ށ. ފުނަދޫގައި ސިހުރު ހެދި ކަމުގެ ތުހުމަތުގައި ހައްޔަރުކުރި މީހާގެ ބަންދަށް އިތުރު ފަސް ދުވަސް ޖަހައިފި އެވެ.

މި ތުހުމަތުގައި 60 އަހަރުގެ ދިވެހި ފިރިހެނަކު ހައްޔަރުކުރީ މެއި 3، ގަ އެވެ. އެންމެ ފުރަތަމަ ފުނަދޫ މެޖިސްޓްރޭޓް ކޯޓުން އޭނާގެ ބަންދަށް ޖެހީ 15 ދުވަހެވެ. ދެން އިތުރު 10 ދުވަސް ކޯޓުން ޖެހި އިރު އެ މުއްދަތު އިއްޔެއަށް ހަމަވެއްޖެ އެވެ.

ފުލުހުން މިއަދު ބުނި ގޮތުގައި އިއްޔެ ކޯޓުން އޭނާގެ ބަންދަށް އިތުރު ފަސް ދުވަސް ޖަހާފައިވެ އެވެ.

އެ މީހަކު، އެ ކަމެއް ކުރީ ފުނަދޫ ދާއިރާގެ އާ މަޖިލިސް މެންބަރު މުހައްމަދު މަމްދޫހު (މަންޑޭ) އަށް އަމާޒުކޮށް ކަމަށް ބުނެ އޭނާގެ ސަޕޯޓަރުން ނުރުހުން ފާޅުކޮށް އަޑު އުފުލާފައިވެ އެވެ.