މި އަހަރުގެ ފިތުރު އީދު ދުވަހަކީ ބުދަ ދުވަސް ކަމުގައި އިސްލާމިކް މިނިސްޓްރީން ދާދި ދެންމެއަކު އިއުލާން ކޮށްފި އެވެ.

އިސްލާމިކް މިނިސްޓްރީން މިިކަން އިއުލާން ކުރީ ޝައްވާލު މަހުގެ ހަނދު ސާބިތު ކުރުމަށް ޓަކައި އިސްލާމީ މަރުކަޒުގައި ބޭއްވި ޖަލްސާއަށް ފަހުގަ އެވެ.

މިނިސްޓްރީން ބުނީ، ރާއްޖޭގެ އެއްވެސް ސަރަހައްދަކަށް ހަނދު ފެނިފައިނުވާތީ މާދަމާއަކީ ރޯދަމަހުގެ 30 ވަނަ ދުވަސް ކަމަށެވެ.

ސަރުކާރުން އަންނަނީ މި އަހަރުގެ ފިތުރު އީދު ދުވަސް ރާއްޖޭގެ ހުރިހާ ސަރަހައްދެއްގައި ވަރަށް ކުލަ ގަދަކޮށް ފާހަގަކުރަން ނިންމައި، އެކަމަށް ތައްޔާރީތައް ވަމުންނެވެ. އޭގެ ތެރޭގައި ރަށްރަށް އީދަށް ޒީނަތްތެރިކޮށް، ދިއްލާލުން ހިމެނެ އެވެ.