އަމާނާތަކާފުލްގެ ނިވާ ހައްޖު އެންޑް އުމްރާ ތަކަފުލް ޕްލޭނާއެކު ހައްޖު އަދި އުމްރާގެ މާތް އަޅުކަން އަދާކުރަން ދާ ފަރާތްތަކަށް ލިބޭ ގެއްލުންތައް ކުޑަވެގެންދާނެ ކަމަށް އެ ކުންފުނިން ބުނެފި އެވެ.

އަމާނާތަކާފުލް އިން ބުނީ، ހައްޖު އަދި އުމްރާ ކުރާ ފަރާތްތަކަށް ހާއްސަކޮށް ތައްޔާރުކޮށްފައިވާ އެ ޕްލޭނަކީ ހައްޖާއި އުމްރާގައި ދިމާވެދާނެ ހުރަސްތަކުން ރައްކާތެރިވެ ތިބުމަށް އިތުބާރު ހިފޭނެ ޕްލޭނެއް ކަމަށެވެ.

ތަކަފުލް ޕްލޭންގައި މެޑިކަލް އެމަޖެންސީތަކާއި ދަތުރު ކެންސަލްވުމާއި ބޯޓަށްއަރުވަން ޗެކް ކޮށްފައިވާ ބެގޭޖް ގެއްލުމާއި އަދިވެސް އެތައް ކަމެއް ހިމެނޭ ގޮތަށް ގިނަ ކަންކަން އެކުލެވޭނެ ކަމަށް އަމާނާތަކާފުލް އިން ބުނެ އެވެ.

"ދަތުރު މައްޗަށް އަރާ ހިސާބުން ދަތުރު ނިންމާ އަމިއްލަ ވަޒަނަށް ވާސިލުވަންދެން މިތަކާފުލް ޕްލޭންގެ ރައްކާތެރިކަން ދަތުރުވެރިންނަށް ލިބޭނެ. އެންމެ 359 ރުފިޔާއަށް ނެގޭ މި ޕްލޭން ތައްޔާރު ކޮށްފައި ހުންނާނީ 30 ދުވަހަށް،" އަމާނާތަކާފުލް އިން ބުނެ އެވެ.

މިތަކާފުލްގެ ޕެކޭޖުން ކަވަރު ކުރާ ކަންކަން:

• އެކްސިޑެންޓެއްގައި އަޅުކަން އަދާ ކުރާ ފަރާތް ނިޔާވުން ނުވަތަ ދާއިމީ ނުކުޅެދުންތެރި ކަމެއް ކުރިމަތިވުން ތިން ލައްކަ ރުފިޔާއާ ހަމައަށް ފައިސާ ލިބޭ.
• ދިމާވާ ހާލަތެއްގެ ސަބަބުން ކޮންމެހެން ދަތުރު ކެންސަލްކޮށްލައި ފައިސާ ދައްކަން ޖެހުން، ނުވަތަ ފައިސާ ދައްކަން ކޮންޓްރެކްޓް ކޮށްފައިވާ ހަރަދުތަކުގެ ބަދަލު ދިނުމަށް 20،000 ރުފިޔާއާ ހަމައަށް ފައިސާ ލިބޭ.
• ގެއްލިފައިވާ ޕާސްޕޯޓެއް ބަދަލު ކުރުމަށް އަދި ޕާސްޕޯޓް ގެއްލުމާ ގުޅިގެން ދަތުރުގައި ކުރާ އިތުރު ހަރަދުތައް ކަވަރު ކުރުމަށް 3،000 ރުފިޔާ ލިބޭ.
• ފްލައިޓަށް އެރުވި ދަބަސްތައް ގެއްލުން – 10،000 ރުފިޔާއާ ހަމައަށް ފައިސާ ލިބޭ.
• ފްލައިޓަށް އެރުވި ދަބަސް ލިބުނު ލަސްވުން – 2،000 ރުފިޔާއާ ހަމައަށް ފައިސާ ލިބޭ.
• ދަތުރު ކުރަމުންދިޔަ ފްލައިޓް ހައިޖެކް ކުރުން – 15،000 ރުފިޔާއާ ހަމައަށް ފައިސާ ލިބޭ.
• ގާނޫނީ ގޮތުން ޒިންމާވާ ހާލަތެއްގައި ތިންވަނަ ފަރާތެއްގެ ހަށިގަނޑަށް ނުވަތަ މުދަލަށް ލިބޭ. ގެއްލުމަށް ބަދަލު ފޯރުކޮށްދިނުމަށް 150،000 ރުފިޔާއާ ހަމައަށް ފައިސާ ލިބޭ.

ނިވާ ހައްޖު އެންޑް އުމްރާ ތަކަފުލް ޕްލޭން ނަގަން ބޭނުންވާ ފަރާތްތަކަށް ޕްލޭނާ ބެހޭ މައުލޫމާތު އަމާނާތަކާފުލްގެ ވެބްސައިޓުން ލިބެން ހުންނާނެ ކަމަށް އެ ކުންފުނިން ބުނެ އެވެ. އަދި ކުންފުނީގެ 9923232 ނަމްބަރަށް ގުޅުމުން ޕްލޭނާ ބެހޭ މައުލޫމާތު ލިބޭނެ ކަމަށްވެސް އަމާނާތަކަފުލް އިން ބުނެ އެވެ.

އިންޝުއަރެންސް ދާއިރާގައި 20 އަހަރުގެ ތަޖުރިބާ ލިބިފައިވާ އަމާނާތަކާފުލްއިން އަންނަނީ އާންމު ރައްޔިތުންނަށް ބޭނުންވާ މުހިންމު ޕްލޭންތައް ތައާރަފްކުރަމުންނެވެ.