ސިންގަރ ބްރޭންޑް އެންޑް ޗޮއިސެސްއިން ހިޔާ ހުޅުމާލެ ފޭސް 2 ގެ "ހިޔާ ޕާކު" ގައި ބާއްވާ ހާއްސަ އިވެންޓުގައި ލަކީޑްރޯއިން ހޮވޭ ހަ ފަރާތަކަށް ހާއްސަ އިނާމެއް ދިނުމަށް ނިންމައިފި އެވެ.

މި އިވެންޓު ބޭއްވުމަށް ހަމަޖެހިފައި ވަނީ ހުކުރު ދުވަހުގެ ރޭ 21:00 އިން ފެށިގެން 22:00 ޖަހަންދެންނެވެ. އިވެންޓު ނިންމާލުމަށްފަހު ބޮޑުބެރުގެ ހަރަކާތްތައް ވެސް ކުރިއަށްދާނެ އެވެ.

މި އިވެންޓަކީ ސިންގަރ އިން މުޅިން އަލަށް މާކެޓަށް ނެރޭ "ހޮނޯ" ބްރޭންޑުގެ ޕްރޮޑަކްޓެއް ލޯންޗު ކުރުމަށް ބާއްވާ އިވެންޓެކެވެ. އަދި އިވެންޓުގައި ޕްރޮޑަކްޓާ ބެހޭ މައުލޫމާތުތައް ވެސް ދޭނެ އެވެ.

ސިންގަރ އިން ބުނީ މި އިވެންޓުގައި ކޫޕަނެއް ފުރައިގެން ކޮންމެ މީހަކަށް ވެސް ލަކީ ޑްރޯގައި ބައިވެރިވުމުގެ ފުރުސަތު ލިބޭނެ ކަމަށާއި، އިވެންޓު ނިމުމުގެ ކުރިން ގުރު ނަގައިގެން ހަ ނަސީބުވެރިން ހޮވައި އިނާމު ހަވާލު ކުރާނެ ކަމަށެވެ.

ސިންގަރ އިން އަންނަނީ ސެމްސަންގް، ސޮނީ، ފިލިޕްސް، ޕެނެސޮނިކް، އެލްޖީ، ހިޓާޗީ، ޕްރެސްޓިޖް ބީކޯ، ކެންވުޑް އަދި އިތުރު ބްރޭންޑުތަކުގެ އިލެކްޓްރޯނިކްސް ވިއްކަމުންނެވެ.

އޭގެ އިތުރުން ސިންގަރ އިން އަންނަނީ މެލޭޝިއާއިން އުފައްދާފައިވާ އެކި ފަރުނީޗަރު ވެސް ވިއްކަމުންނެވެ. އޭގެ ތެރޭގައި ކޮޓަރި އަދި ބަދިގެއަށް ބޭނުންވާ ފަރުނީޗަރު ވެސް ހިމެނެ އެވެ.

ސިންގަރ އިން ވިއްކާ ސޯފާއަކީ ކުދިކުދި ޖާގަތަކަށް ބޭނުން ގޮތަކަށް އަދި ބޭނުން ސައިޒަކަށް ތައްޔާރު ކޮށްލެވޭ ސޯފާއެކެވެ. އަދި ދެތިން ހަފުތާ ތެރޭގައި ކަސްޓަމަރުންނަށް ސޯފާ ރައްދު ކޮށްދެ އެވެ.