ފަލަސްތީނަކީ މިނިވަން ދައުލަތެއް ގޮތަށް ޔޫރަޕްގެ ސްޕެއިން، އަޔަލޭންޑް އަދި ނޯވޭއިން މިއަދު ބަލައިގެންފި އެވެ.

ޑަބްލިންގައި ތިން ގައުމުގެ ބޮޑުވަޒީރުން އެކުގައި ބޭއްވި ނޫސްވެރިންގެ ބައްދަލުވުމުގައި އަޔަލޭންޑްގެ ބޮޑުވަޒީރު ސައިމޮން ހެރިސް ވިދާޅުވީ އަޔަލޭންޑް، ނޯވޭ އަދި ސްޕެއިންއިން ވަނީ ފަލަސްތީން މިނިވަން ދައުލަތެއް ގޮތުގައި ބަލައިގަންނަން ނިންމާފައި ކަމަށެވެ.

މި ނިންމުން ރަސްމީ ކުރުމަށް ކުރަން ޖެހޭ މަސައްކަތް ކުރަމުންދާ ކަމަށާއި، މެއި، 28 އިން ފެށިގެން ފަލަސްތީން މިނިވަން ދައުލަތެއް ގޮތުގައި ރަސްމީކޮށް ތިން ގައުމުން ދެކޭނެ ކަމަށް އަޔަލޭންޑްގެ ފޮރިން މިނިސްޓަރު މައިކަލް މާޓިން ވިދާޅުވި އެވެ.

ނޯވޭގެ ބޮޑުވަޒީރު ޖޯނަސް ގަހްރް ސްޓޯ ވިދާޅުވީ މިހާރު ކުރިއަށްދާ ހަނގުރާމަ ހުއްޓުވަން ފަލަސްތީނަކީ މިނިވަން ދައުލަތެއްތޯ އޮތް ސުވާލަށް ނިމުމެއް ގެންނަން ޖެހޭ ކަމަށެވެ.

މީގެއިތުރުން ސްޕެއިންގެ ބޮޑުވަޒީރު ޕެޑްރޯ ސަންޗޭޒް ވިދާޅުވީ ފަލަސްތީނަކީ މިނިވަން ދައުލަތެއް ގޮތަށް ބަލައިގަންނަން ނިންމީ ސުލްހަ ގާއިމު ކުރުމަށް ކަމަށާއި، މިއީ އެއްވެސް ބަޔަކަށް ކޮށްދިން ކަމެއް ނޫން ކަމަށެވެ.

ފަލަސްތީނަކީ އދ ގެ ފުރިހަމަ މެމްބަރެއް ގޮތުގައި މެއި، 10 ގައި ވަނީ ނިންމާފަ އެވެ. މިކަމަށް ނެގުނު ވޯޓުގައި 143 ގައުމަކުން ހުށަހެޅުމާ އެއްކޮޅަށް ވޯޓު ދިނެވެ.