ސޮނީ ސްޕޯޓްސްގެ ފިހާރައެއް ހުޅުމާލެ ދެވަނަ ފިޔަވަހީގެ ވިނަރެސް ޓަވަރު ހަތަރެއްގައި ހުޅުވައިފި އެވެ.

ސޮނީ ސްޕޯޓްސްއިން ބުނީ މި ފިހާރައިން ކުޅިވަރު ކުޅޭ މީހުން ލާ އެކި އެއްޗެހީގެ އިތުރުން އާންމުކޮށް ބޭނުންކުރާ ބައެއް ހެދުންތައް ވެސް ލިބެން ހުންނާނެ ކަމަށެވެ.

ހުޅުމާލޭގައި އަލަށް މި ފިހާރަ ހުޅުވުމުން ޖޫން، 4 ގެ ނިޔަލަށް އެކި ޕްރޮޑަކްޓުތަކުން ޑިސްކައުންޓް ލިބޭނެ ކަމަށް ވެސް އެ ފިހާރައިން ބުނެ އެވެ.

"ފިހާރައެއް ހުޅުމާލެ ދެވަނަ ފިޔަވަހީގައި ހުޅުވީ ވީހާވެސް ފަސޭހައިން ހުޅުމާލޭގައި ދިރިއުޅޭ ކަސްޓަމަރުންނަށް ލިބޭނެ މަގު ފަހިކޮށްދިނުމަށް،" ސޮނީ ސްޕޯޓްސް ލައިފްސްޓައިލް އިން ބުންޏެވެ.

ސޮނީ ސްޕޯޓްސް ލައިފްސްޓައިލް އިން އަންނަނީ ނައިކް، އެޑިޑާސް، ކުއިކްސިލްވާ، ރޮކްސީ، ޑީސީ ޝޫޒް، އާރްވީސީއޭ އަދި ލެވީސް ބްރޭންޑްގެ އޮރިޖިނަލް ބޫޓުތައް ވިއްކަމުންނެވެ.

މީގެއިތުރުން އެތުލީޓުންނަށް ހާއްސަ ނައިކް އަދި އެޑިޑާސް ބްރޭންޑްގެ އޮރިޖިނަލް ބޫޓުތަކާއި، ދުވުމަށް ހާއްސަ ބޫޓުތައް ވެސް ސޮނީ ސްޕޯޓްސް އެންޑް ލައިފްސްޓައިލް އިން އަންނަނީ ވިއްކަމުންނެވެ.

ސޮނީ ސްޕޯޓްސް ލައިފްސްޓައިލްގެ ވިނަރެސް ފިހާރައިން ހުރިހާ އުމުރުފުރާއަކަށް ލެވޭ ބޫޓުތައް ވިއްކާއިރު، މާލޭ ފިހާރައިން ލިބެން ހުންނަ ހުރިހާ އެއްޗެއް އެ ފިހާރައިން ވެސް ލިބެ އެވެ.