު ޖުލައި 7، ވާ އާދީއްތަ ދުވަހުގެ ކުރިން ހުށަހަޅަން އެދޭ ކަމަށެވެ.

މި އިންތިހާބު ބޭއްވުމަށް ހަމަޖެހިފައި ވަނީ އޯގަސްޓު 2، ވާ ހުކުރު ދުވަހު އެވެ.

ކުރިމަތިލން ހުޅުވާލި މަގާމުތައް:

• ހއ. ދިއްދޫ އަދި ހއ. ކެލާ އަދި ހއ. އިހަވަންދޫ ދާއިރާގެ ރައީސް
• ހދ. މަކުނުދޫ ދާއިރާގެ ރައީސް
• ހދ. ކުޅުދުއްފުށި ދެކުނު ދާއިރާގެ ރައީސް، ކުޅުދުއްފުށި ސިޓީގެ ރައީސް
• ރ. އުނގޫފާރު އަދި ރ. އިނގުރައިދޫ ދާއިރާގެ ރައީސް
• ބ. ތުޅާދޫ އަދި ބ. ހިތާދޫ ދާއިރާގެ ރައީސް
• ޅ. ކުރެންދޫ ދާއިރާގެ ރައީސް
• ކ. މާފުށި އަދި ކ. ހުރާ ދާއިރާގެ ރައީސް
• އދ. ދަނގެތި ދާއިރާ ރައީސް
• ގއ. ކޮލަމާފުށި އަދި ދާންދޫ ދާއިރާގެ ރައީސް
• ގދ. ފަރެސްމާތޮޑާގެ ރައީސް އަދި ތިނަދޫ ސިޓީގެ ރައީސް
• ފޭދޫ ދެކުނު ދާއިރާގެ ރައީސް
• މެދު ހެންވޭރު، ހެންވޭރު އުތުރު، ގަލޮޅު އުތުރު، މައްޗަންގޯޅި އުތުރު، މާފަންނު އުތުރު އަދި ހެންވޭރު ހުޅަނގު ދާއިރާގެ ރައީސް
• ހުޅުމާލެ އުތުރު ދާއިރާގެ ރައީސް
• މާލެ ސިޓީގެ ރައީސް

އިންތިހާބަށް ކުރިމަތިލާ މީހުންގެ ހުންނަން ޖެހޭ ޝަރުތުތައް:

• ޖުލައި 1، އާ ހަމައަށް ޕާޓީގެ މެންބަރެއްގެ ގޮތުގައި އިލެކްޝަން ކޮމިޝަނުގައި ދަފްތަރުވެފައިވުން.
• ވޭތުވެދިޔަ ފަސް އަހަރު ތެރޭގައި ޕާޓީގެ އަސާސީ ގަވައިދާއި ހިލާފުވެފައި ނުވާ މެންބަރެއް ކަމުގައިވުން.

އެމްޑީޕީގެ ގައުމީ މަޖިލީހުގައި ހިމެނެނީ ޕާޓީގެ ޗެއާޕާސަން، ރައީސް، ޕާލިމަންޓްރީ ގްރޫޕުގެ މެންބަރުން، ދާއިރާތަކުގެ ރައީސުން، ޗެއާޕާސަންގެ ނައިބު (އިދާރީ) އާއި ޗެއާޕާސަންގެ ނައިބު (މާލީ)، ޒުވާނުންގެ ހިތްވަރުގެ ރައީސް އަދި އިސްލާމީ މަޝްވަރާ މަޖިލީހުގެ ރައީސް އެވެ.