އައްޑޫ ސިޓީ ފޭދޫގައި މަސައްކަތްކުރާ ބިދޭސީއަކު މޫދުގައި މަރުވެފައި އޮއްވައި ފެނިއްޖެ އެވެ.

ފުލުހުން މީޑިއާތަކަށް ފޮނުވި މެސެޖެއްގައި ބުނީ އޭނާ މަރުވެފައި އޮއްވައި ފެނުނީ ކުނި އުކާލަން ދިޔުމަށް ފަހު ހަބަރެއް ނުވެގެން ހޯދަމުން ދަނިކޮށް ކަމަށެވެ.

އޭނާ ފެނުނީ މޫދުގައި އޮއްވައި ކަމަށްވާއިރު ސިއްހީ މަރުކަޒަށް އޭނާ ގެންދިޔައިރު ވެސް އޮތީ މަރުވެފައި ކަމަށް އެ މަރުކަޒުން މައުލޫމާތު ދޭ ކަމަށް ފުލުހުން ބުނެ އެވެ.

މިކަމުގެ ރިޕޯޓު ލިބުނީ ހެނދުނު 09:40 ހާއިރު ކަމަށް ފުލުހުން ބުނެ އެވެ. މި ހާދިސާއާ ގުޅިގެން ބަލަން ޖެހޭ ކަންކަން މިހާރު ބަލަމުންދާ ކަމަށް ފުލުހުން ބުނެ އެވެ.