ށ. ފުނަދޫގައި ސިހުރު ހެދި ކަމުގެ ތުހުމަތުގައި ހައްޔަރުކުރި މީހާގެ ބަންދަށް އިތުރު 10 ދުވަސް ޖަހައިފި އެވެ.

މި ތުހުމަތުގައި 60 އަހަރުގެ ދިވެހި ފިރިހެނަކު ހައްޔަރުކުރީ މެއި 3، ގަ އެވެ. އެންމެ ފުރަތަމަ ފުނަދޫ މެޖިސްޓްރޭޓް ކޯޓުން އޭނާގެ ބަންދަށް ޖެހީ 15 ދުވަހެވެ. އެ މުއްދަތު އިއްޔެއަށް ހަމަވެއްޖެ އެވެ.

ފުލުހުން މިއަދު ބުނި ގޮތުގައި އިއްޔެ ކޯޓުން އޭނާގެ ބަންދަށް އިތުރު 10 ދުވަސް ޖަހާފައިވެ އެވެ.

އެ މީހަކު، އެ ކަމެއް ކުރީ ފުނަދޫ ދާއިރާ އިންތިހާބީ މަޖިލިސް މެންބަރު މުހައްމަދު މަމްދޫހު (މަންޑޭ) އަށް އަމާޒުކޮށް ކަމަށް ބުނެ އޭނާގެ ސަޕޯޓަރުން ނުރުހުން ފާޅުކޮށް އަޑު އުފުލާފައިވެ އެވެ.